E22A 快過 A29P？

dennis28a 發表於 2015-10-11 08:20
E22A 最初方案係將南尾站、寶琳、坑口，城巴證明過，咁行係可行。
只係將南區議員打死要拆線，而且康翠強 ...

我無否定過觀塘入機場慢、藍田山頂同油塘無全日車係一個問題（利申：觀塘山下居民，回程有齊 A22/A29/E22/E22A）

不過唔鍾意 A29P 入將軍澳都好，事實係要滿足晒咁多個區訴求就都係要返咁多部車，唔見得用 A29 A29P 的資源
但唔開三條線入將軍澳就可以一次過解決晒將軍澳同觀塘加埋咁多問題。

而且今次 A29P 無封到藍田油塘增設全日機場線之門，日後重組仍然有可能。
（缸湖傳聞城巴本來都同時 plan 過油塘全日機場線，但因為涉及現有路線中間一段定線要修改，
最後發覺改完之後藍田站會出問題，所以暫時唔做住要再諗，唔好以為匯景好容易應付）

但係如果今次係 A29P 去油塘，咁翠林康盛夾在秀茂坪同寶林中間，就注定要永世捱兩粒鐘 E22A 入機場，
將南無 A 線係小事，但康城亦永世唔會有機場車。

重組唔係咁做的，A29P 定線對將南未必最理想，但至少唔應該為左解決一個眼前問題而封殺左解決另一個問題的可能性，
而唔考慮埋長遠規劃，睇下有無方法可以逐步解決晒所有問題。

老實，觀塘又要快，將軍澳又要快，結果係黃大仙一定攬住成抽線尾站架喎，咁都叫浪費資源？

另外，就算開左 A26 做油塘碧雲道觀塘機場都好，A29 亦唔係事必回程要飛起觀塘，
因為到時最多只係將軍澳要求，唔代表城巴事必跟住來做，性質同改一條人地搭緊既線好唔同。

A29P 因為觀塘有設站，開線自然會諮詢觀塘區議會，諮得就當然成個區議會都知道，
城巴唔可能專登唔去同曉麗苑講，咁做係唔符合程序，亦唔關佢地係咪傻。

而你亦明白其他已有路線要改就要面對諸多掣肘（不過老實我唔覺得 E22 減幾部車出來到底有幾難，尤其非繁，客量其實真係麻麻，況且 E22 東涌方向下繁已經減左班），
既然現實有諸多限制，A29P 亦只係面對呢D限制應運而生的產物，亦好難話唔鍾意坑口攬 A29 尾站、將軍澳三條機場線之類，因為人地係享用緊已有服務，你唔可能去搞到人地。

S3BL100 發表於 2015-10-11 12:43
我無否定過觀塘入機場慢、藍田山頂同油塘無全日車係一個問題（利申：觀塘山下居民，回程有齊 A22/A29/E22 ...

歸根究底,如果當年E22A逆走到,A29自然會係將南尾站,
康翠就唔會去機場要接近兩個鐘,秀茂坪四順就唔會冇全日車,
A29P亦冇必要存在。

要大重組，基本上一定要郁條E22A先,如果將南仲係死攬唔肯放,講乜都冇用。

3AV53 發表於 2015-10-11 14:34
歸根究底,如果當年E22A逆走到,A29自然會係將南尾站,
康翠就唔會去機場要接近兩個鐘,秀茂坪四順就唔會冇全 ...

唔認同E22A逆走到,A29將南係尾站,

睇番而家A29P由怡心園去黃大仙, 最快都要30分鐘.
再睇番E22A由欣明苑去黃大仙, 最快都係30分鐘.

佢地嘈得而家E22A慢, 改路後佢地一樣會嘈慢,
最後城巴一樣會照顧佢地.

基於城巴有意將E線A線同站, 甚至開A29, 都會跟足798咁行.

有幸當時議員們反對E22A逆走, 才不致於最快都要個半鐘先到機場.

3AV53 發表於 2015-10-11 14:34
歸根究底,如果當年E22A逆走到,A29自然會係將南尾站,
康翠就唔會去機場要接近兩個鐘,秀茂坪四順就唔會冇全 ...

