本帖最後由 ctb7k-pc6795 於 2017-7-15 23:19 編輯
記得271在1995-6年果陣曾掛過三架最早期3+2位的大富豪, 直到97/8年先調去其他線 如 72X / 73X
而圖中呢架GC1659 雖然無掛過271, 對我來講卻很特別. 佢不止去哂四間廠, 在服役17多年間,首掛過海隧道線開始,
港島由南面的華貴 (107) , 鴨島 (新出果陣行171, 112柯打),中環; 東至北角筲箕灣 (有板友話佢行過110),
九龍東西部, 新界東部將軍澳市中心, 寶琳路 (693 / 298B) 以至工業邨 都係佢頭六七年活躍的地方; 臨轉廠亦有入葵盛....
入大西北後, 屯門公路, 城隧欖隧, 青嶼幹線加埋青衣; 屯門元朗天水圍佢都留下轆印
沙田同埋北區就唔止成日行吐露港公路, 獅隧大隧、大埔華明上水聯和墟; 連大埔道, 大埔公路,
沙田區(除馬鞍山第一城外) 、新田公路、 大埔工業邨、大窩西支路、沙頭角、
文錦度邊境都會見佢行, 真係可以話係走遍香港每個角落 .........
更估唔到, 佢臨退前兩星期, 即2012年6月2日, 被派去271, 亦係佢最後一次出九龍,
在晚上有幸坐到佢, 仲要在九龍追到前面的ATE.....
佢, 亦成為271最後一部行走的大康豪, 為271的行走大康豪生涯劃一完美句號.
呢次都係我最後一次坐到佢, 落車後影左佢門位相......
每次坐佢, 覺得佢起步都不俗, 係上斜慢D, 波箱TUNING 似歐二大富豪~~~
佢在兩日後(即係64果日)有人報佢行73X, 之後就沒有出車記錄, 兩星期後退休........
(本身三個月前坐左佢行73X都有好回憶, 坐唔到終極單也不打緊吧!)
歡迎討論, 分享或跟相~~~
|
