[CY 政績] 與市民開年

話說香港開埠咁多年黎都未試過有政府會咁大規模與香港人開年，
而梁振英及其班子又真係做得到，果然係超然。

一串魚蛋可以搞到旺角咁樣，真係無人能及，
向來咁多年，新年小販呢個問題都係隻眼開隻眼閉，
而今年，一串魚蛋就變左導火線一野拉哂成班本土派出黎，
而事實就係我地個首長梁振英不斷以民為敵加上其班子又係極有問題。

差佬根本就唔洗多講，
無啦啦出黎開兩槍唔知做乜，之後又刺激一大班人行出黎，同九二八冇分別，
班差佬要玩英雄主義，得，真係開槍一野打爆班「暴徙」個頭囉。既然差佬都認為自己企起道德高地又話班人乜乜物物，影響自己安全，你未用自衛殺人囉。
死一個半個，個班人就自然會醒架啦。香港班人向來就係睇死差佬唔會開槍姐嗎。

到最後又係唔夠膽，結果就係變左第二樣野 － 就係班差佬口中所講不斷「煽動」人地上街 － 但係佢地永遠都唔知其實不斷煽動就係佢地自己，同埋佢自己個老闆梁振英。
之後班差佬為左要件事合理化就不斷做埋 d 爛仔行為 － 拎支警棍係咁扑 － 仲要扑人地個頭。
痴線，有常識都知咁扑真係會扑死人。CONTROL 唔到自己就唔好走去做差佬啦。

根本而家差佬入面，就咁睇尋晚 o既 LIVE，好明顯有一半都係 control 唔到自己。
記者又打，人地過馬路又打，發神經。

至於梁振英行出黎又起度發 up 風，
算吧啦佢，講黎講去又係起度玩敵我矛盾，一野就講班人係暴徙，有佢講冇人講。
夠啦好嗎？不如落台啦，佢做多一日行政長官大部份香港人都唔想囉。

－－－－－－－－
黎到呢個地步，我係好同意一樣野就係而家香港係唔夠亂，
而家正正就係雙方個實力都係不相伯仲之下（差佬有法律及議員制衡緊，而班示威者而家擺明就已經豁出去），
假若尋晚是旦一邊有人死，我肯定成件事會唔同哂，
無論死係差佬個邊定係示威者個邊都係一樣，
呢 d 咁 o既野，一日冇人死，一日都唔會完。

差佬死：梁振英就會大條道理出黎玩震壓，
好自然就會大力打壓本土派，到時比起而家 o既力度肯定會高好多倍，
之後雖然繼續會有人出黎搞事，但係差佬可能都已經痴到見到人地行出黎都已經開槍同佢埋單。

示威者死：以而家咁 o既情況，班示威者肯定出黎衝擊政府，仲會有班議員出黎話差佬濫權，
到時梁振英都唔會再玩得耐，因為大陸想保都未必保到佢，始終一死人就 …… 不過據講九二八個陣時梁振英都係想血洗中環，只係大陸唔敢玩到咁大而叫停 ……
－－－－－－－－

以而家呢個情況，梁振英一日未落台，
本土派呢種行為遲早兩三個月就會上演一次。

好同意，一日唔死人，一日唔玩完當一個人仍沉醉在自己的世界，就便與社會脫節，從不覺自己有錯，搞不清當中的問題，面皮厚到唔會脫落。
小弟未曾詳細了解這件事，但好肯定這件事只是前哨，只會陸續有來。警察只會大條道理用警棍、開槍，繼續做某人的棋子。

Aeon802 發表於 2016-2-9 12:13
好同意，一日唔死人，一日唔玩完當一個人仍沉醉在自己的世界，就便與社會脫節，從不覺自己有錯，搞不清當中 ...

