相片～昔日的HYF單頭雙層渡輪

原帖由 LW1 於 2006-5-20 19:30 發表

exactly!船尾噴浪速度比實際航速更高，形成一大個大波浪向上「谷」起！
我指「正」並非快與慢，而係乘坐感，試過搭 民敦 由觀塘開出，駛到茶果
嶺對開的導航燈時,船可以突然向右九十度劈急彎！轉向速度其快 ...

基本上係貼住個浮泡直轉九十度，就係因為慢，所以可以轉完九十度
都仲係貼住個浮泡！

如果隻船快少少，一路轉一路向前，轉完灣隻船同個浮泡一定會多左
距離。

觀北線三隻船既年代，通常往北角既船行到一半，北角隻船就會開，
呢個時候去觀塘果隻就會岩岩到，但民敦民信通常會慢一點，佢係開
出行左三分一去北角(即茶果嶺對開的轉右浮泡)，北角既船已開，到
佢去到北角，人地已差不多到觀塘，咁即係佢一泊好岸清完客再上客
就要即走。萬一開航行中遇到大船要偏離行道，咁就例牌「過鐘」！

見過一次佢泊好北角，後面隻民毅定民勇己「飄」到汽車渡輪碼頭，
當時還細細個，但真係想同老豆講「呢班咁多人，不坐如下一班啦！」

民敦晚年好似裝左雷達客串南丫島航線，佢咁慢真係唔知要行幾耐。

呢三艘用Voith-Schneider Propeller的渡輪航速真係慢一點，記得一九八二年某一個星期日，
中環往荃灣十點正的一班用船竟然用上民敦，當時在下到碼頭時船已經開身，只好搭下一班，
約十點廿分開 民英，航行至青衣大橋底可以追過之前的 民敦，真係慢一碟飯時間！查實真係唔
知係副車唔夠砌定係台VS Propeller撥水撥得唔「應」！這批船中期加焊尾「壓水板」睇唻對
加快航速真係冇太大幫助～～

[ 本帖最後由 LW1 於 2006-5-25 22:22 編輯 ]

仲以為只係以前繁時既中環至尖沙咀天星線才會有過前一班船既奇景添！

(N年前返學身痕時會坐1A去尖碼轉天星再轉3B，有一次坐部唔知乜星，
去到中環追到唔知世星定金星(佢好似避大船而偏離過航道)，之後及到實
一實，俾我睇到我部船落跳板先過佢！......

其實我以前一直都覺得
來往青衣至荃灣既HYF
船身同顏色都好似有別於一般HYF
而且當船去到青衣碼頭
乘客更係靠船尾
一條用人手搭上碼頭既小踏板上落既

其實呢d 船係咪呢條線獨有既呢？

民英有兩台車，仲要係高速車，梗係嬴晒只有一台低速車既民敦啦！

不過被改裝用螺旋槳既民義同民禮由好似比敦厚信快d喎。民義仲要係同
敦厚信一樣設計的。知唔知義同禮係換左乜野主車？

從前試過o係屋企用望遠鏡望入敦厚信義既駕駛室，發覺用VSP既敦厚信
係用外型好似巴士既太盤掌舵既，而民義就用番同其他船差唔多垂直
有柄突出既舵盤。

原帖由 LW1 於 2006-5-25 21:42 發表
呢三艘用Voith-Schneider Propeller的渡輪航速真係慢一點，記得一九八二年某一個星期日，
中環往荃灣十點正的一班用船竟然用上民敦，當時在下到碼頭時船已經開身，只好搭下一班，
約十點廿分開 民英，航行至青衣 ...

[ 本帖最後由 fai 於 2006-5-26 12:21 編輯 ]

原帖由 fai 於 2006-5-26 12:16 發表
民英有兩台車，仲要係高速車，梗係嬴晒只有一台低速車既民敦啦！

不過被改裝用螺旋槳既民義同民禮由好似比敦厚信快d喎。民義仲要係同
敦厚信一樣設計的。知唔知義同禮係換左乜野主車？

從前試過o係屋企用望 ...

民敦等所用的克羅士尼四盤頭車，轉速算快，比一般「大籮柚」所用的
五盤400多轉每分鐘更快，估計至少有800多轉，行得慢應該同船底
設計有關，皆因VS-Propeller放得太後，撥水時水力向上「谷」，
（現今的民安民樂等大型汽車船都有這個問題，）所以信義敦厚四船
後來改斜尾加壓水板改善推力，不過幫助唔大！外地用VS-Propeller
的拖砵多數設置於中間位置，推力會好一點！

民禮民義後來改冷氣密封船尾，換上MTU車，而民義更拆去原有的
VS-Propeller，改用傳統方向舵及車葉，以適合行走長途及港外線！

同VS-Propeller的信敦厚級同其他同年代的汽車渡輪一樣，以小型軑
盤及長波棍控制左右前後，至於民義～未改之前都係一樣，改裝之後用
上傳統的「啤輪」軑環及氣壓式前後車控制桿！

其實使用vsp推進器既船既控制係咪用太盤控制撥水方向同用那支波掍
控制撥水幅度(深度)，撥水方向係咪可以360度任何一方都得？倒後黎
講唔係靠入後波而係將撥水方向轉至向前？

原帖由 LW1 於 2006-5-27 21:24 發表


民敦等所用的克羅士尼四盤頭車，轉速算快，比一般「大籮柚」所用的
五盤400多轉每分鐘更快，估計至少有800多轉，行得慢應該同船底
設計有關，皆因VS-Propeller放得太後，撥水時水力向上「谷」，
（現今的民 ...

原帖由 fai 於 2006-5-29 12:06 發表
其實使用vsp推進器既船既控制係咪用太盤控制撥水方向同用那支波掍
控制撥水幅度(深度)，撥水方向係咪可以360度任何一方都得？倒後黎
講唔係靠入後波而係將撥水方向轉至向前？

係～VSP係可以360度全方位推進！亦即係話無需停車或轉後波牙，
只要將槳划水方向改向前，船就可以向後駛！

原帖由 LW1 於 2006-5-27 21:24 發表


民禮民義後來改冷氣密封船尾，換上MTU車，而民義更拆去原有的
VS-Propeller，改用傳統方向舵及車葉，以適合行走長途及港外線！

我反而有個疑問﹐80年落水既民和係唔係用同民禮民義一樣既MTU車﹖﹖