<兩年前> 新巴 歐一神鷹 DA81/82 在華富中環的最後穿梭

上回分享 DA80 最後一程果陣提到 最後三架歐一神鷹最後的服務都有份做
穿梭 華富中環, 按下重溫:
http://www.hkitalk.net/HKiTalk2/ ... d&tid=989547&extra=

現在分享 DA81 / DA82兩年前 於 華富中環最後穿梭的最後穿梭:

兩車於中巴新出牌時長駐南區皇牌線970,一路都好快好力,  噴上新巴色後,
被派往東區.......

DA81
先說DA81, 佢係最早裝修內部的二手車之一, 亦係新巴歐一車尾二退的一架.
過新巴果陣做過595, 不久在黃廠被噴上新巴色,
之後過東區, 再不久在黃廠裝修, 復出後都行左東區一段時間,
但因車尾裝左環保裝置 架車上斜就好無力, 果陣做38 上斜慢到爆廠, 真不是味兒.....

到佢目的地牌轉新巴字體果陣返回南區, 再轉電牌, 之後力水好似好番....
2008 年某日, 見到 DA81 在余振強橋底, 就留影一張,
梯位係王莞之的唱片廣告, 主打歌 之一有 <我來自火星>....

三月十日之後連續三日都有新巴 DA VA 埋單, 之前貼左 VA58同埋 早一些的 DA80
之後到 DA81了, 佢同DA82 最後服務都俾左華富區, 我在3月11日返工果陣都特意去華富上 DA81,
再在大學站留影, 佢到下午都跳左去42.....(但不知在晚上有無做 970).....

到3月12日 (最後一日), DA81 就全日穿梭華富中環, 先在早上做數轉4x,
下午數小時轉去4號, 再在黃昏做番4x....
我放工後, 得鐵路之助, 到港大站等 DA81, 享受佢最後的一仗.....

上車得知架車由之前做 水塘豪va41 尾日果位車長埋尾, 佢最愛全程鎖二波,
架車上斜果陣都一氣柯成, 最後果兩單轉眼就完成....
兩轉之間的休息時間, 我都在華富南為車子的門位留影,
記錄 DA81 最後的光輝, 到2020 開終極一單........

最後一單果陣, 上斜也是轉眼間, 入華富不久, 車長按下了電牌無數次,
去到正確 CODE 才轉頁.....

我就在華富酒家下車, 再最後留影, 不久 da81 都返到總站,
車頭電牌顯示了 "黃竹坑車廠", 俾數位巴迷做最後的留影, 我就走上去留上影下,
留左一陣, 車長就開車熄燈, 並按下新巴 波浪logo 電牌 回廠退役~~~~
貼張佢以新巴籠但留有中巴按鐘標貼的相去完成 DA81 的分享......
之前分享 的 DA80, DA47 都同樣留有中巴按鐘標貼, 全隊鷹中不多於10架
是如此的.....

下段講下 DA82:

DA82 (Part I)
DA82 在新巴有特別的經歷: 做新巴內籠改裝的樣板, 內部配置在中巴計都有少少特別,
特別地方下回分解, 車頭車尾因意外而令到佢外觀同其他同款有不同.

現先分享佢最後一單的上集:
架車最後服務的日子, 在早上下午都不停來回 華富中環, 我都有幸影到 DA82
行走4X 同埋返工果陣坐到佢做4號........

架車力水就一般, 不過到尾, 就是如此, 就不打緊........
架車尾日的下段更精彩, stay tune again!~~~

但因車尾裝左環保裝置 架車上斜就好無力

請問裝左咩環保裝置?

Mueller 發表於 2017-3-12 20:53
請問裝左咩環保裝置?

催化轉換器, 好似所有新巴歐前歐一二手車都裝左......

之前有站友 貼 DA81 行 116 的相時都有提到, 按下面觀看:
http://www.hkitalk.net/HKiTalk2/forum.php?mod=viewthread&tid=895739&extra=page%3D1&page=1

究竟DA82裝修之後D椅係 "瑞昌科技" 定係 "NEW CHINA" ?
(感覺上DA82個顏色/質地同DA81又好唔同)

輝(1110) 發表於 2017-3-12 23:41
究竟DA82裝修之後D椅係 "瑞昌科技" 定係 "NEW CHINA" ?
(感覺上DA82個顏色/質地同DA81又好唔同)
...

DA82 好似用 Lazzerini 座椅,同埋佢係第一架大裝修, 所以同其他會有別......

DA81 就用 NEW CHINA 座位, 好硬.....

不過裝左催化器後,把聲反而隆隆聲,更有霸氣

DA81 唔知係後期拆返定係無裝到

臨退幾年把聲一路重係原裝

即係同 831-880、721-740 一樣聲




印象中 03/04 年搭過一次 DA81 行 81

坐車頭竟然全程嘈到聽唔到引擎聲

淨係聽到錢箱、八達通機、錶板、司機位門既撞擊聲同埋水箱風扇聲

歐一 DA 唔算常搭但再無搭過另一架有佢咁誇張

ctb7k-pc6795 發表於 2017-3-12 21:05
催化轉換器, 好似所有新巴歐前歐一二手車都裝左......

之前有站友 貼 DA81 行 116 的相時都有提到, 按下 ...

呢部DA81係原裝聲，有裝催化轉換器？

HW8373 發表於 2017-3-13 23:07
DA81 唔知係後期拆返定係無裝到

臨退幾年把聲一路重係原裝

印象中係一路去到退都係原裝聲，好似
AD281-360/ADS31-185係有幾部原裝
聲．DA81應該成個服役年期都係原裝
聲，呢部印象特別深刻．因為（DA57
-82）得一部係0甘．．．．．．

ctb7k-pc6795 發表於 2017-3-13 22:40
DA82 好似用 Lazzerini 座椅,同埋佢係第一架大裝修, 所以同其他會有別......

DA81 就用 NEW CHINE 座位,  ...

咁DA82又係咪唯一一架DA用Lazzerini呢?