75R 上水 — 大尾篤

原帖由 mtrpong 於 2006-5-7 12:23 發表
攪73/75K轉乘仲好啦

攪都唔會太多人用
有轉乘,都唔平得過火車好多,
73既班次已經夠趕客,仲要大熱天時坐熱狗.....

原帖由 dennislokawai 於 2006-5-5 23:40 發表

以一條假日特別線來來，
晌太和做總站一定無得做，
因為知名度太低，
就算區外人知有呢條線，
都唔會突然入太和等，
因為大埔墟火車站有75K、275R同20C小巴，
入到北區係想吸引北區人可以一程過到大尾篤。

你都唔係太淸楚。
就算係區外人都唔會去上水度等車，
難道就可以吸引到屯門天水圍同元朗的客嗎？
從一個人的正常直覺而言，大尾篤係在大埔，
等車就梗係係大埔啦，
唔會有人專程走去上水貪貴搭車吧。
如果係講上水粉嶺區人而更加服務唔到，
上水及粉嶺人好多都有東鐵月票，搭火車去大埔轉車都唔係好過份。
太和反而仲有一線生機：
元朗到大埔的人多數都係搭64K，而不少人係在太和落車轉車，
唔知係唔係轉小巴等等......
尤其是林村區的人，出九龍全部都在太和火車站落車。
聯和墟住的人都會搭70, 73, 73A去太和買野。
不過去大尾篤有75K及20C小巴，再開線入去只係等執，
因為兩者都未至於供不應求。

原帖由 KC3555 於 2006-5-7 09:05 PM 發表

你都唔係太淸楚。
就算係區外人都唔會去上水度等車，
難道就可以吸引到屯門天水圍同元朗的客嗎？
從一個人的正常直覺而言，大尾篤係在大埔，
等車就梗係係大埔啦，
唔會有人專程走去上水貪貴搭車吧。 ...

元朗可能無人理呢條線，
但屯門同天水圍佢地去大埔點都會轉車，
75R可以讓佢地轉少一程車。

原帖由 dennislokawai 於 2006-5-8 09:36 發表

元朗可能無人理呢條線，
但屯門同天水圍佢地去大埔點都會轉車，
75R可以讓佢地轉少一程車。

但係如果咁樣轉少一程車而得到兩個唔理想的結果：
1. 貴過搭火車轉75K甚至20C；
2. 慢過轉車好多；
3. 帶來相對班次減少的後果。
加上九巴唔會好似新城兩巴做大宣傳（太不合乎成本效益），
屯門同天水圍來講，呢條線係非常唔起眼。

從乘車的乘客觀察度而言：
75R由上水總站開：
經龍運街，新運路上雞嶺。
44系的乘客就假日而言，由上水往屯門的乘客係遠高於屯門往上水。
因為44系的乘客模式多數星期六屯門往上水係高峰期，星期日就調轉。
75R開星期日，有幾多人會留意得到有呢條線去大尾督？
只係見佢返上水。（坐車望過對面線）
276A同276B都係彩園上落客，出火車站後連75R隻影都見唔到。

仲有，大尾督由大埔去的概念係根深蒂固，
單憑以上完全無吸引力的條件，已經唔足以改變人的乘車習慣，
加上人的乘車習慣已那麼穩固，總之一句：連小巴都唔敢開。

原帖由 KC3555 於 2006-5-9 10:47 PM 發表
但係如果咁樣轉少一程車而得到兩個唔理想的結果：
1. 貴過搭火車轉75K甚至20C；
2. 慢過轉車好多；
3. 帶來相對班次減少的後果。
加上九巴唔會好似新城兩巴做大宣傳（太不合乎成本效益），
屯門同天水圍來講，呢條線係非常唔起眼。

1. 貴都係最多貴果$2.00，但如果乘客要搭巴士先轉到東鐵，呢$2.00已晌番度，所以我認為貴呢點係唔成立的。如果郊遊既客真係咁介意果少少錢，咁點解釋96R貴92+94成$4.60都咁多人？
2. 75R晌北區行車路線已唔算太兜，但起碼轉少次車又唔駛搭75R走回頭路同唔駛入工業邨，時間已晌番度，所以呢點都唔成立。
3. 75R減班無錯係有可能，但75K現有班次已不足以應付需求，故開辦75R未必會令75K大幅減班。本點雖成立，但影響估計不大。

從乘車的乘客觀察度而言：
75R由上水總站開：
經龍運街，新運路上雞嶺。
44系的乘客就假日而言，由上水往屯門的乘客係遠高於屯門往上水。
因為44系的乘客模式多數星期六屯門往上水係高峰期，星期日就調轉。
75R開星期日，有幾多人會留意得到有呢條線去大尾督？
只係見佢返上水。（坐車望過對面線）
276A同276B都係彩園上落客，出火車站後連75R隻影都見唔到。

