重整青衣南路線建議(42A,43C,43M)

提出建議前,有必要交代背景.

背景一(關於43M)

現時青衣南來往葵芳地鐵站,以88系專線小巴為主導,43M淪為配角.
無論是否繁忙時間,乘客均傾向等候88系專線小巴;只有小巴負載達至飽和情況下,43M方能吸納剩餘客量.
究其原因,主要有三:

1) 雖然現時43M班次尚算頻密,但仍不及88系專線小巴,機動性更是高下互見;
2) 以同級服務來說, 對比88系專線小巴收費,43M收費偏高;
3) 43M採循線線模式服務,路線迂迴,行車時間較長.

個人覺得,原因2,3某程度上涉及歷史問題/公司政策,原因1才是真正致命傷:
就算在現有基礎上,改善43M班次,使其優於小巴,亦只會供過於求.
平日在新都會廣場分站所見,乘客多選43/43A往青衣南,等候43M人數反而較少;此現象正是原因3所致.
總括而言,現有43M無法與專線小巴競爭,亦浪費資源.

背景二(關於42A,43C)

青衣南往西九龍一帶,以42A為主,而43C只擔當輔助角色,因為兩線班次密度明顯有別,42A遠比43C頻密,主導了乘客取向.
與此同時,42A,43C客源重疊情況甚為明顯,只有少數乘客因前往大角咀而非選43C不可.

有見及此,本建議核心為徹底改造43M,同時重整42A,43C,讓短程客享受到較低車資外,更提供多一個途徑,快捷接駁地鐵.
構思中,青衣南來往西九龍之路線採用一長(42A)一短(43M)模式.

1) 43M(長康<-->長沙灣)

途經車站

往長沙灣方向
1. 長康巴士總站
2. 青盛苑
3. 長青巴士總站
4. 長青&#37032;青槐樓
5. 長青&#37032;青桃樓
6. 葵泰路
7. 葵青交匯處
8. 美孚地鐵站
9. 長沙灣巴士總站

往長康方向
1. 長沙灣巴士總站
2. 美孚地鐵站
3. 葵青交匯處
4. 葵泰路
5. 長青&#37032;青桃樓
6. 美景花園
7. 長青巴士總站
8. 青盛苑
9. 長康巴士總站

途經路線

往長沙灣方向
青康路,青衣路,青衣交匯處,青衣大橋,葵青路,葵青交匯處,荃灣路,葵涌道,荔枝角大橋,荔枝角道,長茂街,長順街.

往長康方向
長順街,大南西街,長義街,長荔街,長沙灣道,荔枝角大橋,葵涌道,荃灣路,葵青交匯處,葵青路,葵青橋,青衣交匯處,青衣路,青康路.

服務時間(平日/假日)
長康: 05:45-00:15
長沙灣: 06:15-00:45

班次(平日/假日)
5分鐘一班(繁忙時間)
10分鐘一班(非繁忙時間)

全程收費: $3.9(空調)
分段收費:
葵泰路往長沙灣: $3.5
葵青交匯處往長康: $3.5

派車數目:
正字軌,特別車各5部.

至於43M原有路線受影響之乘客,可改乘43,43A,44M或88系專線小巴.

2) 42A(長亨<-->佐敦匯翔道)

途經車站,途經路線,服務時間俱維持現狀.

班次(平日/假日)
3-4分鐘一班(繁忙時間)
非繁忙時間維持現狀.

全程收費: $5.5(空調)
分段收費維持現狀.

派車數目:
增加特別車5部:即正字軌12部,特別車14部.

為疏導旺角乘客,下午繁忙時間特別班次,由原本怡靖苑分站起載,提前至快富街分站起載.

3) 43C(取消)

與此同時,提供補償轉乘優惠予43C受影響之乘客.
i) 13D,42A
第二程減收$4.2(非空調)/$5.5(空調).
ii) 37,43M
第二程減收$2.7(非空調)/$3.5(空調).

歡迎板友對上述建議發表意見.

[ 本帖最後由 chrisappear 於 2006-5-10 19:07 編輯 ]

我係區外人，
我自己好多時都係夜晚用42A/43C，
由青衣出返市區。

我自己就唔贊成呢個重整建議...
因為43C其實係一條快一點的路線，
(呢個係與客量同埋師傅有關)

42A唔吸引的地方係因為貴，
同埋真係慢過43C唔少。

反而我覺得，
42A可以改造為特快...
甚至可以停返42A旺角街市前的站，
然後跟242X直上長亨。

43C就可以做返旺角打後的一段，
並且可以加返密至五至十分鐘一班，
咁班次先至會得到有效運用。

43C內街唔塞既話就快...
塞就....去朗豪坊搭42A仲快~

42A改特快就無乜可能收返$5.60...