要講幾多次？
對將南而言，E22A係A線速度，$24一粒鐘多少少到機場係絕對抵搭

E22A逆走、A29將南尾站
東涌後勤區就要被逼要搭兩個鐘車返工（仲衰過今時今日既康翠）
而去客運大樓既客，俾多$20快得十零分鐘
完全係服務大退步，點可以怪將南唔接受逆走？

castanopsis 發表於 2015-10-11 20:41
要講幾多次？
對將南而言，E22A係A線速度，$24一粒鐘多少少到機場係絕對抵搭

但今時今日唔少將南人要拉A29就係想連E22A東涌、後勤區個d時間慳埋(11個站)，同埋想直接係Terminal 1落車喎

如果將南真係咁滿意現狀，佢地駛鬼打A29主意咩

事實就係將南得一想二，見到人地坑口直出機場咁過癮，自己無份，有架直出E車都要R架A車返黎
咪順理成章R架頭站A車返黎，好公平姐

kay 發表於 2015-10-11 20:55
但今時今日唔少將南人要拉A29就係想連E22A東涌、後勤區個d時間慳埋(11個站)，同埋想直接係Terminal 1落車 ...

我相信群眾既眼睛係雪亮既，分得清合理同唔合理既要求
咁多地方連機場線都未有，將南為咗快十零分鐘走嚟打A29主意，是為不合理
但將南不是原罪，佢地保E22A尾站真係合理不過

castanopsis 發表於 2015-10-11 20:41
要講幾多次？
對將南而言，E22A係A線速度，$24一粒鐘多少少到機場係絕對抵搭

如果所有嫌A29P慢既將南怨婦識好似你咁諗就好。

3AV53 發表於 2015-10-11 14:34

歸根究底,如果當年E22A逆走到,A29自然會係將南尾站,
康翠就唔會去機場要接近兩個鐘,秀茂坪四順就唔會冇全日車,
A29P亦冇必要存在。

要大重組，基本上一定要郁條E22A先,如果將南仲係死攬唔肯放,講乜都冇用。

不過我覺得 E22A 已經無可能再大改。

將南反對係其一，另一個因素係城巴如果改 E22A 加快將北車程的話，就可能影響 A29/A29P 客量。
而家 A29/A29P 對將北快過 E22A 至少半粒鐘先有意思，改完後快得三個字的話，情況會唔同。

想再大重組，我覺得都係只能夠由 A22/E22 入手，反正只打 A22/E22 主意一樣可以加快觀塘往機場車程，砌到一條油塘全日線。
最多咪就係減 E22 班，學返當年 E22A/A29 果招，俾 A22 拆線，然後再睇下 E22A 部分時段單向加經東涌北，夾埋 E22 減班
屈東涌客每位單向俾多 $6，再盡少少可以 E22A 西行觀塘道有限道停站，然後龍翔道 cut 返一兩個站。

E22A 將南走線其實仲可以加快少少，跟 798 咁行，到時調景嶺會變左尾站，回程又有得兜入去有蓋車站，睇下將南自己鬼打鬼 ;p
到最後如果有多三部車從天而降的話，可以縮 A29P 落寶林加到半粒鐘一班，A29 康城經將軍澳站、尚德、調景嶺、坑口走，但到時會唔會過到寶林一關都係問題

3AV53 發表於 2015-10-11 22:19
如果所有嫌A29P慢既將南怨婦識好似你咁諗就好。

照計你應該唔係第一日知蟑南人貪得無厭

fleetline 發表於 2015-10-11 18:49
唔認同E22A逆走到,A29將南係尾站,

睇番而家A29P由怡心園去黃大仙, 最快都要30分鐘.

E/A 同站係咪真係咁緊要？又係咪真係城巴的首要考慮？

其實就算係當初開 A29，寶林總站都唔係同站囉，但 A29 快過 E22A 咁多，乘客係識揀的。
況且 A29 寶林經坑口入隧道就大家齊齊快半粒鐘，而調轉的話就坑口快 15 分而寶林快 35- 40 分，所以 A29 坑口尾站係合理的。

而如果平行時空下 E22A 逆走，因為將南尾站版 A29 快太多，所以唔需要為左刻意遷就道路網而搞到將南唔知點行，
甚至乎想要同站的話，坑口開經寶順路入調景嶺，跟 798 去到環保大道迴旋處入隧道，一樣可以。
甚至乎調景嶺開跟 798 去到坑口入隧道都可以，亦唔係太差。

但就唔會跟 798 去到寶林先入隧道，因為會慢過行山走，況且寶林行山都係 75 分鐘入機場，同而家將南差唔多，都係唔會分到 A 線返來。

總之方法有好多，唔係你話 E22A 逆走下 A29 一定要同 E22A 同站、一定要跟 798 行，就一定要咁做。唔係你話點就點。