[多圖]JR四國火車 (普通篇)

話說早前一篇應承咗話有普通列車篇，
點知upload完d相就無咗件事。
見果篇文比人share咗就勾番起要share埋，
對好多人嚟講，
特急列車、新幹線又快又方便，而且外型前衛，
但作為鍾意咗日本火車10年嘅我，
則對在來線、普通列車更著迷。

自問對每款車嘅性能、機械唔算熟，興趣亦唔算太大，
反而對路線、風景更著迷。
看著一卡兩卡列車在山中奔馳，
在客量不多的車卡中享受無盡的風光，
這對我來說才是真正的鐵路旅程。
這次四國旅程我都坐了不少普通列車，
更試過得我一個包起整架「新幹線」，
欣賞更多特急、新幹線瞬間即逝甚至看不到的絕美風景。
廢話少說，去相。

先講電車︰
其實四國得松山/伊予市、琴平 - 高松段係有電化，
簡單可以劃成兩個區間(伊予西條 - 伊予市 / 高松 - 琴山、伊予西條)
電車嚟嚟去去都係果幾款。

先講高松果邊，
113系 - Sunport高松 (番到嚟有朋友話好靚，我就覺得好動畫feel......唔太吸引)
主要係伊予西條 - 高松、瀨戶大橋線都會見到。
攝於高松站


121系 - 四國普通列車大哥，有近30年車齡，
主要為普通短途、區間車服務，圖中果架密密來回多度津 - 琴平。
攝於多度津站


呢架就密密來回高松 - 坂出。
攝於高松站


6000系 - 翻查資料先發現喺四國實屬少數。
不過其實都唔算話難見，頭幅似東日本211系和西日本213系，
主力以高松 - 琴平 / 伊予西條 - 高松嘅「Sunport高松」為主。
攝於多度津站


執到一d都唔似日式嘅日式feel.....
攝於丸龜站


7000系 - 已經係四國最新嘅普通車系列，
不過都有廿幾年車齡，但坐起嚟好舒服，起步算叫靜。
呢款車係予讚線、土讚線所有電化區間都會見到佢蹤影，
基本上伊予西條 - 松山普通車服務全部由7000系負責。
攝於伊予市站


非貫通車頭 (?)
攝於高松站



氣動車篇
講到四國火車就一定唔可以唔提氣動車 (kihaキハ)，
四國好多線路山多平地少，要電氣化實在唔易，
而且客量亦唔係話多，電化哂簡直難上加難。
所以就有賴唔同氣動車服務各大線路。

首先講梗係キハ40 / キハ47 - 四國元老，
以德島為主場嘅佢地，
基本上成個東面都會見到佢地嘅影子，
予讚線松山 - 伊予大洲都會見到。
本來想坐下佢地行鳴門線，點知竟然同我嚟咗架1200系，
但聽吓佢嘅沉重又響嘅摩打聲都夠。
攝於德島站


咁岩影完之後有人跌咗野落路軌，站務員好快幫佢執起，
車程好彩無延誤到。


攝於下灘站


キハ54 - 可以話係險要地方必勝車輛，
遠至北海道-20度嘅地方，近至四國土讚線山區上落坡度大嘅秘境都見到佢身影，
堪稱四國馬力最大嘅普通氣動列車。

清晨6點，列車喺晨光照射下前往目的地土佐山田站，
攝於高知站


除咗土讚線，予讚線西段、予土線亦係佢地出沒區間，
話就話短途運輸，乜松山 - 宇和島好短咩
普通車要行近3個鐘呢。
攝於宇和島站，留意車頭標誌。


キハ32 - 觀光列車必備，屬キハ40輕量版。
呢款車出沒率和キハ54不相伯仲，專行d蝕錢路段。
而且仲係四國最短嘅普通列車，僅有16米。
鍾意呢款車嘅原因就係夠簡潔，而且車身配奶白色+天藍色，
睇落都算年輕。
攝於土佐山田站


攝於松山站


四國風景真係靚到不能用言語表達。
攝於阿波池田站


キハ54、キハ32併結番高知
攝於土佐山田站


當然キハ32最大賣點梗係唔係最短嘅車型啦，
而係行予土線嘅「予土線三兄弟」，
雖然我就夾唔到時間坐予土線三兄弟，
但就會坐予土線普通列車由宇和島去窪川入高知，
咁岩就坐到其中一款(唔駛預約又有得包車你話幾好)。
見到有架「海洋堂號列車」，入面有好多植物、生態模型睇，
個廣告可以話型到爆炸。
攝於宇和島站


