海關拘私設盜版音樂下載網站的十六歲學生

新聞連結（新城電台）

我想香港政府為了保障商人能得到最大的利益，絕對不會容
忍任何損害唱片及電影商利益的行為，為了使唱片及電影商
收入不致損失，大家實在不應該上載非法音樂與電影，即使
是下載也不好。

我不鼓勵政府與商人合作控告下載非法音樂及電影的人，打
擊非法下載，應由教育開始，鼓勵年輕人多為香港的創意工
業，多為唱片商與電影商的錢包設想。

[ 本帖最後由 M 於 2006-5-11 16:59 編輯 ]

你又黎？

喂阿哥仔
你已經唔止一次講埋呢個相類似既野喎！
(雖則今次係「為了使唱片及電影商收入不致損失」
但思想上根本係同「維護商人利益」一樣！)


你自己睇下呢度同呢度
借問聲你呢篇開文所講既野
同之前果兩篇除左佢地係響A3版
呢篇響A2板之外
究竟有何分別呢？
根本係換湯不換藥！

既然你咁強調呢樣野
咁我都再強調一點
打擊盜版唔係淨係「維護商人利益」
「為唱片商與電影商的錢包設想」
(點解我地要為佢地既荷包著想呀！
又唔見佢地為我地個荷包著想？
真係諗起都覺得荒謬！)
仲係尊重知識產權
維護一個人原創的著作權
呢d 根本唔一定牽涉到商業利益既

原帖由 Ketsu 於 2006-5-11 17:16 發表
你又黎？

喂阿哥仔
你已經唔止一次講埋呢個相類似既野喎！
(雖則今次係「為了使唱片及電影商收入不致損失」
但思想上根本係同「維護商人利益」一樣！)


你自己睇下呢度同呢度
借問聲你呢篇開文所講既 ...

如果真係照你咁講既話，我諗海關唔會只捉「古惑天
皇」一人。因為到時只要有人未經同意引用圖片既話
，就算果個人影既相並非牟利，海關都已經可以拉得
人。

[ 本帖最後由 M 於 2006-5-11 18:24 編輯 ]

原帖由 M 於 2006-5-11 18:20 發表

如果真係照你咁講既話，我諗海關唔會只捉「古惑天
皇」一人。因為到時只要有人未經同意引用圖片既話
，就算果個人影既相並非牟利，海關都已經可以拉得
人。

我想問你
係咪一定要入到罪先叫做侵權先？

係呀
海關係唔會拉d 盜用人地既相
但又唔係牟利既人呀
但你要留意
被盜用相既人
係有理據響民事告你侵權

雖則咁講好似有點小題大造
但你有冇諗過
被盜相既人亦都會有損失
至少佢地既作品無啦啦俾人盜用
咁已經係俾人唔尊重
係一種無形既損失
試問如果呢個盜用人地張相既人
今日你就話佢係非牟利
但難保佢聽日唔知會拎黎做乜喎
如果俾拎黎賣俾人
或者佢拎左張相黎參加比賽
佢得到利潤或者得獎
係咪會分番錢俾受害者先？
咁仲唔係損失？

如果好似你咁講
海關唔拉就唔算係盜版
我諗唔好話盜相
甚至italk入面任何一篇文章
都可以唔使經人同意
俾人亂咁盜載都得架啦！
(證清：呢個只係比喻)

阿哥仔
你可唔可以唔好想維護知識產權呢樣野
硬要同商業利益埋一齊得唔得呀？
其實再直接問句
你究竟知唔知知識產權最終目的
係要黎做咩架？
(如果你再答係「維護商人既利益」
咁恕道不同不相為謀
小弟絕不拘同)

咁之前便X「借用」AVW轉彎右前輪離地果張相黎大造文章又點計?

我知道有唔少網友都係到講緊呢本雜誌...又唔見政府做野?

而家仲邊有人開網頁俾人download歌架

其實而家各大forum供人下載既mp3,海狗同班唱片佬都冇晒計,
因為d歌係upload係外國下載網頁,d人放條link出黎
d人就禁入去download,點捉?

早排曾俊華又打鑼打鼔叫制服團體成員一齊捉BT,
家下乜聲氣都冇,唔通而家d反下載既制服團體成員同流同污?