E22A 快過 A29P？

BTW 大家覺得汲水門大橋單野令到e22a幾耐一單?

castanopsis 發表於 2015-10-23 23:48
地圖上畫出來個圖形唔靚，唔代表條線搵笨
反而你將A29P越拉越長，就真係搵將南康城笨
我#146個方案至少區 ...

藍田站要爬山，我覺得係有問題…
老實，開多條 A 線做觀塘道藍田油塘咪算，最少麻煩野，係有個別站友覺得應該要搞埋人地個區先安樂。

你個建議的最大問題，係為左唔「搵將南康城笨」，諗住用兩條全日 A 線做晒觀塘將軍澳，
就搞到走線奇奇怪怪，康盛要落隧道，將北被迫加停觀塘，藍田油塘被迫兜路，藍田甚至唔會快過而家 A22 經佐敦，但就減班。
結果因為特登唔想開多條 A 線，唔想俾將南全日 A 線，倒過來搞到將北同藍田油塘都做輸家，車又無用少到

橫頭磡問題，用15X/215X方式解決，係可以做得好隱晦，真係唔使擔心
E23A開20只係搵兩架車頂一兩個月，有幾難？

15X/215X 性質唔同，因為紅磡居民本身唔係主要服務對象，主要係做藍田尖咀同藍田紅磡，而藍田本身係支持飛曲街的。
但無記錯果次係程序上無諮詢九龍城，已經令佢地有不滿

但 E22 本身唔係做藍田橫頭磡，而係機場橫頭磡，你講就容易

仲有就係城巴無誘因放走中間班內陸流水客，而家某程度上果段路幾乎做緊獨巿生意，班班車都有人上，橫頭磡會係重組的大輸家

區議員嘈係佢地既天職
運輸署/巴士公司既責任，係要分清楚合理同唔合理既要求，適當咁回應
A29拉上康翠停觀塘道，其實同將南毫無關係
巴士公司/運輸署亦唔應該為咗應酬班區議員，隔硬拉條A29P入去

如果因為怕麻煩，連唔合理既要求都要回應
咁巴士公司唔該——
- 重開692
- 重開全日796S
- 開辦全新通宵線N798
以我所知，692/796S兩項議程在西貢區議會多次出現，頻率不下於將A29拉入將南

692 而家係一條唔存在的路線，既然係無，佢地亦無必要開線。
而 796S 本身係同 796P 捆綁，佢地不滿 796S 得返四班車之餘，其實係幾鍾意有 796P 的

但 A29 唔同，本身係一條存在緊的路線，之前都話過，往績話俾我地聽，加停國奉城失敗，原因就係因為有人抗議點解唔入埋將南。
拉上康翠加停觀塘道的結果只會係一樣，情況唔係佢地要求開一條唔存在的路線，而係反對改一條存在緊的路線

要數今次城巴蠢的地方，就只係點解條 A29P 要做埋尚德調景嶺。
雖然我講過今次係要塞住人地把口，以免影響康翠甚至觀塘道的長遠爭取，但其實 A29P 可以一開始就康城開，
來回兜入將軍澳站 PTI，來回分別加停寶盈花園/將軍澳廣場就算，一來寶邑路唔使再兜尚德調景嶺（佢地而家係成個將南最慢的），康城車程又會快至少個幾字，
二來可以睇下將南人自己鬼打鬼，拆唔掂先再諗下 A29P 係咪真係要做尚德調景嶺咁囉

S3BL100 發表於 2015-10-23 23:02
另一個問題如果 A26 特登走入彩虹通道拖慢車程，又算唔算益左佢地？

而啟德將來需求只會上升。

A26來回停啟麗出面觀塘道其實快過現A22好多
我指「唔想益啟麗」只係指我唔想有條A線入到宏照道宏光道裡面,
A22縮短, 啟晴德朗止步其實我OK

原因, 你懂的

S3BL100 發表於 2015-10-23 23:05
我的睇法相反，而家就係唔擺線入將南先自找麻煩，到時康翠有無 A 車、A29 觀塘道加唔加得站，都會係問 ...