黎緊有 o既大事包括有：
1）高鐵撥款
2）網路 23 條

雖然呢兩單野要搞都似係泛民主導而唔係本土，
不過網路 23 條呢樣野，對於善於使用網路 o既本土派及後生仔黎講，佢地真係有機會走出黎。

港豬顛倒是非黑白真係可以去到好高嘅程度

第一，新年大晒呀? 新年就可以無牌擺賣? 咁我下次新年打劫你又得唔得?
第二，自己冇眼睇新聞? 警察點解開槍又知唔知? 究竟邊班人先係沉醉自己世界?
第三，究竟係班警察控制唔到自己定班暴徒控制唔到自己? 邊班人拆磚見警方就掟? 你睇緊邊個 live?
第四，梁振英落唔落台都一樣有班廢青搞事，唔好天真到以為 CY 落台就乜都解決晒

最後，選擇性失明真係好恐怖

hk20020062 發表於 2016-2-9 15:44
港豬顛倒是非黑白真係可以去到好高嘅程度

第一，新年大晒呀? 新年就可以無牌擺賣? 咁我下次新年打劫你又得 ...

總之一句講哂，唔好睇太多 CCTVB。

CCTVB 新聞將示威者當做「暴徒」，講左不知幾多次。

hk20020062 發表於 2016-2-9 15:44
港豬顛倒是非黑白真係可以去到好高嘅程度

第一，新年大晒呀? 新年就可以無牌擺賣? 咁我下次新年打劫你又得 ...

你而家講緊前因後果問題，
咁我又問返你，點解無啦啦差佬要開槍？因為你口中個班「暴徙」發癲？咁點解個班「暴徙」又無啦啦發癲？就係因為小販？
你講小販犯法，okay 呢個我唔同你嘈，不過我想比你睇小小野先：
http://news.now.com/home/life/player?newsId=168043

新正頭之際，對於這種草根習俗，本應各讓一步，好言相勸，這是港英治下到回歸初期的慣常的處事手法，可能會稍阻生意交通，但抱着「好嚟好去」的心態，幾天就過去。

就算人地犯法要緝拿小販，又係唔係需要去到迫人入死角？
之後班人開始發癩你差佬就走去開槍火上加油？

如果你同我講犯法就應該取締，咁第一件事，梁振英收人 5000 萬、潛建，李波案等呢 d 又唔係犯法行為？
唔好同我講咩合理唔合理，如果呢個社會真係好似你口中咁是非黑白，第一件事梁振英而家就應該比 ICAC 通緝。
結果呢？

成個香港社會根本而家就係病態盡現，
支持政府支持中共，犯法都可以當冇事，
反之泛民支持者或者本土派，甚至同現今政府反行其道者，就處處被受打壓。

我引言已經講得一清二楚，魚蛋只不過係導火線，
實情根本成件事就係成個香港都係上樑不正下樑歪，
唔好以為梁振英呢個人真係企左起道德高地，以為自己樣樣超然，明係犯法都可以幫自己合理化。

呢件事明係可以好黎好去，究竟邊個將成件事錯判，
我相信大家心中有數。

SE7378 發表於 2016-2-9 16:21
總之一句講哂，唔好睇太多 CCTVB。

CCTVB 新聞將示威者當做「暴徒」，講左不知幾多次。

CCTVB 又係第二個問題，不過去到最後又係梁振英 o既錯。而家香港人有得揀咩？ATV 都摺埋囉 ……

有心有力 o既 HKTV 就唔批，走去死攬住個 ATV，
結果 ATV 而家玩完自己又冇 back up，結果呢？

又係一個 conclusion - 就係果個一男子 o既決定。

樓主，你當時在現場嗎？如果係閣下在現場看見整件事的起承轉合而發表一番，沒有問題，如果只是睇完電視就認為因為一串魚蛋而發生這次事件，很抱歉閣下都是在豬嗡。

請解釋有人在地下掘地磚是甚麼意圖？有人放火又是甚麼意圖？還叫記者只影堆火又是甚麼意圖？唔好講到一個人可以令咁多人不滿，咁大個人用腦思考一吓，可以嗎？

hk20020062 發表於 2016-2-9 15:44
港豬顛倒是非黑白真係可以去到好高嘅程度

第一，新年大晒呀? 新年就可以無牌擺賣? 咁我下次新年打劫你又得 ...

港豬︰
第五，咁大幾事實冇人來香港購物，經濟一定死
HK貨物基本上很一般，無特色又不便宜
經濟單一化根本就是死症，港豬仲要以為零售好好揾，實情零售業大多數都幫海外品牌打工