從新資訊「新巴城巴提昇東區巴士服務」廣告的感想

原帖由 china 於 2006-5-19 02:26 發表

講開荃灣，順便講下上葵區
三條九龍線３２／３６Ｂ／３５Ａ
後兩者係多客，不過真係慢到嘔

俾我就一早改３６Ｂ蝴蝶谷道後上西九龍走廊出旺角，上海街
深水步放晒手俾３２／３６Ａ做啦
（３５Ａ都得既，唔怕俾多０．９既話）
十蚊紅小一定無得做！

另外，開Ｄ特班３５Ａ，特快來往尖咀啦
成個幾鐘，好晒時間呀

但係35A路線由尖沙咀去安蔭果程
若果開特快班次既話係西九龍走廊
上青山道果段路分分鐘有排兜先
上到山.

原帖由 dennislokawai 於 2006-5-17 11:02 發表

我覺得九巴真正特快線，
一定有296D份，
條線簡直成條邨巴線咁...

希望佢唔會俾人爭取到入將南啦...

除o左296D路線之外,我覺得
九巴68M路線都算係元朗去荃灣
直接既路線兼且幾個站就直上公路,
仲好過搭53路線由元朗出荃灣都
唔知搭幾耐.

原帖由 GD1570 於 2006-5-17 07:15 發表
其實特唔特快線只係個人觀感姐...

係呀，以樓主所述的58X
佢係咪真係可以在旺角打爆曬呢？我又唔係咁睇WOR...
好多時我六七點上58X都仲有大把位坐(當然是在旺角啦)
如果因為咁樣就唔要直上公路的話，會唔會 ...

唔單只58X路線,
其實而家西鐵通車後好多來往
新界西北及九龍市區既X線
係夜間繁忙時間好多時係旺角
都係座唔滿去新界西北區.

我的回應，只係覺得X線已經outdate左......

60X的確比60快，故此叫60X，呢個係80年代中葉之時，
你會唔會否認當時的你讚嘆60X既偉大又精深的路線設計呢。
荃灣路出九龍之奇快（當然係80年代尾90年代頭）
令新界西北人由荃灣轉地鐵改為一條直線出九龍。
後來出現58X, 59X, 67X的快線，以60及66的服務來說，根本係創舉。

48X出現係唔係比48及48A快得要命呢？城隧係一條偉大的隧道，
令成千上萬的荃灣及沙田人帶來無限的方便，
全部荃灣及沙田人有邊個唔知四十乜鬼X係去荃灣同入沙田呢？
40X生得遲，如果馬鞍山早10年發展，肯定無人會話40X唔係特快線。

中巴時坐8號坐到的日子，老一輩可能都無乜印象，
咪多得偉大的東區走廊，令780救了柴灣人一大朝早起身返工的習慣，
788更令780的乘客睡得更晏！
甚麼8號要坐成個幾兩個鐘頭出到灣仔的歷史，
被一條788用兩個字到灣仔的理念改寫。
令今時今日的8號都話要快。

我覺得唔可以話特快X線係慢，只不過路線號碼係唔可以好似人咁話變就變，
X線到今日變為慢線，係因為社會發展得快，X編號不合時宜。
但改編號可以嗎？勞民傷財。

今日出尖沙咀, 突然諗起一D野...

首先係地域既問題..
港島北係一條直線, 客源主要係中環/銅鑼灣
故此巴士公司只需要開兩條特快線就得

但九龍卻不同..一個正方形, 跟本不能話兩三條特快線便可
因為客源分散, 每區都不能support自己一條特快線往尖沙咀等地
以兩條特快線比喻, 5A 及 8P, 呢兩條都係九龍特快路線
但客量有目共暏...尖沙咀只有三個站, 跟本就唔可以坐滿一架巴士

新界區對外路線卻是同樣, 只往尖沙咀亦較難維持一條巴士線
現在260X, 268V, 269B 已經係較好既例子

有板友指出九巴未能運用快速公路, 我又想睇下
東九龍走廊 :
往官塘方向只有一個入口, 只有由尖沙咀及 旺角往官塘方向才可用
九巴已經用到盡咁濟, 98D, 296D, 215X 已經係好例子
往尖沙咀方向有兩個出口, 一係土瓜灣道, 一係漆咸道北
使土瓜灣出口只會令路線來回不平均, 28, 11X等線已經係怪例子
28往樂華成日頂閘, 但往尖沙咀方向就少機會頂閘...

觀塘繞道
講真, 同觀塘道用既時間差唔到幾多, 係去將軍澳會好D, 唔使條條入官塘
但往藍田既話, 單靠藍田跟本唔可以坐滿一架巴士
89D 呢D大線, 都要過左官塘先會頂閘,
但我都覺得215X可以拆線 唔使全部入官塘

我唔熟西九龍走廊, 煩請其他板友補充

原帖由 sa 於 2006-5-21 00:54 發表

我唔熟西九龍走廊, 煩請其他板友補充

但其實真正問題真係西部路線。
荃葵青 D 線出名慢貴疏，有不如無。

如果西九龍走廊真係因為沿線居民覺得嘈而無
巴士可以全日全段行走，其實有 D 過份。
紅小貨車夠由朝行到黑，又唔見佢地鬧...

至少我都住過西九龍走廊隔離同埋青衣北橋
隔離，合共 12 年以上。講慘，我都 (曾經)
有份先...

原帖由 KC3555 於 2006-5-21 00:14 發表
我覺得唔可以話特快X線係慢，只不過路線號碼係唔可以好似人咁話變就變，
X線到今日變為慢線，係因為社會發展得快，X編號不合時宜。
但改編號可以嗎？勞民傷財。  

最低限度，一些慢線改行快線，都應該改一改個編號，以資識別啦
例如8號
(小弟係度都提議過好多次 ，8 --> 87X )

原帖由 111 於 2006-5-20 13:50 發表

8號改果陣一樣好多人反對，但在2A/82/Octopus轉乘下咪一樣攪惦倒各方面既聲音，到現在8號在繁忙時間在Sogo都開始要排大隊  

補充一句，以其他東廊快線來比較，8號的客量可算是最低的一條
不過平均一程仍有30-40人座 (據本人非正式統計 )

原帖由 Cantona 於 2006-5-21 01:38 發表

補充一句，以其他東廊快線來比較，8號的客量可算是最低的一條
不過平均一程仍有30-40人座 (據本人非正式統計 )

整體黎講
東廊快線入面應該以M722既客量最少
其次就應該係8號