七年前首航的單層長金雞 @ 74A / 263M / 72A

七年前, 九巴開始向 Scania 買入 K230UB 10.6M (ASB) 同 12M (ASC)
行走少客坐或是不賺錢的中長途線.
首批頭數架單層長金雞就在七年前今日首航 72A, 74A, 263M

當中 ASC2 -NV8552 更是該批中少數屯廠出牌的
(另一架係 ASC8 - NX3459, 但好快轉廠)

現在 架車轉左去上水廠, 同時263M 都取消了.....

講番正題, 款車有三高:客量最高九巴單層, 高冷氣糟 - 較不到車頭至中出風口, 車尾劇院式高地台,
不太受巴迷同搭客歡迎.......

我在架車首航不久坐ASC, 表現不太突出, 當時好在有車手表現搭救......
再坐埔公同款ASC, 大多都係上斜無力, 公路平平無奇.
覺得係架 轉廠車 ASC8 - NX3459 表現好似好少少......

ASC2在263M 轉第二批同款車之後 (2011年4月) 入粉嶺掛區內線278K,
假日有時去大埔支援 275R, 亦有時行埔公做替車....下次再貼相吧!~~~

做74A 果批, 就因為73A 要用佢就入哂73A....

現貼上 ASC1-3, 5 的新出牌相, 分別做 74A (1, 3); 263M (2); 72A(5)

題外話: 其實九巴之前有招標賣走單層車, 但好似無左下文的???

個人認為, 留下的長單層其實可以行走全日低客量線, 好似 74D (繁時除外)
274P 如果加班, 都可以安置批單層.......

歡迎跟相或分享.....

74D要跳74X der

ky927 發表於 2016-7-19 12:53
74D要跳74X der

柯打可以改的.....

用74X 車做74D 係繁時先有用,
其他時間載空氣, 用單層更好.....

某程度上個人覺得ASB比ASC更差.
總括來講九個字評價: 無速度, 跑得慢, 唔夠快
無速度 - 起步慢
跑得慢 - 上斜無力
唔夠快 - 部車總係唔去禁

不論ASB定C, 個tune真係不得了. 低波到1500轉即上高波,但高波低轉又唔夠扭力,攪到死下死下.

ryulky 發表於 2016-7-19 22:56
不論ASB定C, 個tune真係不得了. 低波到1500轉即上高波,但高波低轉又唔夠扭力,攪到死下死下.

...

ASB/C 無用上 Topodyn慳油裝置, 就低轉轉波, 段段低轉.....
新出果時有站友話埔公線車長渣佢地都渣到搖哂頭.......

客就覺得佢 CHOK, 真係雙輸.....

都係一句, ASB/C 有一架半架係 OK, 不過大都係......你懂的......

果期仲有批舊飛鏢客串, 大家鬥慢鬥chok

我自己覺得Scania 出巴士真係無款好坐, AS 都只係貪佢靜, 力水又係無
我係英國坐唔少Scania 巴士, 單雙層都有
單層都有同一弊病, 就係「浪」同CHOK, 而且又係頻繁低轉轉波但起圍又慢
坐上去, 就係無富豪或ADL 既果種「扎實感」
其實德國MAN 都係差唔多, 但人地起碼力大步雄先