香港空氣污染嚴重，真係自己內部o既事？

呢個星期係內地o既「五．一黃金週」，
廣東省大部份工廠都停工；
同一時間，
呢幾日香港個天清到不得了！
真係可以話「一年係得呢幾日望得清Ｄ遠山」，
就連早兩日《明報》都有報導，
指「五．一黃金週」期間，
廣東省大部份工廠停工，
整個廣東省o既空氣質素都有好轉。
（小弟失驚無神諗起想講講呢樣o野，
　冇搵返資料係邊日講，
　好似係 7/5 《明報》「新聞甜品」細細段文章、加幅圖講呢樣o野；
　上年呢個時間亦有講過。）

但係早幾個月，
好幾個環保團體都指香港空氣污染嚴重，
係汽車排出o既廢氣，
加埋發電廠燃煤發電，
先至令香港空氣污染嚴重得咁緊要……

問題o黎喇：
內地就話「五．一黃金週」工廠停工，
但係香港冇話因為「五．一黃金週」而減少發電量；
街道上亦冇話少o左車行，
（貨車或會因內地「五．一黃金週」工廠停工而行少Ｄ，
　但係旅遊巴要跑多兩轉載內地旅客，
　拉上補下，
　條數唔應該差好遠o卦？～～）
如果真係好似Ｄ環保團體咁講，
香港空氣污染嚴重係自己內部問題，
咁點解呢幾日可以「少咁多污染物」呢？

剛巧呢幾日都吹南風，空氣由南中國海而來，乾淨好多。

黃金周已完結，今日又係吹南風，空氣污染指數都好低，現時東區及中西區的指數分別係14和15。

我覺得高空污染物大多來自內地 (影響天清, 看不到遠景),
但香港內部產生的污染物則影響 "低空", 例如街道等。但
不論外部內部, 污染都應該盡量減少, 不論人o地吹過o黎
o既是否可控制, 我們自己也應該盡能力減少自己內部產生
o既污染, 不是嗎?

原帖由 gakei 於 2006-5-10 11:23 發表
我覺得高空污染物大多來自內地 (影響天清, 看不到遠景),
但香港內部產生的污染物則影響 "低空", 例如街道等。但
不論外部內部, 污染都應該盡量減少, 不論人o地吹過o黎
o既是否可控制, 我們自己也應該盡能力減少自己內部產生
o既污染, 不是嗎?

小弟絕對認同香港都應該盡力減少自己內部產生o既污染，
不過小弟提出呢個問題，
某程度上 係質疑環保團體係唔係誇大緊現時o既問題……

講開先講：
小弟覺得現時唔少環保、保健、健康問題，
都講到好嚴重咁，
由小弟呢個「空氣污染元兇」、
到「白紋伊蚊」、「沙士」，
甚至「小巴安全帶」，
都好似講到「唔做你就好易死、仲要係冇人可憐你！」，
搞到人人都好似驚弓之鳥……
（或者係小弟特別敏感而已～～）

即使可能真係誇大, 呢o的都係提高大家o既危機意識, 誇大一點無妨。

原帖由 bose_hung 於 2006-5-10 11:50 發表


小弟絕對認同香港都應該盡力減少自己內部產生o既污染，
不過小弟提出呢個問題，
某程度上 係質疑環保團體係唔係誇大緊現時o既問題……

講開先講：
小弟覺得現時唔少環保、保健、健康問題，
都講到好嚴 ...