點解重未重整屯門區往旺角巴士缐？

原帖由 siusiupeople 於 2015-8-13 12:58 發表



69X 車數唔多，就算要拆就要拉埋265B，甚至269B 先有得傾。
當然呢個局唔易攪，但唔代表無得攪。


唔夠客係比西鐵搶緊客，行埋長沙灣道只係加速69X 衰落咁解，
你自己統計下69X 自西鐵通左車後 (連埋九龍南線)，69X 班次減左 ...
102/106 慢，效率低要重整，呢個係巴士迷界常識，
F板很多建議都係針對緊它們，你都係睇多尐先講野啦你。

咩連鎖問題? 咪又係有班人有流水唔搭霸住長途車攪到成程車慢晒囉，
巴士公司無責任應付你班人架，你以為自己比左少少錢當正自己係皇帝?


好心你啦，落多尐東區聽下東區人意見先啦。

事實係...唔係長沙灣道, 69X早就步左268B後塵...
你連而家講咩分拆既資格都無
行長沙灣道唔係衰落...係保命之舉~

你又計下LOR...自西鐵通車之後, YTM一帶流失既客多, 定係SSP呢邊多?!
人同數都唔識睇, 你學咩人講分拆提速轉車呀, 小弟弟~



102/6果度...巴士公司係有絕對既責任去應付呢班人！
唔關咩比少少錢就係皇帝事...你有本事就唔好SET站, 無人落到車就無人上到你車~
咁架車就唔會慢, 最合你心意LA~
我只覺得東區搞好分工就得...分工搞返好提速自然有效果~


69X係YTM可能死係西鐵手...但你口中條慢到爆既長沙灣道一手敷返起條線~
個個真金白銀比足錢養住佢...改左佢可能死, 唔改佢都未必死~
除非有一日長沙灣道一帶有其他比69X好得多既野可以取代到佢~
如果唔係69X有排都死唔去, 係特登去搞佢都最後無事果種~

原帖由 siusiupeople 於 2015-8-13 14:54 發表

咁我相信一班半班車少客等於全部都少客既。

如果以小時計既時段都係一班半班, 咁268X應該仲未全日...
我咁講得自然唔係一班兩班既問題, 係一班兩班既問題我亦會清楚講明~

原帖由 siusiupeople 於 2015-8-13 14:55 發表

咁唔係屯轉應該點攪? 確實屯轉方便左喎，
屯門北，碼頭區轉一轉車個網絡大左喎。

岩呀, 係方便左...再發大就係要全屯門人都要用佢~
所以要用盡就係要全世界經呢度既乘客都要落車轉車...
咁就用得盡, 但大家都知道...咁用得盡既前提將會係無人再搭巴士...
亦即係屯轉根本無可能用得盡...點做都係會嘥錢嘥時間~

現階段要搞得比較好既做法係...不論晨早特別線定係咩皇牌線頹線...
總之行得果度就要停站, 唔好理咁做入屯轉條龍塞到幾遠~
呢個副作用就算有都一定要做~

咁先真正符合每一個支持RUN轉車站既人心底真正想行既果套...
如果有任何藉口...即係心底都知屯轉係根本性地有問題的~
亦即係其實果個人心底係唔支持屯轉...佢只係作好多個大話藉口比自己去支持佢JE~

利申: 從一開始就唔支持屯轉的人~

原帖由 siusiupeople 於 2015-8-13 15:12 發表



西鐵直出尖東，你覺得69X 會傷得過268B?


笑話，西鐵一通車幾個月69X 已經減班，仲要減左唔止一次，
自己搵番69X 舊班次先啦。


保命? 虧你咁都講得出...




兩邊都有，但你唔做野搶番YTM 尐客?
小弟弟，你識做生 ...

笑話...咁即係69X根本就無咩問題LA...又賴咩長沙灣道??
搵返69X既舊班次都印證唁到你講既野有任何合理性WOR~
所以我講既保命先係岩LOR:lol

你想去做YTM客...無問題, 但唔係下下諗野都要去犧牲另一邊既人去就你~
亦唔係下下去用新界既方式去諗九龍呢邊要點做...因為一定死梗的~
正如如果人地下下用九龍流水既方式去做新界...大家都知同樣係會死梗的~
而且...你一蚊都未賺過學咩人講做生意??
你呢種做生意既諗法, 咪好似食神周星馳咁...分拆再分拆然後就會好好賺咁LOR...
但現實上你本務都做唔到拆乜Q野JE, 一拆你只會死得更快~
當然我唔係唔同意D線係要提速/拆/重新分工...

講埋責任...巴士公司既責任係咩?
咪就係最單純既...做客LOR~
巴士係服務人...甚至可以比唔同既CHOICE比客揀要乜唔要乜...
但唔係你比個SERVICE出黎就係唔比某D人用...呢樣野佢無~
都係果句...有本事就修例, 巴士過左海/行完公路就唔可以再比客上車...
咁你就有數講...如果唔係佢行到邊收幾貴, 只要客肯比錢你就要做...
呢樣野係NO EXCUSE的~

應埋你最後QUOTE我既..."晒氣，69X 班次咪又係咁疏車。"
岩...但而家疏車+慢但仲有客養得起條線, 總好過有一日飛起呢度唔行果度搞到條線死得更慘好丫~

原帖由 siusiupeople 於 2015-8-13 14:55 發表

咁唔係屯轉應該點攪? 確實屯轉方便左喎，
屯門北，碼頭區轉一轉車個網絡大左喎。

咪就淨得屯門北 (仲要係屯門東北先啱，屯門西北都無乜著數) 同碼頭區方便咗囉
其他區，尤其市中心，大興山景同良田其實受惠有限，成個屯轉好多線本身無屯轉都一樣做到同樣效果
特快去旺角，美孚可以轉 63X；去葵芳青衣，一樣可以愉景新城先落車轉
真正要轉車嘅，得沙田尖沙咀九龍城
但呢個所謂方便，只係將豐景園同市中心大部份轉車客推咗落屯轉，以前地方太散你唔覺，而家就堆哂落轉車站，咪好似好多人囉

至於咩長沙灣道，都係個句，搬搬站已經幫到唔少，成條長沙灣道最慢係排隊埋站囉唔該 ...
52X 58X (59A) 59X 60X 66X 67X 68X 69X 265B E21 E21A 都係 share 同一個站，排幾耐先上到客呀大佬

仲有條 69X，到底係之前唔夠客 cut 班定因為西鐵通車就 cut 班，其實大家懂的

原帖由 siusiupeople 於 2015-8-13 12:58 發表



69X 車數唔多，就算要拆就要拉埋265B，甚至269B 先有得傾。
當然呢個局唔易攪，但唔代表無得攪。


唔夠客係比西鐵搶緊客，行埋長沙灣道只係加速69X 衰落咁解，
你自己統計下69X 自西鐵通左車後 (連埋九龍南線)，69X 班次減左 ...

本來當265B投入服務時,69X更可以縮短路線,265B經西廊去佐敦,69X縮去柏景灣

原帖由 groom1002 於 2015-8-13 22:33 發表
本來當265B投入服務時,69X更可以縮短路線,265B經西廊去佐敦,69X縮去柏景灣

唔該,2條線係長沙灣道都有好多客
真係好似你錦265B行西廊既話,265B會極少客
唔好咁天真覺得D客會走去轉轉轉啦
錦樣轉轉轉法只有巴迷先會錦做
大眾市民早就落晒地底啦