為什麼地鐵要將其線路稱作XX綫？

LF5502 發表於 2016-6-25 21:06
其實.......點解唔編數字？？

應該話香港已經比較簡單啦
你用輕鐵個System同港鐵比就知點解前者要用

E3Tsubasa 發表於 2016-6-25 18:51
但我聽見人地話屯門地鐵站
不過都有唔少人用火車同地鐵來分旺角站,而不用正名嘅
...

市區人對東西鐵完全無感覺好正常，平時根本唔會搭到東西鐵
只係要知道龜龜Logo就覺得係地鐵

或者直接講搭鐵咪算囉

不過而家同時都係龜龜Logo 旺角同旺角東都幾易混淆

LF5502 發表於 2016-6-25 21:06
其實.......點解唔編數字？？

老祖宗倫敦地鐵12條線都係用名；
東京市區102條線都唔係用編號。（資料來源：維基百科）

香港地理特殊，山多海闊，人口極為集中，一聽線名知道大約去緊邊個區已經好足夠。
這麼一個簡單系統都搞唔掂的人，即使用數字都係會搞唔掂（更可能記錯一個字而擺大烏龍），用顏色又對色盲人士唔公平。

相容性會唔會係原因？

以前輕鐵同東鐵完全分開，西鐵同輕鐵性質唔同，一輕一重，馬鐵最初亦只係中型鐵路，性質唔同東鐵

流星☆雨 發表於 2016-6-26 18:46
相容性會唔會係原因？

以前輕鐵同東鐵完全分開，西鐵同輕鐵性質唔同，一輕一重，馬鐵最初亦只係中型鐵路， ...

但係東涌線同當時地鐵三線性質都唔同

商業LOGO要註冊，大小底色都受到影響，多一套就多一點麻煩，多一點成本！
而且一間公司，一般都會「一致性」，比「多樣性」更容易確立品牌形象，唔只香港，仲有係國際形象！
而且最重要嘅係，MTR方針係「去九鐵化」

......舉例，如果現時港鐵所有鐵路都以九鐵方式命名，則會變成以下情況（純屬虛構）：
......
島鐵 Island Rail （深藍底配M-Train標誌）
......

應該唔係叫「島鐵」，而係可能叫「港鐵」或者「香鐵」。

waterboy1984 發表於 2016-6-27 09:16
商業LOGO要註冊，大小底色都受到影響，多一套就多一點麻煩，多一點成本！
而且一間公司，一般都會「一致性 ...

其實一間公司不是問題，機場快線及東涌線都使用不同品牌。我只是認為每一條鐵路都應該使用不同品牌，而不是以「港鐵」兩字概括九條路線的品牌。（當然，「港鐵」作為公司名稱並無不妥）

其實2007年兩鐵合併，
港鐵公司應改做「香港地下鐵路有限公司」，簡稱「地鐵」，而非「港鐵」，九條路線都係「地鐵」，

既然馬鐵改做「馬鞍山綫」，而非「馬鐵綫」，路線以地區名命名，按理
九廣西鐵應改稱「屯門綫」，而非「西鐵綫」
九廣東鐵應改稱「上水綫」，而非「東鐵綫」


如果市民要由元朗去旺角東，就要係「元朗地鐵站」搭「屯門綫」去「紅磡地鐵站」，再轉「上水綫」去「旺角東地鐵站」

ShamTseng66M 發表於 2016-6-29 18:59
其實2007年兩鐵合併，
港鐵公司應改做「香港地下鐵路有限公司」，簡稱「地鐵」，而非「港鐵」，九條路線都 ...

其實MTR嘅鐵路線覆蓋香港大部分地方，叫「港鐵」並無不妥...

至於馬鐵改做「馬鞍山綫」，而非「馬鐵綫」，係因為當年嘅馬鐵係叫馬鞍山鐵路，而非「九廣馬鐵」。

而九廣東鐵及九廣西鐵，會於沙中綫計劃落成後改稱為南北綫及東西綫。