如果有咁多「政治現實」問題，
我可以答你，你講得無錯，短期內 A22 基本上無可能縮到線。

先回你幾點：
1. 我口痕八過下觀塘道某幾位區議員，觀塘道減到 30 分鐘一班 A 車佢地會反抗

2. 觀塘線新 A 線開唔成線原因，最主要係因為 A22 未係時候縮線，
而 A22 縮線再要入去未來中產屋苑吸客，所以 A22 將來唔會兜入啟麗，而縮完線都未必減到咁多部車出黎。
（原則上佢地唔想大減觀塘道班次）。

3. A29P 開左，城巴仲留意緊情況，有可能縮減 E22A 服務

4. 我敢寫包單，只要「中九龍幹線」開左，E22A 有好大機會行新路，
但前提係，而家跟手多開左 A29P，E22A 仲有幾密真係難講。


我先唔理藍田、油塘問題，既然大家認為油塘有更多更好既選擇，不妨再等到 2017 打後再算。

不過可以答你一點，將軍澳而家問題非常嚴峻，因為區區有 A 線，基本上 E22A 隨時準備削服務，成個將軍澳平車服務質素差左。
有時巴士公司真係未必會理「政治現實」，而係考慮點去止血。

番去藍田、油塘問題，無錯，將來油塘有更好既選擇，但因為 A22 縮線仲係水晶球問題，
2017 係預算，仲要睇下承啟道幾時入伙再改，等得黎隨時 2018-19。

唔搞將軍澳當然係件好事，但分家既時機未到，終有一日 A29／E22A 都會離開觀塘道，將軍澳既朋友有咩好怕？
無必要「政治現實」去恐嚇 A29 無可能來回停觀塘道，
當年坑口、寶林有問過，點解 A29 回程仲要停觀塘道，當年將北區議員希望來回行觀繞居多，並且有少少微言，最後被「說服」。
如果佢地真係咁在意，A29 Day 1 開始根本唔可以停觀塘道任何一個站，而城巴一直考慮過好多次想加站。

至於安達臣問題，無錯，安達臣將來會發展，但真係會常用機場 A 線既人，係未來石礦場既 2 萬幾個中產居民。
唔好意思，佢地得兩條通道，一條去安泰邨隧道，一條經安達邨西面落秀茂坪道。
而安達邨行西面天橋落秀茂坪道同行東面行人橋去寶達，唔係差太遠。

如果下下要話服務社群，點解馬油塘邨唔加番站？難道歧視村屋？佢地有向城巴要求加站嫁。

放眼未來，A 線改行秀茂坪道，理論上係利多於弊，唯一問題係曉麗苑，
但對寶達、秀茂坪、安達臣，一定係用真正既中間點：秀茂坪道，反而堅持秀明道係最無遠見既選擇。
照顧到而家，唔代表照顧得晒安達臣既將來，重要係真係客源。

都係一句，唔好以為巴士公司係善堂，佢地由第一日開始就想「用最少既資源換最多客量」。
既然你講到 A29P 對現狀係咁好，點解城巴反而唔滿意 A29P 客量咁緊要？仲要想陰乾 E22A？道理反而講唔通。

S3BL100 發表於 2015-10-24 22:19
藍田站要爬山，我覺得係有問題…
老實，開多條 A 線做觀塘道藍田油塘咪算，最少麻煩野，係有個別站友覺得 ...

你個建議的最大問題，係為左唔「搵將南康城笨」，諗住用兩條全日 A 線做晒觀塘將軍澳，
就搞到走線奇奇怪怪，康盛要落隧道，將北被迫加停觀塘，藍田油塘被迫兜路，藍田甚至唔會快過而家 A22 經佐敦，但就減班。
結果因為特登唔想開多條 A 線，唔想俾將南全日 A 線，倒過來搞到將北同藍田油塘都做輸家，車又無用少到

藍田站爬山你覺得有問題
康城行將南、去寶林、上康翠、入內街你就覺得無問題
你覺得咁會唔會有少少雙重標準？

參考290A行車時間
藍田站搭我建議既A29P其實20分鐘應該已經落到彩虹，一個鐘左右到機場，有幾大問題？
反而今時今日A22個行車時間係真係好有問題，塞起上嚟一個鐘都未上公路

