（冇人提）過幾日就係文革五十週年

文革就係由 1966 年 5 月 16 號發出既五一六通知呢日開始
下星期一適逢文革 50 週年
雖然我曾經 FF 過呢日會係香港公眾假期
但最後當然冇實行
但聽講上面呢排都有 d 活動係關於文革 50 年
歡迎討論文革有關既話題
同埋都可以預測一下遲下會唔會有下一場文革

琴晚rthk 有一個節目中國故事，係講民革時期廣西發生既一場大屠殺，係一場鮮為人知既歷史，好值得大家去睇http://podcast.rthk.hk/podcast/item_epi.php?pid=1019

btw反思民革最直接既方法就係反共

E21A 發表於 2016-5-15 09:59
琴晚rthk 有一個節目中國故事，係講民革時期廣西發生既一場大屠殺，係一場鮮為人知既歷史，好值得大家去睇h ...

btw反思民革最直接既方法就係反共

某程度上係 o既，根本共產黨就係成個中華民族 o既萬惡之源，
共產黨一日存在，中華民族原有本質及道德觀根本冇可能復興。

AVD1 發表於 2016-5-15 15:48
某程度上係 o既，根本共產黨就係成個中華民族 o既萬惡之源，
共產黨一日存在，中華民族原有本質及道德觀 ...

可惜現今中國大陸毛左毒廦已極深，要消滅共產黨既代價太大，幾乎不可能
所謂的反共，就是要反對共產黨入侵香港及自由祖國等地，並將其勢力清除，保護我們的家園

E21A 發表於 2016-5-15 09:59
琴晚rthk 有一個節目中國故事，係講民革時期廣西發生既一場大屠殺，係一場鮮為人知既歷史，好值得大家去睇h ...

而家出左街唔方便睇
返到屋企睇下先
呢單野真係唔講都唔知

RobynnNKendyFan 發表於 2016-5-15 17:08
而家出左街唔方便睇
返到屋企睇下先
呢單野真係唔講都唔知

睇黎師兄對民革史好有興趣
再整多單－道縣事件，一樣係南京大屠殺mode進行
仲有一單係重慶大武鬥，一場由紅衛兵發動既小型常規戰爭
民革時期，係一個完全可以隨便殺人既極恐怖年代，係世界歷史上最黑暗既時期

好多時講到民革，係好刻意去掩飾呢類難以想像既事
通常都係講遊街批鬥破壞文物，呢d都係小兒科喳

E21A 發表於 2016-5-15 19:16
睇黎師兄對民革史好有興趣
再整多單－道縣事件，一樣係南京大屠殺mode進行
仲有一單係重慶大武鬥，一場由 ...

個人覺得呢段歷史唔可以唔識
即使有 d 事件係難以接受
同埋個人覺得呢段時間對 e 家都有影響
分分鐘隨時會影響我同你 tim

AVD1 發表於 2016-5-15 15:48
某程度上係 o既，根本共產黨就係成個中華民族 o既萬惡之源，
共產黨一日存在，中華民族原有本質及道德觀 ...

而家響大陸既社會入面人命幾乎冇價值
呢樣響好多事件入面都反映到出黎

RobynnNKendyFan 發表於 2016-5-16 11:25
而家響大陸既社會入面人命幾乎冇價值
呢樣響好多事件入面都反映到出黎 ...

向來都冇架啦，
大陸咁多人，死一個半個又有咩所謂，
共產黨來來去去最重視就係自己個權，有權就自然有錢。
文革其實未又係老毛自己搞出黎，為 o既未又係自己個權。

RobynnNKendyFan 發表於 2016-5-15 21:04
個人覺得呢段歷史唔可以唔識
即使有 d 事件係難以接受  
同埋個人覺得呢段時間對 e 家都有影響  

根本共產黨成立咁耐整個思想都係冇改變，
共產黨自己根本就其身不正，如果唔係又點解咁驚所謂西方媒體入侵大陸地方。

講黎講去，共產黨最怕一樣野就係人民，
假如中國人一反共產黨，共產黨根本冇得玩。

而家講到習近平想玩文革復辟，根本就係痴人說夢，
而家已經唔係六七十年代個陣知識份子有限，批死哂堆知識份子，留返哂堆鄉下佬就以為人地可以幫佢賣命？
雖然而家大陸都仲有好多鄉下佬，仲有班死硬派認為共產黨係新中國 o既希望，但係呢班人根本已經唔再係年輕個批。

年輕個批而家仲會同你所謂「愛國」之後賣埋條命比你？
頂多未就係盲目跟風，之後未又係繼續我行我素。打倒日本仔已經係事例，口中話日本仔乜乜物物，自己就拎住部日本相機影黎影去。

共產黨由此至終又有冇真係當中國人係人？無論係文革之前同之後都係冇。
自從文革之後，知識份子沒落，一大班鄉下佬以為自己幫個國家批鬥過資產階級就以為自己係烈士，實情共產黨只係當班土佬係棋子，你死你事。
至於共產黨高層到今時今日都仲係停留緊為權去鬥餐死，習近平所謂咩打貪其實未又係為左自己個權。

我個人而言，文革冇可能會再發生，就算習近平而家大玩個人崇拜都係咁話。
不過共產黨仲係咁怕人民，六四翻版反而係有機會再出現。至在係點樣發生而已。係比共產黨自己迫出黎，定係人民想要民主而自己行出黎爭取？
如果係後者，或者對共產黨個面子都叫好些小，但係如果係前者，相信到時就會係共產黨滅亡之時。