本帖最後由 VocaloidMikuBus 於 2016-4-5 16:54 編輯
(麻帆良市時報記者高坂 穂乃果報導)
1997 年除左係香港主權回歸中國嘅大日子之外, 亦係香港公共交通服務嘅一個新里程碑!
隨住傷健共用公共交通嘅概念日漸得到提倡, 歐洲嘅巴士製造商亦集中力量研發地台低矮,
甚至冇上落梯級同設有斜板方便輪椅上落嘅超低地台巴士,
作為英國嘅主要巴士製造商之一, Dennis 亦跟隨呢個大趨勢,
分別喺 1993 同 1995 年, 推出超低地台版本嘅 Dennis Lance SLF 同 Dart SLF,
但係呢啲巴士都係以單層為主, 香港嘅公共巴士, 超過九成以上都係以雙層巴士為主,
為此亦必需研製一款全新嘅超低地台雙層巴士, 喺呢個背景之下,
全港首款可搭載輪椅乘客嘅超低地台雙層巴士 -- Dennis Trident, 亦因此而誕生。
九巴第一架亦係全港首架嘅 Dennis Trident 巴士 -- 九巴編號 ATR1,
係 Dennis 車廠喺 1996 年研製嘅六架原型巴士嘅其中之一,
底盤型號為 Dennis Trident III, 當中嘅 III 係三軸嘅意思,
係由同廠出品嘅 Lance 單層巴士引申而來, 屬於 12m 三軸設計,
配用由 Cummins 提供, 符合 Euro 2 標準嘅 M11 305 匹馬力引擎,
使用縱置設計, 連接由德國 Voith 提供嘅 DIWA 863.3 型三前速自動波箱,
並且以中軸作為驅動軸, 由尾軸分散全車嘅載重量,
同以往嘅 Dragon 同 Condor 嘅設計完全唔同,
新巴士更使用前獨立懸掛系統, 並且附有前軸「踎低」功能,
進一步降低車廂地台嘅離地高度, 同行人路成同一水平,
加上不設梯級嘅上落車門設計, 方便行動不便嘅乘客,
特別係老弱人仕上落, 前門更設有斜板, 並且喺下層車廂設有一個輪椅停放區,
以方便搭載輪椅乘客。車身方面使用由 Walter Alexander 提供嘅 ALX500 型車身,
無論由底盤, 以至車身內外都係全新設計, 在在叫眾人眼前一亮!
呢架巴士喺 1997 年中到港, 九巴更特別為呢架新巴士塗上香檳金色彩,
並且命名為 「新紀元巴士」, 象徵香港巴士服務邁向傷健共用嘅新紀元,
而車身上嘅香檳金色塗彩亦成為九巴日後同類型新巴士嘅標準色彩配搭,
車身並且貼上被巴士迷戲稱為「十八銅人」嘅人型圖案,
喺多個公開場合上亮相以收宣傳效果, 令呢架「新紀元巴士」嘅型像更加深入民心。
呢架 ATR1 後來得到車牌號碼 HJ2127, 並且一度為 1A 線嘅主打車,
亦有喺其他路線例如 89 同 89D 等路線行走。
踏入 2015 年9月22日, ATR1 已屆 18 年嘅最高服役年期,
當日 ATR1 完成新落地時同樣行走嘅 1A 路線嘅最後一程之後,
正式象徵 ATR1 光榮引退。作為香港超低地台雙層巴士嘅先驅,
ATR1 亦獲得九巴保留, 喺日後一啲大型活動, 例如九巴傑出車長選舉,
都有機會見到佢同其他九巴經典巴士, 例如九巴首批雙層巴士之一嘅 Daimler A (4961),
同埋九巴首架試驗成功嘅空調雙層巴士 Leyland Olympian 11m (AL1, DX2437) 等巴士亮相,
為香港巴士服務嘅發展史作一個實體嘅見證。 自 ATR1 開始,
除左中巴之外, 所有專利巴士公司都引入唔同長度規格嘅 Dennis Trident 巴士,
令呢款巴士喺香港嘅數目超過一千部, 佢嘅後繼者 Enviro500,
以至最新嘅 Enviro500 MMC, 亦係由 Dennis Trident III 嘅底盤引申同改良而來,
ATR1 同整個 Dennis Trident 巴士系列, 為雙層巴士超低地台化揭開序幕,
今時今日隨處可見眾多唔同款式嘅超低地台雙層巴士搭載乘客穿梭各地,
佢地喺香港巴士服務嘅發展史上確實係有舉足輕重嘅地位。
今日, 麻帆良市正式歡迎九巴 Dennis Trident III ATR1 登場!!
呢架九巴嘅超低地台雙層巴士一哥, 市長 Super Bus 話,
呢架巴士初初亮相嘅時候, 佢已經人在美國,
所以佢同呢架車亦只有緣慳一面啦, 話雖如此,
但係佢依然可以喺由朋友寄來嘅一批相片中觀覧佢嘅真身,
佢話全車嘅車身比佢有一種超時代嘅感覺,
車尾兩側嘅尾燈設計更加好似火箭推進器, 令人耳目一新,
更令 Super Bus 對 ATR1 嘅 Alexander ALX500 車身一見鍾情!