唔會剩係諗區外人，相信區內人都會留意到呢條線。而且當一段時間後，相信若果唔係幾年先去一次的話都應該會留意到的。

仲有，大尾督由大埔去的概念係根深蒂固，
單憑以上完全無吸引力的條件，已經唔足以改變人的乘車習慣，
加上人的乘車習慣已那麼穩固，總之一句：連小巴都唔敢開。

如果照你既想法，我諗好多條都唔駛開，香港仔人已出慣市區轉車，又平又密又已根深蒂固，係唔可以改變市民搭車習慣，但事實呢？A10又有幾多客呢？

原帖由 dennislokawai 於 2006-5-9 23:23 發表

1. 貴都係最多貴果$2.00，但如果乘客要搭巴士先轉到東鐵，呢$2.00已晌番度，所以我認為貴呢點係唔成立的。如果郊遊既客真係咁介意果少少錢，咁點解釋96R貴92+94成$4.60都咁多人？
2. 75R晌北區行車路線已唔算太 ...

1. 92+94等車時間長過96R。仲有有無人唔識在彩虹搭車入西貢？
你要記住96R係在九龍開，定線同92+94係輔助埋人的乘車習慣。
（96R乘客處境：既然我都係在彩虹入西貢，呢架車去到黃石，梗係坐呢架車）
75R呢？上水開喎......
（75R乘客處境：既然我係在大埔入大尾督，有一架車由上水入喎，我可以用呢個途徑入去）
75R的處境只可以同入黃石我坐沙田299轉94/96R，定係我在彩虹坐96R好呢？

2. 75R淨呢條北區定線已經行了15-20分鐘，到太和火車站已需時25-30分鐘。
（未計去等車時間）
我坐火車用8分鐘去到大埔墟，既然你話75K供不應求，15-20分鐘出了大埔工業
（既然頂閘打爆車）
但實際上75K真係無咁惡劣嘛！仲有20C分薄一下客源。
你知唔知道20C幾好服務？大埔火車站不停站直逹大尾督班次長開長有，
表面話15分鐘一班，但實際呢？仲有20分鐘去到大尾督啦！

3. 75K供不應求，我幾乎每個星期日都在大埔火車站出沒，可曾見過一班75K，
在大埔火車站打爆到頂閘；上唔到車，再唔係九巴仲可以開柯打車，5分鐘一班，
我就唔相信疏導唔到乘客。既然75K班次疏，加密班次先係正路想法。

第一點加第二點理據先會令乘客量減少，單有一或二不足以令客量受影響，
你可要明白。
舉例263R，貴一貴都有人搭，因為屯門去沙田係直接同快，快過荃灣轉車好多，
如果條路線係要經全個屯門再跟48X入沙田，我係唔係坐M車出荃灣轉車好過？

另一方面，我係區內人，仲要係巴士迷，都唔會失驚無神搭佢，
仲有上水粉嶺有幾多人？會唔會成日去大尾督玩呢？我都話，
上水粉嶺人大部份人都有東鐵月票，就咁75R已經唔使玩。（再平多$3.70）
你可以問下呢度班上水粉嶺板友，有幾多人會坐佢呢？
我諗住華明一帶可能會坐，但係一班有無10個人呢？

仲有你竟然條A10去駁故，試問邊個鐘意帶住行李轉車轉來轉去？
75R同A10係兩回事，如果一班Friend去郊遊，你會揀大埔火車站等定上水火車站等？
住大埔以南當然及元朗就當然係大埔火車站，
就算屯門天水圍上水及粉嶺人，要就外區人就梗係大埔火車站，
區內人雖然係上水火車站，但瓜分一下乘客數量同地區人數比例
大埔出發：上水出發最樂觀比例數值係4:1。
就算唔用慣性來說：最樂觀可以開40分鐘一班75R。

需求的乘車模式，唔係你話呢條線可以同第二條線比。
返工路線的需求係儘快返到公司為首要條件，價錢過份不合理的話，
我咪轉車囉。（例：373系及東鐵轉地鐵及隧巴）
機場路線的需求係唔想拎行李左轉右轉為大原則，仲要架車經過我公司同屋企樓下：
（就因為呢個原則的士排到成機場都係）
消閒路線原則，叫得消閒，唔好叫我用腦思想，一大班人Happy就係，
定線要總站夠大路，交通樞紐之餘，仲係好配合人唔用腦的心態，
入西貢：彩虹囉；去石澳，筲箕灣囉；去赤柱淺水灣，中環銅鑼灣囉；
去龍鼓灘：屯門囉；去大尾督：大埔囉。
你可以繼續駁309, 314, 315, 698R等等，但如果係咁，
真係全世界都開條線入郊遊區。

最重要，重申75K同20C的服務真係足夠有餘，275R在大尾督都唔見有乜人上車就知。