台鐵654次莒光號企位情況

原帖由 DIH 於 2015-7-13 10:23 發表
企位問題其實係自由席的延伸，列車設有自由席或不設強制劃位，係出於兩個完全相反但殊途同歸的理由：
(A) 極受歡迎多人到爆，所以要盡量塞更多人入去。在此情況下有人企係營運者早已預計的。
(B) 系統運量充裕，唔使劃位都可以個個有得坐。在此情況下有人企係意外但制度容許之事。

台灣我認為可以歸入(A)類。

台灣高鐵好多時都企滿，以各停班次最常見，
高鐵新竹站有大量通勤客前往台北，因為高鐵新竹站(台鐵六家站)一帶已發展成服務台北的「臥房社區」，
不少人每天清早坐高鐵到台北上班，晚上坐高鐵回新竹訓覺

台鐵長途車企滿情況比高鐵嚴重得多，自強號同莒光號在台灣北部係經常性迫爆，
因為自強號同莒光號比區間車快，好多短程通勤/通學客見自強/莒光就迫上去，
台灣北部高度都市化，新竹、中壢、桃園的人口都非常龐大，自強/莒光個個站都上落一大批人，
搞到好多台灣北部中程客都要企足全程，我試過搭莒光號要由新竹企門口企到上台北

試過農曆新年搭莒光,台中沙鹿站北上, 企了大半程
有人更在板橋提早下車
企的情況比樓主的稍為好,但肯定無位坐

台鐵只有觀光列車，太魯閣號和普悠瑪號不設站票
其餘所有列車都可能企位

高鐵只可以在自由座車廂企位，其餘車廂係不可以