今日西鐵尖東站故障, 點解港鐵唔提下人美孚可以搭去尖咀/紅磡?

廣播只係話幾多分鐘延誤, 但點解唔提下乘客可以喺美孚站可以搭荃灣線去尖咀, 或者去經九龍塘去紅磡?
過海就用南昌站
分流走D乘客去唔同線唔好咩?

感覺上港鐵的前九廣綫(西鐵綫)同前地鐵綫(荃灣綫)合併至今仍然唔協調，各有各做。

我唔知佢地對修復時間的評估啦，但呢一刻叫人走，下一刻回復正常係被人鬧爆的最佳示範。

我都覺得未做到預期中合併既效果，明明咁多優勢但都利用唔到

不過好似話係全綫一齊拖慢晒，幾時先出市區都成問題，再講經九龍塘去紅磡分分鐘仲慢過壞左既西鐵

一來無錄音，二來車長站長都未必可以咁做

其實重點係可能轉左仲慢過冇轉
到時真係捉蟲入屎忽

條條線本身都有自己嘅人去應付, peak hour 叫人轉去隔離棧迫死第二條線
醒目嘅唔使叫都會轉線, 或者跳槽
仲留係慢慢塞嘅...「好嘢, 又有籍口遲到」(設計對白)

最慘係架車去到美孚站，或者去到南昌站都未知有事發生……
我上次o係尖東站出，聽到話輕鐵有野，行到去尖沙咀站既幾分鐘路程，仍然未聽到係邊一段。輕鐵咁多個站，如果天水圍區有事，751可能有事，但起碼505/507等完全不受阻，唔通我又嚇怕左而唔搭鐵？
你有事發生，總可以說出是哪個站吧，會因骨牌效應而影響邊個站我就知未必即時公佈到，你俾乘客自己抉擇嘛。
你連天水圍區都唔肯講，我真係……嬲死。(好彩當時我係出緊市區返工je)

當日最大敗筆係冇講部份列車係南昌清客
最少你都俾客自己take risk呀