[閒聊]各位討厭哪些廣告?

「一條小抺香鯨，擱淺於沙灘...直播室，小抺香鯨情況穩定...」

一聽到就打冷震。

反而以前個女仔食煙俾隻狗搶走仲成包掉落廁所就幾好。

我好鬼憎「纖形22」個廣告，
好鬼煩！講個電話號碼又講到好鬼難聽，
近排果d一對一教跳舞既廣告又「離題」且不切現實，
仲有呀~~果d舞又改到個名好核突……
總之見到都想反胃啦！

原帖由 DM9172 於 2006-4-30 18:50 發表
新資訊:健康醫療集團

呢個廣告, 無論係d對白定係兩個主角都好唔得, 完全真係做戲咁樣做,
我硬係覺得呢間野想呃人咁...

原帖由 TL 於 2006-5-11 19:45 發表
個細路討好唔到我.

個細路．．．感覺佢好”串”

原帖由 dennislokawai 於 2006-5-10 13:21 發表
我好鬼憎「纖形22」個廣告，
好鬼煩！講個電話號碼又講到好鬼難聽，
近排果d一對一教跳舞既廣告又「離題」且不切現實，
仲有呀~~果d舞又改到個名好核突……
總之見到都想反胃啦！

的確係咁..而家d纖體廣告我都唔係好鍾意
過分咁賣弄性感,我睇個d廣告完全得唔到健康既感覺,
呀~~鄧梓峰有個"激"髮廣告, 好低能, 有個男人死牛咁聲,
"....無辦法, 有x素霉,...有辦法"隨之就係一d電話唔通聲,
跟住就接通左..整個廣告比人都係無聊既感覺..同搞笑lor
仲有亞視好鍾意播d大陸廣告, 咩浪奇高富力,香港都無得賣,
右成日係度懶搞笑..睇完都想嘔,完全係爛gag...

原帖由 KZ2356 於 2006-5-11 22:05 發表


講到賣弄性感，非唐安麒莫屬，最近出街的一輯，穿著白色比堅尼泳衣，「養眼」多過真係賣纖體廣告。

唔只，亞視仲贊助其節目預告，依家攪到連大台都學埋。好似「普通話財經消息」、「都市閒情」咁，唔駛預告 ...

講起大陸廣告d歌難聽..寶寶x水都唔係最正..最正係有個叫xx眾生丸, 個廣告低b不特已, 首歌個作曲作詞人簡直頒cash比佢...尤其係主唱既男士..高音準低音勁, 完全咁唱出呢隻藥丸既作用..以下節錄其中幾句"....快服眾生丸..喉嚨沙啞...快服眾生丸.."真係聽到我病咁滯....詳情請留意亞視既廣告

原帖由 TL 於 2006-5-11 19:45 發表
近來某慳電膽廣告幾令我討厭.

有一家人, 個老豆拉小提琴, 個仔走左去跳 hip hop 果個廣告, 個細路討好唔到我.

你令我諗起近期數字手機的廣告。個細路一樣唔可以討好我,
同埋成個廣告首音樂聽完好煩。

我發覺搵細路賣廣告一係好受歡迎, 一係好乞人憎。

原帖由 volvo58x 於 2006-5-11 19:53 發表

呀~~鄧梓峰有個"激"髮廣告, 好低能, 有個男人死牛咁聲,
"....無辦法, 有x素霉,...有辦法"隨之就係一d電話唔通聲,
跟住就接通左..整個廣告比人都係無聊既感覺..同搞笑lor

呢個系列應該出到第五代...

最低能果輯應該係開新店 (好似係荃灣) 果陣果套「向上髮展」...