輕鐵大棠路站新款上蓋

原帖由 ksmbh 於 2015-7-5 22:30 發表

除非買多門上落巴士
否則單門上單門落
大馬路塞巴士由頭排到尾

之但係冇咗輕鐵限制後巴士唔一定只行大馬路，可以行教育路、安寧路等等，而拆咗大馬路中間輕鐵阻路設施後相信可以改善大馬路南、北之間區域連接

輕鐵都起好左廿幾年，咩都習慣晒啦，
大馬路越來越塞係因為元朗人口多左，但主要商業同公交都喺大馬路發生，
如果大馬路有多條平衡嘅巴士走廊當然最正啦。

原帖由 concorde3388 於 2015-7-5 08:48 PM 發表
D人成日話要阻路，要求cut輕鐵，但又唔諗下一班輕鐵可以載幾多客。cut咗輕鐵，D人流去曬巴士，到最後咪又係塞返巴士。

我反而晌度諗，如果無輕鐵，
元朗既人流/發展又係咪咁集中晌大馬路一帶？
如果無輕鐵，又有幾多人會往返屯元天三區？
同埋其他區無輕鐵，又有幾多地方會塞巴士？

我自己覺得有無輕鐵都對當區有正面同負面既影響，
但有一樣野其實又係事實：輕鐵的確幾阻街。

我告比你地知, 元朗大馬路真係好差, 太多人太擠迫街道......仲有如意外, 好嚴重大塞車!
乜嘢原因呢？係輕鐵站有問題....有冇方法改善助大馬路呢？
我去過好多次, 太擠迫.......討厭.

[ 本帖最後由 JCSCANIA 於 2015-7-6 09:13 編輯 ]

問題在於元朗其他道路也不闊，根本承受能力有限。而元朗大部份的發展，都是集中在大馬路附近，過兩個街口就差不多到市區邊緣。

我覺得既然都已經起左，應該盡快加密班次，實施3卡輕鐵

班次路線盡量簡化，等可以密集D班次

冇左輕鐵我覺得會出現返好多人泊車或者亂過馬路
好似德輔道中咁

原帖由 pakhei123 於 6-7-2015 03:30 PM 發表
班次路線盡量簡化，等可以密集D班次

當年551/552/553既方案就可以做到呢個point，係d區議員反對之嘛。

元朗區只有610往屯門及761往天水圍，但班次係密到「離譜」！
不過好多客因而要轉車，所以……
睇614/615拆P後，十年都冇進一步行動就知，即使最疏23分鐘一班，d客又受wo…咁所以……
之前既用心聽計劃都搞到614/615最疏好似變番做19.5分鐘一班(數字有否錯？？)

即係呢個方向已行唔通。尤其有兩蚊之後，搭輕鐵，轉唔轉西鐵綫都一樣，俾著長者，梗係一程過唔使郁黎郁去最開心，故元朗既610/614/615簡化唔到嫁喇。
如果現時仍然有天榮來往元朗既761，相信都唔會縮到變成761P天逸

原帖由 stevenlim84 於 2015-7-6 09:59 發表
問題在於元朗其他道路也不闊，根本承受能力有限。而元朗大部份的發展，都是集中在大馬路附近，過兩個街口就差不多到市區邊緣。

但而家元朗南邊越起越多樓，已經唔係好多年前集中大馬路附近情況啦
其實教育路某D位同大馬路差唔多咁旺
其實其中一個問題係元朗好多乜坊物坊都有泊車位，但泊車位唔多，好多車都兜入去搵位，見冇位就兜返出去去第二度搵位，所以塞死晒D車