說回41和45的問題,呢2條線蝕足廿幾年. 隨著地鐵何文田延線和沙中線先後通車,呢2條線最終結局都係取消收場,只是邊條係何文田延線時死,邊條係沙中線時死. 總言之,41和45命運都是一樣.
至於點解建議先殺41? 原因如下:
1/ 41路線比45長,同時根據多年觀察和乘坐,41的脫班問題明顯比45嚴重
2/ 由於41和45要做聯合班次,但各自有脫班問題,導致班次不穩情況仍然出現
3/ 隨著西鐵伸延至紅磡,41損失大量青衣至土瓜灣的客源(其實本來都不大量,但現時是更少). 同時間,青衣至旺角有42a/43c/44,美孚至九碼有6c/45,導致41的獨市客源已所剩無幾.
4/ 青衣一直爭取948和249x全日,但不得要領. 同時間,青衣早已意識到41是全島的毒瘤,為了逼使948和249x盡快全日,已經有很強的地區聲音要求用41殺線去交換. 可是,荔景區卻沒有其他爭取的訴求,即係殺左45換唔到其他野. 因此,殺41的難度遠比殺45容易.
5/ 至於點解唔殺42a/44,而去殺41? 因為41用車少,影響細,加上而家旺角返青衣,班客見到8.4都唔上(除非42a/44甩班). 再者,41塞車脫班問題遠比42a/44嚴重,殺條長d既線,比殺條短d既線著數,至少回車問題可以改善.
6/ 現時42a和44長沙灣下繁上唔到車,更加要加密42a和44班次,由旺角起載,班次穩定d,總好過41由九龍城起載,仲要塞馬頭圍道和亞皆老街,部41到長沙灣,已經過晒放工時間,根本冇用.
|