新車初亮相時車身上嘅下層地台紅線加上被巴士迷戲稱為「十八銅人」嘅人型圖案,
更令呢架「新紀元巴士」同佢超低地台、傷健共用嘅型像更加呼之欲出!
Super Bus 話, 佢最希望有朝一日呢架巴士會推出模型,
雖然 Corgi 喺 1998 年已經出左呢款車
(Super Bus 按: Corgi 嘅 ATR1 佢出果陣仲未有好似依家有咁多 Online shop,
一直到 2000 年先至同 J 字頭打通一條門路,
Corgi 嘅 ATR1 亦成為在下向 J 字頭落第一個 Order 訂嘅其中一架巴模),
但係始終唔係初出道嘅「十八銅人」拉花,
雖然佢都入左呢架車, 但係依然期待有朝一日會出呢個版本。
事隔十多年之後嘅 2016 年, ATR1 轉眼間亦已步入退役之年,
而 Corgi 亦早已退出香港嘅巴模市場冇再出模型好耐,
但係另一間廠商就趁 ATR1 退役之勢推出幾個版本嘅 ATR1 模型,
其中一款就係呢架佢期待已久嘅「十八銅人」拉花版本,
不過 Super Bus 份人其實都幾撇扭兼犯賤,
皆因佢又執著, 「都已經有一架 ATR1 就算啦, 仲入多架做乜唧?!」
但係佢口中説不, 身體卻係好誠實, 始終呢架真係佢真正期待已久嘅 ATR1!
更難得嘅, 係 ATR1 喺退役之後得到九巴保留,
Super Bus 話, 希望有一日可以帶呢架 ATR1 模型,
同真車來一個合照咁話~
隆重歡迎! 九巴 Dennis Trident III 一哥, ATR1, 見參!!
證書編號 1579, 全球限量 1600 架
正式落地!! 由我地嘅新女角重音テト嚟歡迎呢位一哥啦!!
除左標榜超低地台傷健共用之外, 車尾嘅引擎貼紙, 亦標榜佢配有為當時最環保, 符合 Euro 2 標準嘅引擎
當 ATR1 遇上 ATR1
Corgi 喺 1998 年嘅作品, 同十幾年後另一間廠嘅出品, 到底分別有幾大?
不如來一個對比先~
影到呢度, 發現一個比較遺憾嘅地方, 就係尾軸上嘅座位排法錯左...
留意真車相, 新落地時尾軸上嘅座位係前後對向雙人座,
並冇橫向嘅單人座
Trident 巴士的演進, 冇當年嘅 Dennis Trident, 就唔會有今日嘅 Enviro500 MMC
小劇場~~~ XDDD
初音收到廠方通知, 知道今日有新車到,
於是嚟到車廠檢收...
(初音) Super Bus 呢條人粉, 先前入左咁多新車都唔通知我,
攪到我呢排悶到發慌, 都唔知佢係咪入左啲唔比得我見到嘅禁車...
咦? 呢架...咪十幾年前嘅老古董嚟? 仲話係新車?? 個人渣巴坤我呀?!!
呢個時候, まどか同キュゥべえ走過嚟...
(まどか) Hi~~~ミク, 有耐冇見啦, 又喺度整車呀~?
(初音) 做乜呀? 又係妳個廢怯少女呀?? 成日過嚟攪生哂!!
(まどか) 做乜咁唔好老脾啵, 人地嚟同妳 Say hi 之嘛,
仲有呀, 我都講左好多次, 我唔係廢怯少女, 我係魔法少女呀~~!
言訖, まどか同キュゥべえ走近架 ATR1 度...
(まどか) 呢架就係 Super Bus 講過嘅 ATR1 嗱? 成架車得金色加紅線好單調啵...
(キュゥべえ) 呢架車新落地果陣係有特別嘅圖案, 依家難得佢得到九巴保留,
不如等妳將佢復原至新落地果陣嘅樣子啦~
(まどか) 冇錯, 就一於咁做啦~!
言訖, まどか挽弓, 準備出招!
(まどか) 魔法! 光の矢!!
中!!
鏘鏘鏘鏘!!!
TA DAAAAAA!!!
(まどか) 正呀!! 新落地果陣嘅樣果然係醒神好多!!
(初音) 喂喂, 妳個死靚妹咁玩法因住 Super Bus 唔肯過妳呀!!
(まどか) 係咩? 聽講 Super Bus 佢都好鍾意呢個拉花啵, 而且仲係佢真正期待已久嘅真 ATR1 添!
不如睇下 Super Bus 佢點講先啦~~
(Super Bus) はぃ、一番ですね!!
Thanks for reading~! |
