港鐵公司建議506搬入青山灣總站

HS1588 發表於 2016-6-16 00:26
過鍾私牌車玩載客 , 你估係中巴咩 , 鍾意幾時開就幾時開玩無定向班次 ?
同埋全程客夠打爆一部車咩 ? 憑咩 ...

區內客係預你輕鐵轉接駁巴士, 唔一定係西鐵轉乘客, 咁521未延長去井財街/富泰果陣都係要輕鐵轉521, 而521設轉乘票, 之後拉下拉下無啦啦要專注做你所講既富泰-置樂<>掃管笏先係out focus , 仲有富泰-置樂<>掃管笏依家仲有53係度, 你講到咁重要但開架K51X出黎又話憑咩開特快? 我唔明K51拆開富泰至青山灣/三聖及屯門站至大欖兩條線有幾無厘頭囉, 縮埋506去屯門站穩定班次就有足夠車比K51拆, K51拆左後兩條巴士線之間設轉乘已經冇問題, 咁656拆左K66/K68出黎, 大棠要要K66轉K68先去到元朗工業村又點計數? 屯門站至大欖相比屯門站至置樂/兆康站至富泰長途咁多, 但就為左要照顧短途客就要長途線脫班值唔值得先? 拆開K51就可以分開屯門站至置樂/兆康站至富泰, 以及屯門站至大欖兩批客而唔會互相影響! 其實最無厘頭既建議就係K53同K58合併, 當年兆康開經青山公路落既K53都仲好過佢, 咁唔夠車成架K58接左佢算吧啦, 班議員剩係一心想K53全日, K53/K58合併就真係擺明玩野



仲有行路係解決到問題, 富榮花園/港灣豪庭行去柯士甸站係唔係好近呢? 點解多左一個柯士甸站就會K16冇免費轉乘, 再順理成章取消? 如果有朝一日有個大欖港鐵站, 信唔信成條K51會冇左, 理得中間各巴士分站行去新港鐵站要幾耐呢?

其實根本成個屯門嘅K巴都係有問題


506成日拖3卡，K51路線過長，K51，K53，K58嚴重重疊（置樂－黃金），K52要2046先入到龍鼓灘


其實係唔係應該考慮拆線／拉直？


以我自己觀察：
1）龍門居係506一大客倉，繁時富健花園站可以落過半車。可以考慮以湖山路為界線，將南北嘅客打散
2）蝴蝶站有唔少59M/506<->K52/廠車嘅客
3）小弟有朋友住三聖以南，如果搭西鐵會鍾意係兆康轉車。兆康站電梯一上就係巴士站，巴士站有瓦遮頭，上到K51又容易有位，搭少一個西鐵站平少少。屯門站反而要步行橫跨V City，時間上兩邊唔會差太遠。
4）繁時K51會由大欖私牌去屯門站上客
5）K51，K53，K58屯門站位置完全散開晒，根本就做唔到輔助效果


所以我提議：


K51專心做返屯門站－置樂－大欖


富泰－市中心一段拆開做新線


K52拉直，屯門站－建安－青雲－龍鼓灘


506取消，開新線屯門站－市中心－置樂－中央廣場－湖景－美樂－蝴蝶站－蝴蝶灣體育館（循環）


K53，K58合併後，繞經屯門站總站，飛起置樂經兆麟出入，兆康站經緊急通道，輔助兆康－富泰一段 <--- （其實我自己就唔睇好，合併後根本就係505超級加長版。長遠要考慮飛走良田縮短行車時間，欣田邨入伙後可能做埋欣田－市中心）

HS1588 發表於 2016-6-15 03:26
K52 咁改, 最大問題係置樂去碼頭變左黑洞
44 系 ? WFC
分段加到六蚊已經成功再趕走堆客

唔係咁講法喎。

44和44B1屯門方向係馬生自己特登規定果班司機一定要做埋屯門區內客，唔可以擅自例如直飛碼頭區(如果真係有既話邊個會唔鍾意？)。

建議將市中心空車服務時間延長至晚上十時!

astrial 發表於 2016-6-16 22:41
其實根本成個屯門嘅K巴都係有問題

所以我提議：
K51專心做返屯門站－置樂－大欖
富泰－市中心一段拆開做新線

其實K51做大流水係有用途傢，呢條線唔係淨係做轉乘客。

如果你係非緊忙時間坐下，其實係有唔少客

1. 三聖置樂坐去新墟買餸，買完餸坐番去三聖置樂
2. 市中心坐去井財街
3. 嶺大學生入市中心/置樂

拆左線只係穩定到市中心至富泰段，另一段其實都仲係塞到冇車，反而仲有一堆人因此而要轉車。
反而呢家有富泰特車，基本上都可以舒緩到兆康接駁到富泰嘅問題。

506又延長，得個長字，無用架

反而我會建議506改為幾年前經新墟版本，加經市中心，
即碼頭，龍門居，建安，屯門站，市中心，屯門市廣場（屯門公路），雅都花園（新墟），屯門站，建安，龍門居，碼頭，
咁行可以同時做接駁，市中心同新墟客，缺點就係市中心同新墟無可避免有少少兜路～

K51果度，總站由大欖一腳踢去屯門站當然無可能，當年521井財街至大欖，
開線時沿線人口不多班次穩定，但今時今日多人上落的站越來越多，
尤其是拉到富泰之後，K51北段客量增長太快，已經嚴重影響到南段的班次，
建議分拆為富泰至三聖／青山灣及屯門站至大欖兩條線。

K53同K58真係只做繁時都夠，暫時無看到有全日的必要。

至於K52兜碼頭，死症無得搞，只能怪當初520同A51合併太求其，
而家K52悅湖山莊、兆禧苑站唔少人上落，但去龍鼓灘又要兼顧呢兩站，條線只有一種行法，
除非飛起整個碼頭區，但咁樣非繁時客量肯定差到無人有。。。

石頭 發表於 2016-6-22 00:04
506又延長，得個長字，無用架

反而我會建議506改為幾年前經新墟版本，加經市中心，

直接將 506 縮短到市中心，不入新墟就算啦
入一入新墟就要食大量燈，不利班次穩定

K51改為富泰-掃管笏
K53全日雙向,改為屯門站-大欖 兩線八達通轉乘

S3BL343@66 發表於 2016-6-22 00:49
直接將 506 縮短到市中心，不入新墟就算啦
入一入新墟就要食大量燈，不利班次穩定
...

市中心都冇得調頭
要調就要去友愛兜個圈
咁不如維持現狀唔變好過啦……

nonmember 發表於 2016-6-23 02:51
市中心都冇得調頭
要調就要去友愛兜個圈
咁不如維持現狀唔變好過啦……

停８６８果站，跟住出番去屯門市廣場跟A33P入西鐵站