本帖最後由 GW5878 於 2015-12-17 00:25 編輯
兜第一點小瀝源點會快得過沙角？剩係計小瀝源同第一城食燈已經輸幾條街 單向已夠令到條線回車慢10分鐘，每班車多10分鐘，再加埋你果d拉入工業邨奇論，就要加架車先維持到30分鐘一班，何苦？
實際上以上繁線黎講798呢類區外線係唔算合格， 如果兩個方向都只係「坐滿」既話就年年rdp見
咁我調返轉問你，點解有93k同95仲要98c，點解有93a同95m仲要98a，幾時先肯放走呢兩條坑口覺得極慢既線出去？講「左攬右攬」，你估康翠真係冇咩？ 而家美其名叫10分鐘一班車，但如果miss左班290咪又係要相隔20分鐘先到荃灣，咁樣interm of時間同班次而言，根本同相差20分鐘係冇分別。只係要滿足山上d崎型路線先搞到條A線係山下白兜。
你用果個巴士站冇咩人用黎講真係得啖笑 長年以來都係得296M坑口方向用，而條線係之後會UTURN去近尚德果半邊馬路，咁點解要係果度等車？ 而且就算你話上車唔方便，我係理解，但落車呢？ 現時我既方案係廣明門口，仲近過798係唐明街要過馬路，你又唔count埋？ 一加一減情況下，係巴士站方便度黎講根本就係打和 但係條線就快過現時798，sorry，我睇唔出反對理由
繁忙時間下，觀塘道塞爆，九巴車真係有吸引力？ 非繁忙時間下，你唔係主力做食糊位，真係會做一單蝕一單。
講左咁耐，其實條將沙根本就有個限制，係你一直唔肯接受，我再重覆一次：條線唔行得寶林路出，運吉已經買秀茂坪班區佬怕。 如果再分析落去，我怕以下分析會違反好多人對將軍澳巴士線既睇法： 就係其實日出康城係巴士不宜進入，邊條入去就邊條蝕， 796x你可以話係新巴試水溫，但796x之後係睇到結果啦，一條冇鐵既地區線都搞成咁，你再點叫九巴新巴搞日出康城線？我甚至可以肯定796x清半至日出康城段係蝕本收場，如果796s縮短同796x同期執行，我諗796c都唔會上清半。796x都係靠將南客頂住個市，有理由相信沙中線通車新巴會借d耳縮返796x去將軍澳站。日出康城條地鐵係冇咁吸引，但sorry，巴士線我都唔覺得有幾吸引，條爬山路同條鐵平行之餘出到將軍澳市中心又唔夠鐵快，路面地理上根本就成個杏花邨咁樣既配套，係不利巴士交通，再加上巴士站又唔岩位，居民又係為條鐵搬入去，根本巴士好難打。而且你估2+1會行足一世咩，之後應該都會隨住人口增長而加密康城地鐵，至少係跨海大橋通車前，日出康城係冇可能有巴士線生存到，你話配埋工業邨就或者仲得。你見796x之後兩巴都唔再開全日線就知啦，兩味線都係一兩班塞下議員把口就算數。日出康城唯一可以打到既路線，應該只有類似城巴85果類中短程接駁地鐵盲點，例如298E或者標書既「797A」，如果康城直出觀塘唔入將南坑口，唔使轉車就有競爭力(因為有時調景嶺轉車等康城車真係會頹底，特別係將軍澳線3號月台成日都特登唔等觀塘線1號月台既列車，係對面1號月台開門果刻就關門)，如果延長去工業邨做觀塘接駁工業邨就更佳，可能因為標書就批左比新巴，九巴要入紙應該就會比運吉彈回，新巴見797M又做到起死回生廢事搞又見796S死得咁慘都唔願博，結果就係近年都未見呢條觀塘潛力線。但如果新巴放棄搞呢條線，我相信九巴會因為轉乘而試下298E延長出觀塘順手解決埋坑口快車出觀塘問題(見下面)。反而受惠於加密康城車，坑寶巴士線應該會易打左，因此，相信未來幾年rdp，坑口提速既路線相信就會出台，估計98d應該會取消，98p(上繁走線)全日，而坑口應該拍落296d再用免費bbi解決坑口往返尖東問題。至於沙田線，如果要接受康城係冇可能做得起既事實，基本上得798四區+康翠一個小小人既社區，只能夠容納一條微賺既798，或者兩條蝕大本既沙田線，所以，不如大家早d訓，係跨海大橋出台之前，798應該唔會全日拆線。
| 
