毛毛一直都好想講啲英文好聽到好似佢咁呀!佢係一直幫港鐵配音嘅陳如茵(Cheri),係香港大學教育系嘅老師,就算你唔識佢都一定聽過佢講:「The Next Station is⋯⋯」尤其喺你同人講下個站就到旺角,但突然傳嚟一句:「The Next Station is Kwun Tong. 」
早前Cheri有條訪問片,講下幫港鐵廣播配音嘅感受。佢1992年就開始幫港鐵錄音,不過唔好以為佢就咁照稿讀就得呀!
原來佢會代入乘客角度,諗下我哋想聽到點樣嘅聲。例如溫馨小提示就會用把Nice啲嘅聲,但如果係緊急情況,就會用威嚴啲嘅語氣。
佢仲好鬼馬咁講笑話每當聽到啲小朋友扮佢講嘢,佢都想攬下佢,喺佢哋耳邊講返一次畀個小朋友聽~
呢把聲己經成為我哋生活嘅一部份,Cheri就話對自己所做嘅事感到驕傲,係為大家服務,為香港社會做好事。