這天旅程還有一個奇遇,話說我地走時在車站撳機睇時間表,旁邊有個德國阿伯用英文問我地有冇車票、使唔使幫手。
我地用英文答返佢話只係拎時間表,多謝佢幫忙。佢問我地係咪來自 China,我地話係 Hong Kong,
佢就用一副恍然大悟的表情話:Ya, people from Hong Kong speak English!
之後一齊等車,佢好好傾,同我地講附近一帶的地理,問我地住邊(海德堡車站酒店),
甚至講埋佢作為德國人眼中的美國(係邪惡的),並告誡我地美國會如同當年對付納粹一樣對付中國。
我地多謝佢好意,上車後佢搭一個站到 Sinsheim Hbf 就落車了。
呢件事令我覺得冥冥中有主宰,我係遇上貴人,返到香港一到年尾即刻將定存的人仔放晒。