至於改43M....絕不可行也..
朝早43M都算有上唔到小巴既客會搭
而且搬去長沙灣就等同於失去佢既歷史功能...

收費坐底$4.20啦 (42A美孚價$4.60)
班次...5分鐘太密囉...

原帖由 kokchun 於 2006-5-10 19:54 發表
至於改43M....絕不可行也..
朝早43M都算有上唔到小巴既客會搭
而且搬去長沙灣就等同於失去佢既歷史功能...

收費坐底$4.20啦 (42A美孚價$4.60)
班次...5分鐘太密囉...

如果一條路線要著重歷史意義,相信今日都未必有42A啦.
最重要的,是葵青區M線不應囿於本區接駁地鐵之觀念,只要跨區快捷,都可以考慮一下.
而家42A,43C去到美孚先有分段($3.5/$4.6),其實算係聊勝於無.
補充一下,按上述建議,43M行車距離約8.3-8.5km,收$3.9係合乎慣常水平.

原帖由 307 於 2006-5-10 19:28 發表
我自己就唔贊成呢個重整建議...
因為43C其實係一條快一點的路線，
(呢個係與客量同埋師傅有關)

42A唔吸引的地方係因為貴，
同埋真係慢過43C唔少。

由於客量,班次關係,43C確比42A為快,最少一班師傅在心態上要趕時間.
但換個角度,可唔可以令42A師傅加快一點呢?
按今年RDP資料,預計43C距加冷之期不遠,屆時收費吸引力便會隨之消減.

原帖由 307 於 2006-5-10 19:28 發表
我係區外人，
我自己好多時都係夜晚用42A/43C，
由青衣出返市區。

我自己就唔贊成呢個重整建議...
因為43C其實係一條快一點的路線，
(呢個係與客量同埋師傅有關)

42A唔吸引的地方係因為貴，
同埋真係慢過43C唔少。

反而我覺得，
42A可以改造為特快...
甚至可以停返42A旺角街市前的站，
然後跟242X直上長亨。

43C就可以做返旺角打後的一段，
並且可以加返密至五至十分鐘一班，
咁班次先至會得到有效運用。

其實本身41同山下既41A
舊年都有聲氣話想轉做特快
但而家...平想快既話我地仍要靠地鐵...

所以如果想42A轉做特快
我就唔敢武斷話係發夢既
但係...慢慢等下添啦...

不過我覺得如果新43M咁行法
佢分分鐘淪為兩味線
平日非繁時真係有幾多人
會由青衣出美孚同長沙灣丫...

以前其實42A係由短途特車去長沙灣郵局既
但自從地鐵開左之後條線就摺左喇

原帖由 Ketsu 於 2006-5-11 13:59 發表
不過我覺得如果新43M咁行法
佢分分鐘淪為兩味線
平日非繁時真係有幾多人
會由青衣出美孚同長沙灣丫...

睇番現時43M循環線模式,非繁時客量,其實一早具備條件,降格為兩味線.
非繁時來往青衣南,美孚/荔枝角地鐵站的乘客,確實不算太多;建議徹底改造43M,只不過希望開拓新空間,避免它繼續沉淪.
正如現時43M非繁時班次一樣,若然改得太疏,恐會引致惡性循環,令僅剩的一點乘客也卻步.
新43M非繁時10分鐘一班,其實是提供誘因,希望吸引部份綠小乘客,重投43M懷抱.

原帖由 KZ2356 於 2006-5-12 23:39 發表
有人提及43C要取消，以轉乘方法補償。

其實本人曾考慮一大膽方案，E21改經青康路，即青衣南。
E21由青衣往大角咀，需$6.00，齋以車費來講，已輸蝕，就算42A、43C全冷，都係分別$5.50及$5.20，要搶到客都幾難。即使回程有現金收費$6.00，由大角咀往青衣，班人都係嫌麻煩而拒上。
這方案最多只能搶到美景花園及藍澄灣的客。

大家點睇﹖

假如E21這個分段肯減$0.5,我諗乘客唔會介意,照上可也.
引伸的問題係,E21行車時間應會增加,起碼青衣南客量不算少.
43C全冷收費減至$5.2...我不感樂觀;情況類似32,對比他區同級路線,急凍價多為$5.5.
33A,44,似乎只算特殊例子.

原帖由 chrisappear 於 2006-5-13 09:34 發表

43C全冷收費減至$5.2...我不感樂觀;
情況類似32,對比他區同級路線,急凍價多為$5.5.
33A,44,似乎只算特殊例子.

我不認為 33A 和 44 是特殊例子。
36B, 42A 去到佐敦、 32 上山路比 33A, 44 長，
都有收貴三、四毫既理由。

就算不用 33A 比， 44 本身也不比 43C 短，
既然 $5.2 和 $5.5 / $5.6 在熱狗價是同級，
43C 和 42A 的資源又有錯配，某程度上 43C
有平三毫的理由。