早前撞樹的城巴長陣青年1833, 被拖往鰂魚涌車輛扣留中心

原帖由 2927 於 2015-7-2 22:05 發表
其實正如Petcity兄所講,Brake呢樣野分分鐘Reboot下會正常,Common Sense也不如電腦??
陰謀論?好似係你自己加上去喎
重申:我既發問重點係想問咁做有冇問題,冇指控過人
而你卻推測人地咁做既動機以及創造設例指控我?
師兄用意何在?

不如你問下人地, 係咩情況下, 部車既制動系統係故障情況下 reboot 得返就冇事?
而且你係想好專門咁講, 好似 reboot 電腦咁 reboot 啲電子野丫, 定還是好 layman 咁形容下所有相關動作?

Webco 又好, Knorr Bremse 又好 (個手掣聽聞唔係呢間就係嗰間公司出品, 我諗都唔需要講第三間) 就算再加幾多電子系統, 係 fail safe design 既情況下
制動系統既硬件都要係冇晒電既情況下能夠正常運作, 電子系統失靈只係會令到部車制動時冇咗呢啲錦上添花既東西, 或者索性鎖住部車唔郁
更重要一點, 就係扣留中心除咗衝錶亦要過迫力機, 部車唔係郁緊, 想ABS/ASR/EBS點樣發揮功效?

我遇唔少制動故障既case, 但唔好意思, 即使電子野仍然發生故障, 部車都一樣停到車, 最多reset完先郁得返, 即係你所謂 reboot
如果涉及到冇迫力, 已經去到硬件操作既問題, 如果你既 reboot 可以 layman 到包括埋維修機械硬件既,點知你係咪真係諗佢地中途 reboot (整過部車既硬件) 先入扣留中心

我諗來諗去都只係諗到平拖部車去扣留中心, 車主雖然方便但可能會蝕底
但既然你認為咁樣係有問題而且有利於車主既, 倒想睇下你有咩建議, 可以運部車去扣留中心而唔需要人駕駛又或者影響證物?

---

本來都仲諗緊自己係咪語氣重, 不過你回文既然都已經有既定 (但layman而且唔合理既) 立場, 我諗我都係諗多咗
即使你一開始問兩個假設性問題, 但你本身既思維已經認定部車係可以靠reboot下就冇晒事
我會覺得你其實已經質疑緊係咪有人想或者已經影響緊證物, 成件事係真的話, 可以係刑事案架啵

你既假設性問題, 我同你既爭拋, 熄咗個browser就可以當咩事都冇
佢地做既野真係有問題的話, 我自己都會一個電話或者一個電郵去投訴
但如果有有心人因為一個唔合理既假設, 而搞到做嗰個人比人問責; 無啦啦捉入房比人問長問短, 就算最終發現冇錯, 你估嗰個人好好受?
唔敢講多, 識得兩三個人已經因為咁而中招

電子油門大把私家車用緊
電子brake都係第一次聽, 又學到嘢