疏車線轉疏車線怎樣預時間？

講開轉車預時間, 尋晚真是驚險。

尋晚去了荃灣打邊爐, 食完都零晨12點幾。  好彩行出去眾安街仲可以坐到48X尾班車上城隧轉車, 最後同預計一樣轉到40x尾班車。
好耐未試過坐巴士咁爽, 荃灣去沙田(石門)用了20 mins, 去到錦龍只是40 mins。

回想轉頭, 尋晚咁做好高風險。 因為我上到轉車站, 我已睇住46X, 47X, 48X及49X尾班車開走, 即是無車去大圍/ 沙田市中心。餘下的只有40X, 43X及278X未到站, 如果40X及43X尾車有咩事/收車, 咁我要call 的士。

一）如果明知係要搭94呢類路線，非必要我真係唔會揀中途站上；除左免卻趕唔切之外，就係避免任何機會上唔到；如果你住旺角，我真係會揀紅小駁腳入去；
二）可能你本身有經驗知道搭99>94；俾著我如果唔係總站上，我會預多94一班車時間入去；因為有時唔係99/94兩條線嘅事，可能係路面情況有問題；

我諗ETA用途，只係可以俾大概預班車幾時到，不能盡信，因為個時間係始終有出入。

好似岩岩23/12放工去機場，2015先係九龍灣走，要2100到機場，其實好趕。查ETA，A22要2020左右先到，仲要兜土瓜灣佐敦呢啲塞車伏位；於是再查A29/A29P，P就2025到鑽石山，A29就2030。於是我就揀左42C上鑽石山站；雖然P車最後都2030到，但係以P車揀站停，真係2100到機場。

ky927 發表於 2015-12-25 18:06
一）如果明知係要搭94呢類路線，非必要我真係唔會揀中途站上；除左免卻趕唔切之外，就係避免任何機會上唔到 ...

我都明知ETA本身不能盡信，但是類似於94這類的路線，沿途無燈無塞車位，更有一半路段無私家車行走，撇除交通意外後唯一影響車程的的因素是客量飄忽，可靠性應該比一般有ETA的路線更好。但是如果連轉94這一類的路線都難以預時間，我想像不到其餘涉及要於疏車線之間轉車（例如九巴這輪大搞的青沙轉車站條條線都20分鐘一班）要怎樣做。

miklcct 發表於 2015-12-25 18:40
我都明知ETA本身不能盡信，但是類似於94這類的路線，沿途無燈無塞車位，更有一半路段無私家車行走，撇除 ...

收購九巴來開自己想幾時有就幾時有的班次

miklcct 發表於 2015-12-25 18:40
我都明知ETA本身不能盡信，但是類似於94這類的路線，沿途無燈無塞車位，更有一半路段無私家車行走，撇除 ...

西貢咁多牛，有幾隻牛過馬路都阻你幾分鐘

其實全港咁多疏車線，條條都互等咪半個鐘車程都變一個鐘?

castanopsis 發表於 2015-12-25 02:40
做咗巴迷都幾年啦，幾個論壇我都有跟
樓主既搭車心態的確係好奇特，而970/X都俾佢loop過無數次（真係好悶 ...

佢 le o的係投機。

巨生講起青沙點轉車，呢個真係無計，一係用ETA計數+含淚等車，一係就預buffer（西貢有野食已經好過青沙食風），一係就唔好咁樣搭

可能有少少off topic，不過又講下一次青沙轉車站走車經歷先：
有次十二點過少少係旺角返大圍，搭287X尾車上轉車站轉286X，
之前有經驗坐過係286X「包底」，睇埋ETA見到287X會早啲到轉車站收工，諗住一定轉到，
點知上到去落左287X先發現無286X，最後都係要死死地氣補錢搭280X（當晚包底係280X，唔知係特例定係依家唔同左，呢個唔肯定）去市中心轉的士

想講既係，呢啲一走車就無車或者有排等既情況，除左預buffer或者更改下你既搭車方法之外，無辦法。

不如請教前輩， 廿幾三十年前，啲車都唔密得去邊，你話佢地嗰陣點預？
走左車咪等囉，如果一班friend 去郊遊，吹水30分鐘應不太難，但小心吹水吹到唔記得截車。
(如果一人，就要多謝科技，玩玩手機就有車，但都係嗰句，小心玩到唔知架車經過)

放假啲時間都要計到咁盡，就。。。。

drbean7218 發表於 2015-12-25 18:01
講開轉車預時間, 尋晚真是驚險。

尋晚去了荃灣打邊爐, 食完都零晨12點幾。  好彩行出去眾安街仲可以坐到48 ...

最希望N48日日服務,我記得有一次夜晚成11點幾46X城隧轉車站往沙田方向有成80個人排隊,段估城隧開通宵唔會無市場呱,況且城隧10條全日線都有錢賺