本身無夾定話要坐邊隻，亦無預計到係特別列車，
但架車一嚟就知不得了，
竟係坐到最想果隻「鉄道ホビートレイン (鐵道迷列車)」，
車身概念來自新幹線0系列車，
佢仲起咗個名叫流動鐵道博物館，全因入面擺咗近二十款列車模型，
遲d整好d相再開post深入介紹。

話說包新幹線好似有d癡人說夢，
但我就成功係呢架予土線0號列車上面成功包車，
過咗江川崎之後到窪川都係得番我，你話是咪爽先﹖

車頭係3D 0系列車車頭設計，不過我就覺得好睇唔好駛
攝於窪川站


車尾個箭頭就係假嘅。
攝於宇和島站


1000系 - 四國最重要嘅氣動車，
點解我咁講? 因為基本成條土讚線長矩離、高德線普通運輸都要靠佢，
而且繁忙時間仲要做打仗車，
而且佢唔單止服務JR四國本社，連土佐黑潮鐵道都要搵佢幫手。

攝於窪川站


攝於阿波池田站


攝於坪尻站


中午時間要進入土佐黑潮鐵道幫手接番學放學，架車迫到沙甸魚咁款，
我入到車就嚟氣都抖唔到。
攝於後免站


1200系 - 1000系改造對應1500系，
其實就係將部份1000系改造成可以和2006年出產嘅1500系併結，
車身會塗上綠色銀色，算叫幾有時代感和撇去舊車、爛車感覺。
基本上1200系只會出現喺和德島有連接嘅高德線、德島線、鳴門線、牟岐線。

攝於德島站


留意目的地係近年四國新開發嘅橘子城市 (Orange City)
攝於高松站


1500系 - 四國最新氣動車
2006年先出產，主要取代キハ58，而且係低地台設計、Environmental Friendly。
主要同1200系一樣，以德島地區為主。
攝於鳴門站


攝於池谷站


做個小總結啦
以四國得唔過十條JR線嚟講，其實車輛款式之多實在值得交通迷一去。
而且四國基乎所有火車都係獨有，當中亦不乏部份特別火車，
而且車窗風景優美，有予讚線瀨戶海岸、土讚線大步危秘境、予土線四萬十川最後清流等等。
我視鐵道為旅行首要景點，唔介意晨咁早起身(4:45起身趕6點特急火車)，其餘嘅只係錦上添花，
咁樣作為火車迷先會玩得開心又值得。
最後附一張下灘站嘅kiha40，我覺得係全個trip最正嘅一張相


有時間再講下私鐵、路面電車和果架新幹線吧！

[ 本帖最後由 johnny0113 於 2015-7-29 15:33 編輯 ]

少少更正
予讚線係高松 - 伊予市都係電化, 唔係只得松山 - 伊予市普通車都可以由高松坐到松山, 不過得朝早 4:53, 去到松山 9:51, 坐足5個鐘...
回程就開 10:32 到高松15:34, 仲要係 "快速 sunport", 總時間仲耐過站站停

[ 本帖最後由 cky 於 2015-7-26 10:37 編輯 ]

原帖由 cky 於 2015-7-26 10:29 發表
少少更正
予讚線係高松 - 伊予市都係電化, 唔係只得松山 - 伊予市普通車都可以由高松坐到松山, 不過得朝早 4:53, 去到松山 9:51, 坐足5個鐘...
回程就開 10:32 到高松15:34, 仲要係 "快速 sunport", 總時間仲耐過站 ...

謝師兄提點！
打文前無詳細睇過時間表。

7000系係1990年出產架喎....邊只15年咁少...

原帖由 sammyleung719 於 2015-7-28 00:46 發表
7000系係1990年出產架喎....邊只15年咁少...

咦...係喎...王梓軒上身計錯數
謝師兄提點！

キハ65其實至係最大馬力既柴油車(500psX1)，只係同キハ58連結至拉番勻個平均出力
キハ54就係用兩台250ps引擎至有相同效果