將北A線班次由30變20，行車時間無明顯長到，想問可以點輸？
康翠落山行隧道走線上的確唔係最理想，但點講都比起E22A快咗半粒鐘，亦點都好過你個方案成60分鐘先一班A29P

15X/215X 性質唔同，因為紅磡居民本身唔係主要服務對象，主要係做藍田尖咀同藍田紅磡，而藍田本身係支持飛曲街的。
但無記錯果次係程序上無諮詢九龍城，已經令佢地有不滿

但 E22 本身唔係做藍田橫頭磡，而係機場橫頭磡，你講就容易

仲有就係城巴無誘因放走中間班內陸流水客，而家某程度上果段路幾乎做緊獨巿生意，班班車都有人上，橫頭磡會係重組的大輸家

早一兩年RDP有數據，215X曲街落既乘客並唔少
如果以客量比例計，E22橫頭磡一樣唔係「主要服務對象」

唔好唔記得，E22抽離橫頭磡，班客嫌疏仲可以行幾分鐘路出去龍翔道搭車
某程度上你可以話個改動只係站位搬遠咗，條E22仍然服務緊當區居民

692 而家係一條唔存在的路線，既然係無，佢地亦無必要開線。
而 796S 本身係同 796P 捆綁，佢地不滿 796S 得返四班車之餘，其實係幾鍾意有 796P 的

但 A29 唔同，本身係一條存在緊的路線，之前都話過，往績話俾我地聽，加停國奉城失敗，原因就係因為有人抗議點解唔入埋將南。
拉上康翠加停觀塘道的結果只會係一樣，情況唔係佢地要求開一條唔存在的路線，而係反對改一條存在緊的路線

要數今次城巴蠢的地方，就只係點解條 A29P 要做埋尚德調景嶺。
雖然我講過今次係要塞住人地把口，以免影響康翠甚至觀塘道的長遠爭取，但其實 A29P 可以一開始就康城開，
來回兜入將軍澳站 PTI，來回分別加停寶盈花園/將軍澳廣場就算，一來寶邑路唔使再兜尚德調景嶺（佢地而家係成個將南最慢的），康城車程又會快至少個幾字，
二來可以睇下將南人自己鬼打鬼，拆唔掂先再諗下 A29P 係咪真係要做尚德調景嶺咁囉

紅字：
你咁講真係好牽強
692係唔存在，但690去到今時今日仍然有巴士行緊，而將南班議員一直都有爭取將690拉落尚德
如果你個邏輯成立，690任何改動都無可能做得成，因為一定要先處理將南問題
但事實上690在692取消之後成條線被掟出內告都無將南議員反對......
根本政治就無你講到咁僵化，咁無彈性

其實未來大方向係做大A29系列,同時進一步削弱E22,E22A的競爭力,試圖趕E車客去坐A線.
因此,E22A未來可能會越搞越兜,兜到班將軍澳人見到都驚,咁就做到效果.

點樣做? 好簡單,將A29和A29P重組,令將南和調景嶺有快車去機場,同時將E22A全日兜東涌北和逸東,到時冇幾多位想坐E22A去機場了.

castanopsis 發表於 2015-10-28 07:39
藍田站爬山你覺得有問題
康城行將南、去寶林、上康翠、入內街你就覺得無問題
你覺得咁會唔會有少少雙重 ...

據知九巴考慮690往港島方向於非繁時改經寶順路,食埋坑口客.

FBI2 發表於 2015-10-28 10:25
據知九巴考慮690往港島方向於非繁時改經寶順路,食埋坑口客.

690往港島方向寶林段其實好應該跟290咁行，然後寶順路上公路
食坑口客係其一（回程景林落穿隧道過坑口既乘客唔少，好多時都佔整體乘客1/4或以上）
對山上客而言，咁行亦都順過在寶林內街不斷兜圈
反而想知點解個改動只限非繁？

FBI2 發表於 2015-10-28 10:25
據知九巴考慮690往港島方向於非繁時改經寶順路,食埋坑口客.

的確係好事，690 有條件靠景林出入做多批唔想行去搭地鐵既人，但九巴唔擔心將南既朋友反應咩？一直以黎將南日想夜想希望 690 拉入去。