富裕小輪北角 - 觀塘航線裝設閘機

如題

想節省人手？還是有其他原因？
何時啟用？

Ekin 發表於 2016-2-20 00:27
想節省人手？還是有其他原因？
何時啟用？

觀塘碼頭附近的大廈「活化」成功之後,人流增加,
由於果d大廈距離觀塘站有一大段距離,
基於時間同車費考慮, 搭船的人多左,
應該爲了統計即時客量,控制避免超載, 及讓多人同時入閘, 所以裝閘機

有三部閘機, 兩部正價, 一部半價, 暫時只供投幣, 機上有八達通預留位, 日後應會裝上收費器材.

昨天(22/2)首次見到運作, 在閘機上的天花安裝了入閘人數顯示器, 讓乘客離遠見到入閘人數, 趕船的乘客不用再走到櫃檯便知道滿座, 貼心的服務來了.

不過, 由於八達通付款仍需到櫃檯進行, 人數顯示器只會顯示使用閘機入閘的人數.

觀塘去北角竟然會滿座？ 估不到！

觀塘碼頭一帶發展實在太澎湃,
而北角碼頭站位靚, 轉巴士方便, 轉地鐵又唔遠
加上條線咁耐都只收五蚊
誇張D講, 佢有力吸晒港島線沿線居住, o係觀塘碼頭附近番工既客

無錯上繁個個趕時間, 未必同你坐船,
但下繁個個做到死狗咁, 仲同你行出地鐵站/觀塘道?
比五蚊過左北角先落地鐵好過
轉少次車之餘, 分分鐘仲有得平
以觀塘至柴灣為例, MTR單程$11.6, 富裕+MTR係$11.5
堅尼地城計, MTR單程$13.8, 富裕+MTR只係$13.0

其實個開船時間都勁靚,
朝早番9點, 坐北角開0830剛剛好
收工放6點, 觀塘開1815又係fit晒

其實東隧通車令觀塘山既人唔再需要搭船,
加上九十年代中期之後, 觀碼一帶愈來愈靜,
最頹既時候我見過條線出單層船
居然唔加價守左十幾年, 終於守得雲開, 恭喜晒

北角至觀塘航線多年維持5元已經很好，另一邊西灣河至觀塘航線已經9元。

說真，隨著東九龍發展，加上MTR加價和故障，而且北角碼頭接駁交通方便，我覺得這條航線未來會有前景。

希望票價能夠維持5元， 加價只會失去競爭力。
9元的西灣河線最多人乘坐是那一班？加價後已經沒有乘坐了。
以前還會坐城巴85到西灣河轉船， 現在只乘坐地鐵， 或會到北角轉船。

如果唔係晚上維港遊，呢條一度停航嘅北觀線，死咗好耐。當年油記放手停咗一輪，而正因為搬咗機場，航程直接咗，用少咗船，輕裝上陣，捱到今日，當年接手仲可以繁時15分鐘一班添。

而家觀塘西灣河加價後仲多唔多人坐?