MK站大堂中央變付費區 朗豪坊往旺中需繞路

原帖由 on11358 於 2015-8-15 01:44 發表
有印象小弟經常使用旺角站果陣已經係分開左兩邊大堂，同埋唔知有無記錯，
最初大堂來旺C/D與E出口之間通道只係得恆生自動櫃員機果邊，
後期將收費區減少同埋將客務中心搬入少少，打通埋另一邊南北行通道，造就今日有條件將南北收費區合併。

係朗豪坊出口未落成前，C 出口旁位置原本只係一個補票處，而整個 C 出口只有閘機，
如果要去 D 出口，係必須要上一層再落番去（有無路去 A、B 出口我就唔記得），
而如果係 E 出口閘外需要去客務中心，就必須行去 A、B 出口既客務中心。

到後期，因為興建新出口（我唔記得係因為 B3 同 E 出口，定係因為朗豪坊），所以地鐵順手打通 C、D 出口通道，另外再與建多一個全新客務中心，
當有方型補票處就索性封左佢，而客務中心係貼近 C 出口既牆。

再到 09 年左右，港鐵索性將個客務中心 180 反轉，再開左條新路由 C 出口駁去 E 出口，
以下當年有板友貼出黎既圖，當中見到舊方型補票處，以及 09 反轉後既客務中心。

http://www.hkitalk.net/HKiTalk2/viewthread.php?tid=427002

就以旺角站為例，如果我身處雅蘭中心想去旺角東站又唔想日曬雨淋，就會落E出口經大堂行到B出口上旺角道行人天橋，
再經新世紀商場去旺角東站，雖然要上上落落又行遠左，但叫做沿途有蓋。

當年 B 出口同行人天橋有一段時間係淋雨。
2002 年行人天橋起好，B3 出口係到 03 年至落成（當然，本身係想一齊用，只係工程延誤左），係新出口落成之前，係要靠 B2 出口出入。

另外，以前 E 出口係無扶手電梯由大堂上去，一切要依靠樓梯，
係起 B3 出口同時，亦興建左宜家大家經常用到既扶手電梯，以及 A 出口升降機。
http://hk.apple.nextmedia.com/news/art/20020211/2430226

[ 本帖最後由 dennis28a 於 2015-8-15 04:22 編輯 ]

雖然打通係會有唔方便，但打通可以舒緩而家南邊擠塞情況，繁忙時間出入都好迫下