KMB 所有路線現已提供ETA服務(聯營除外)

喜聞9巴幾乎全線ETA啟用！
但早上88X應為先觀塘後藍田，ETA卻只顯示午後班次(先藍田後觀塘)，
似乎9巴只係交功課，但分時段路線ETA問題仍未解決。

另外現時ETA往往未能反映塞車的影響，
例如小弟近日下繁在淘大/啟業等2X西行，由倒數3分鐘開始等，但最後等8-10分鐘先有車。
明顯係因為牛頭角總站燈位，以及淘大出觀塘道天橋被龍翔道車龍攔住。
有4個問題：
1) 現時ETA係咩情況會更新？ 只有車輛始發、到達/離開時更新？
2) 塞車時往後車站係唔係只會好似骨牌咁逐一顯示「到達/離開」，直到真係到站為止？
3) 長距離分站實時跟蹤更新有幾密？(每秒/每分鐘/從不)
4) 另外，有無人知系統中行車時間統計幾耐更新一次？

另外，希望apps同網頁可以加入「同站多線ETA顯示」功能，並增加「我的最愛」路線限制數量。
希望apps可以執下介面，首頁的「你要去哪裡」最好搬走(橫掂廢嘅)，宜家同廣告一齊幾乎遮晒路線列表，
首頁如果有「手動更新鄰近路線」鍵就更好。

hon_son_wilson 發表於 2015-12-31 11:15
喜聞9巴幾乎全線ETA啟用！
但早上88X應為先觀塘後藍田，ETA卻只顯示午後班次(先藍田後觀塘)，
似乎9巴只係 ...

所有到站時間都係用距離黎計正常交通情況下幾時到站，技術上根本冇可能可以反映到塞車既影響。
等於地鐵如果有列車因故停左响上個站一段時間，個顯示一樣會停响2/3分鐘唔郁。
有一個折衷既方法，就係加埋架車距離本站仲有幾遠，
如果見到個距離一直唔郁或者郁得好慢，就心裡有數。

3AV53 發表於 2015-12-31 11:29
所有到站時間都係用距離黎計正常交通情況下幾時到站，技術上根本冇可能可以反映到塞車既影響。
等於地鐵 ...

譬如淘大去啟業正常要2分鐘，咁非繁真係2分鐘到就無事啦。
但遇正塞車，架車停嚮天橋未落到觀塘道，咁ETA係點？
a) 長show「2分鐘」(兩站站距)
b) 長show「1分鐘」(現時點-下站)
c) 繼續倒數到長show「到達」
d) 繼續倒數到長show「到達/離開」
e) 其他？

如果係b)我都無奈接受，始終無人知要塞幾耐，路況+司機手勢都好影響車程。
但如果唔係b)，就即係只以分站統計，遇到公路段/站距超過10分鐘時，誤差就會好大(早到/遲到)。

hon_son_wilson 發表於 2015-12-31 11:34
譬如淘大去啟業正常要2分鐘，咁非繁真係2分鐘到就無事啦。
但遇正塞車，架車停嚮天橋未落到觀塘道，咁ETA ...

一路show 2分鐘,

其實心水清就知架車一路留係2分鐘路程既地方,
一係塞車,一係壞車。
參考下同路其他路線係咪keep 住無乜改,就知多數都塞緊車。

相反另一公司,如果遇到塞車,
app 既到站時間一路改,
e.g 本來show 12:05, 慢慢變12:09, 12:15等等,
更加唔知發生咩事。

始終無解決到部份時段不同走線，受影響車站無得睇的問題
仲有就係Apps無特車data

今日已經係31/12，九巴全線ETA終於搞掂

hon_son_wilson 發表於 2015-12-31 11:34
譬如淘大去啟業正常要2分鐘，咁非繁真係2分鐘到就無事啦。
但遇正塞車，架車停嚮天橋未落到觀塘道，咁ETA ...

以我觀察, 九巴的ETA和鐵路月台的x分鐘係不同的,
鐵路是以該列車到達某個點來計時間, 所以一日不到那個點
就不會轉時間.

但九巴ETA是以預測時間減現時時間來顯示分鐘, 所以大鐘
轉分鐘就會轉 (例如GPS預測12:10, 而家係12:05就顯示5分鐘,
到了12:06就顯示4分鐘), 但同時GPS亦會按巴士的位置來
調整預測時間, 如果慢了(或塞車)會改12:11, 咁如果而家仲係
12:06就變回顯示5分鐘, 到12:07就4分鐘等等, 所以九巴ETA
個時間會跳上跳落, 但鐵路那個只會倒數.

上回提到17在觀塘道長期顯示"到達/離開"是巴士根本未從總站
開出而站長冇改時間的情況, 和塞車的情況不同.

FBI2 發表於 2015-12-31 10:58
唔需要? 你梗係未試過專登等一條過海線.
小弟平時工作出勤,等104,905簡直係惡夢,經常企係個站度等20分鐘 ...

104/905呢啲如果有ETA應該個數字不斷加都未真係到站

49X 往青衣方向似乎只係總站出到時間?

74K回程大部份車站都無data…仲有13D，近乎全日大部份時間都停的「奧運站」、「君匯港」、「維港灣」分站，直情喺App搵唔到