會考生集體出貓

原帖由 wcwong2 於 2006-5-7 11:36 發表
我覺得香港人已經到左為反而反既程度
有列網址 --> 考生會用電話上網作弊 --> 考試局錯
無列網址 --> 考試局抄人野，唔尊重知識產權 --> 考試局錯
干擾電話訊號 --> 監考員通訊唔方便 --&g ...

以閣下之言論，因為我們唔知考評局有無查我們就不應提出調查這方法，咁係咪知道警方查唔出兇手就可以殺人？

原帖由 cheungtszfung 於 2006-5-7 12:11 發表

以閣下之言論，因為我們唔知考評局有無查我們就不應提出調查這方法，咁係咪知道警方查唔出兇手就可以殺人？

調查事件與考試公平是兩回事。調查事件是要找人出來負責,
而要做到考試公平就只有重考。

要徹查是必要的, 但調查的過程會否這樣順利？如果我係監考員
因為馬虎無跟足規矩, 問心我一定會話無呢樣野發生, 到最後
很大機會乜都查唔到, 或者搵三兩個人要出來問責。
但調查完大家睇完戲, 諗番場考試, 除左出啖氣, 又好似幫唔到考生幾多。

話要cancel左所謂的問題部份,
咁講真份卷唔止一part有網址, 記憶力好少少仲可以入廁所睇埋
另外幾篇, 咁係咪要成份卷二cancel哂？如果我一向MC cloze麻麻,
你話cancel我當然開心到拍爛手掌。但如果我MC cloze答得好叻,
但其他part因為咁唔夠時間做, cancel左咪好唔公平？

所以先話社會輿論根本無諗清楚, 無人話唔應該查,
但公平的補救措施竟然無人提過, 我覺得真係怪左少少...

原帖由 cheungtszfung 於 2006-5-7 12:11 發表

以閣下之言論，因為我們唔知考評局有無查我們就不應提出調查這方法，咁係咪知道警方查唔出兇手就可以殺人？

唔係
不過考生想要既係乜野？
我所睇到既就係，考生要求公平既考試，而唔係搵人出黎問責
因為考生要求既係取消該部分既試題....
考生唔滿意於話搵到邊個作弊，然後取消佢既資格
照咁睇，重考係最合適既辦法

我明白查證事件係必需的.... 但係考生們一味就話查查查
呢邊又話要公平.... 但係比個最公平既方法 (重考) 比你你又唔要
仲有 D 人出黎話重考又影響心理，重考又對無作弊既學生唔公平
呢個就係社會既現象 -- 乜都要拎黎反
但係問你你想要乜？你又答唔出，你又唔知你到底真正係想要乜....

原帖由 kwyeung 於 2006-5-7 12:34 發表

調查事件與考試公平是兩回事。調查事件是要找人出來負責,
而要做到考試公平就只有重考。

要徹查是必要的, 但調查的過程會否這樣順利？如果我係監考員
因為馬虎無跟足規矩, 問心我一定會話無呢樣野發生, ...

就係因為而家乜都講問責
以為搵左個人出黎孭鑊就解決左個問題
可能係有人辭職，可能係搵到個作弊既考生出黎取消資格....
但係從來唔會有人積極去諗解決辦法
D 人只會記住唔好犯今次既錯誤，唔係就會好似孭鑊 o個 個人咁
但係將來可能又會犯上一 D 另外既錯誤
根本就無解決過個問題

原帖由 wcwong2 於 2006-5-7 18:24 發表
唔係
不過考生想要既係乜野？
我所睇到既就係，考生要求公平既考試，而唔係搵人出黎問責
因為考生要求既係取消該部分既試題....
考生唔滿意於話搵到邊個作弊，然後取消佢既資格
照咁睇，重考係最合適既辦 ...

我個人認為最佳方法就係找出所有出貓考生並取消其資格！
仲有，我無反對過重考……

[ 本帖最後由 cheungtszfung 於 2006-5-7 19:17 編輯 ]

考生出貓，方法可以層出不窮，亦很簡單，只係會唔會咁無品去做，考評局根本防不勝防，試卷列出source的網址，絕對不是新鮮的事，我當年考A-level已經有，這是尊重原文者同版權的做法，就算平時的formal essay，都要臨尾加上reference sources啦，相信大部分人學校做projects都做過，就算係討論區引用其他人的言論/文章/圖片/影片等，大家都識得quote番個source啦!! 所以考評局唔加上先係錯，這不是疏忽；話考評局列出網址係誘惑，引人犯罪，簡直荒謬，又唔見之前發生d咁的事？ 歸咎於科技的發達同普及？非也，考試時手提電話等是不得隨身攜帶的。這是人們品格的問題。

有些人搬出甚麼余若薇、張文光等「專業」意見，說考評局可以無須尊重版權，無須列出個source，我從來不信甚麼議員的「專業」意見，就算信都要經過細心分析，他們做事是有目的的，他們需要拉票，他們需要下次有人投他的票，他們的言論很多時會歪曲原意，無需尊重版權，其實只不過係無須預先徵詢原文者而出試題。其實他們有幾多時真的是為民請命，倒頭來其實咪又是為自己。

有人將責任推在監考員身上，真想為他們擊鼓鳴冤，他們面對的係試場上百多名考生，何況責任已盡，何罪之有!! 叫你地試下做呀!!! 講就容易，做就難!!

公平/完美/人人自律的世界，是沒可能達到的，但我覺得是不可以鼓吹這種歪風歪理，只會令這世界變得更差更壞，歪理變成真理，香港已經去到接近一個無可救藥的地步，滿口歪理、是非顛倒、自私野蠻的人隨處可見。

李國章局長終於講番句人話：

「考試多一分，多幾分，少幾分，唔重要，
但一個人的誠信係非常重要，係一生人的問題......
如果你真係咁樣欺騙回來的，你都係自欺欺人，唔係自己的真功夫。」

有份出貓的考生，自己諗清楚啦!!

今次事件今筆者想起孟加拉曾發生多起集體考試作弊的事件，真的希望這個風氣不會在香港發生。

參考新聞：
(來源：2001年5月13日BBC中文網站)
孟加拉考試作弊嚴重