荃灣西站站長教人搭 43X 去荃豐...

原帖由 ahbong 於 2006-5-17 11:30 AM 發表


若果自問不熟悉荃灣
我認為該位站長就應該問其他站長或者司機了
以得到更合理、準確的資訊

若果你去到某一個你不熟悉的地方
有人問你如何搭車
責任上你也不應胡亂教人
更何況你係一個站長... 一個乘客 ...

如果你心裡已有答案，
你都唔會假定仲有其他方法，
去諗仲有無更好方法，
甚至走去問其他人吧？！

除非個站長對自己個答案都唔肯定啦..

原帖由 dennislokawai 於 2006-5-17 11:35 發表

如果你心裡已有答案，
你都唔會假定仲有其他方法，
去諗仲有無更好方法，
甚至走去問其他人吧？！

除非個站長對自己個答案都唔肯定啦..

我無辦法知道個站長是否對自己個答案唔肯定
（但從該名乘客問完站長再問我，可以知道該乘客都抱一點懷疑態度）
我只係知道
43X 係一條馬鞍山線
而一個正常的人（別說是站長）
起碼應該知道有一樣野叫區內線 (39A、95K、其他小巴線）

在該站長的認知範圍內是對
不代表該答案就是對
若果是不對的話就要指証出來

[ 本帖最後由 ahbong 於 2006-5-17 11:59 編輯 ]

我諗以後在街上若果被問到某處怎樣去，應盡量避免回答，
始終要知道區內所有路線怎樣運行和價錢平貴才可以令問路人不會有損失，
或無論多遠也叫他步行，這樣應該會比較安全，
若真的很想幫，便叫他等數分鐘或數十分鐘，
待搜集所有資料與及詢問三幾個人後才跟他說各線快慢平貴的差異，免他受到金錢和時間的損失….

每個人觀察同一樣事物都不一定有同一觀感，
既然你早已認定該站長是錯，那趕快去投訴他吧，免得他又害多幾個無辜市民。

[ 本帖最後由 32 於 2006-5-17 13:54 編輯 ]

我反而有興趣知如果有人响寶林總站問站長去牛頭角搭咩車,
而站長叫佢去搭93K而唔係叫佢行出寶琳北路搭98A
樓主會唔會唔滿意....

原帖由 ahbong 於 2006-5-17 11:56 發表


我無辦法知道個站長是否對自己個答案唔肯定
（但從該名乘客問完站長再問我，可以知道該乘客都抱一點懷疑態度）
我只係知道
43X 係一條馬鞍山線
而一個正常的人（別說是站長）
起碼應該知道有一樣野叫區內 ...

首先, 我地(除左樓主)之外根本唔知道個客係點問法....
至少有以下幾種問法可能性:
1. 個客指住架 43X, 問: 呢架去唔去到市中心架?
2. 個客問: 搭乜車/邊條線可以去到市中心架? 或 市中心點去?
3. 個客問: 我趕時間, 有乜車可以好快去到市中心架?

case 1 及 3, 站長既回答就無問題, 因為 43X 相對其他巴士線密.

另外, 區外人唔一定知有區內線既存在, 唔關正唔正常人事. 正如
大家都只係知有 39A / 95K 去市中心, 而忽略其他巴士線如 32B, 34,
43, 43B 等沙咀道線一樣.

原帖由 gn3509 於 2006-5-17 12:54 PM 發表
我反而有興趣知如果有人响寶林總站問站長去牛頭角搭咩車,
而站長叫佢去搭93K而唔係叫佢行出寶琳北路搭98A
樓主會唔會唔滿意....

我更有興趣知道如果有人問樓主
由景林去觀塘，
佢會答佢搭98A定地鐵囉......

原帖由 ahbong 於 2006-5-17 11:56 AM 發表
我無辦法知道個站長是否對自己個答案唔肯定
（但從該名乘客問完站長再問我，可以知道該乘客都抱一點懷疑態度）
我只係知道
43X 係一條馬鞍山線
而一個正常的人（別說是站長）
起碼應該知道有一樣野叫區內線 (39A、95K、其他小巴線）

在該站長的認知範圍內是對
不代表該答案就是對
若果是不對的話就要指証出來

你咁啱知有更好既方法啫，
人地只係打份工又點會知道咁多，
你估個個都知邊條區內線去得到佢想去既地方咩！

遇到一個人突然走來問路，
你要晌幾秒鐘之內答佢，
你只有兩樣野可答，
一係答佢唔知，
再唔係只有答你所知既野，
你問得人路，
就預左人地未必會答你一個最完美既答案，
如果個個都好似你咁下下要求人地俾個最完美答案，
咁我可以講我寧願有人問路全部答佢唔識了，
費事教完人地之後俾人晌背後講是講非咒罵了。

唯有大家以後問路,唔好問站長..

原帖由 32 於 2006-5-17 12:51 發表
每個人觀察同一樣事物都不一定有同一觀感，
既然你早已認定該站長是錯，那趕快去投訴他吧，免得他又害多幾個無辜市民。

我認為站長的答案係錯
亦有板友認同 43X 不是合理的選擇
我不認為站長「誤導」該乘客
只不過他未能提供
或者未嘗試提供更好的答案給該乘客

不明白為何討論會變成叫我去投訴站長
我由一開始就沒這個意思

這個討論應該有關於
(1) 荃灣西去荃灣市中心的選擇
(2) 站長答覆查詢時是否稍欠專業

[ 本帖最後由 ahbong 於 2006-5-17 19:46 編輯 ]