九巴81蝕錢?!

經營巴士最大成本唔係油錢或維修，而係時間。

路線行車時間一長，派車就要增加，每增派多一架巴士，除油錢維修外，仲要請多兩位巴士司機（再加替假後備人手），開支大增。

遇啱條線行車時間長，票價低，但又多人坐就仲死。需求大就要維持合理班次，於是佔用大量派車。

以一條線單程行車時間為1小時計：
30分一班，派車4架
20分一班，派車6架
15分一班，派車8架
10分一班，派車12架
5分一班，派車24架

即係話行5分一班就要請接近60位司機（48位掛牌，另外最少10位司機替例假大假病假），單係司機人事成本（人工、福利、退休金）一個月過100萬，計埋油錢維修就要200萬，24部巴士加埋每月折舊又要三十幾萬。

如果收$6.8一程車，平均一日要有一萬一千幾客先可以維皮，唔容易。

81 做轉乘蝕幾多？
用哂新車每年折舊幾多？維修又佔幾多？
乘客乘車距離同有無一程車做第二轉客，
個個$6.8 搭成個鐘車同第二轉客 $4.5 搭 5 分鐘
已經好影響一部車一單 或者 以小時計既營利

唔計數啦，呢度大把磚家比我更清楚

PB602 發表於 2016-4-7 20:47
經營巴士最大成本唔係油錢或維修，而係時間。

路線行車時間一長，派車就要增加，每增派多一架巴士，除油錢 ...

用行車時間同車費講又好似唔係好正確。

以下為例子：
235M行車時間為21分鐘($4)
74X行車時間為64分鐘($10.1)

呢兩條線載客率一樣，如果計毛利，235M行3程都係63分鐘。假設每車都載100個客，咁235M($4X3)應該好賺過74X($10.1)。

有錯請大家指出。

81回程北河街勁多人上，大排長龍，一定頂閘，所以蝕都唔會蝕得好離譜

天空之神 發表於 2016-4-7 21:33
81 做轉乘蝕幾多？
用哂新車每年折舊幾多？維修又佔幾多？
乘客乘車距離同有無一程車做第二轉客，

巴士一般用 Straight line method 計折舊，
依家有無改唔知，不過以前九巴係 14 年折到 $0，新城就 15 年折到 $1，
理論上車價一樣既話，折舊成本用 ATENU 同用歐三 3ASV 都係無分別，由於 ATENU 比較慳油，反而用 ATENU 成本會更低，當然維修費點入帳就唔知喇。

kmb兄 發表於 2016-4-7 23:30
慳油咪又係要燒油,
長途線燒既油多過短途N倍啦,

考慮返架車一直行緊，冷氣又一直運作，同樣行車時間計，長途線真係未必比市區線燒得多油。

短途線都可以好賺，尤其有o的收三四蚊位但十幾廿分鐘就一轉既線，係可以密食當三番，
當架車不斷行，其實都係咁樣燒油，最重要係每個座位每個鐘可以產生幾多收入。
沙田荃葵青好多中長途線收得平少流水一轉耐客流又單向，舉個例 42A 咁行成個幾鐘先收 $6.8，坐滿部車每個位都做唔到 $6 生意，扔部車去行 60X，坐滿的話每個位一個鐘都已經講產生緊 $10 以上收入，
扔部車去 1A，連流水客分分鐘每個位一單唔止搵緊 10 蚊添。