結束新城專利有頂G牌東奔西跑的日子: 電牌鷹 DA62 @ 970系

之前寫左終極尾鷹, 同埋一年前寫 DA78, 79 尾日,
今次分享下一架特別的歐一鷹 - DA62 的尾日.......
(想重溫 同月埋單的 DA78, 79 分享按下面)
http://wwww.hkitalk.net/HKiTalk2/forum.php?mod=viewthread&tid=923976&extra=page%3D1&page=1

回正題, 如果大家有送別新城車, 都知道城巴最後專利歐一車係 PLAXTON 豪 489,
而本文主角 DA62, 係新巴最後一架專利 (有頂) 歐一車
不約而同, 兩車的尾單都奉獻俾西隧線,
為新城專利部 G牌車做最後謝幕， 結束它東奔西跑的日子

寫佢尾日服務之前, 想分享下 DA62 的簡史:

簡史
架車新出到新巴初期都係做長途線680, 遠征沙田馬鞍山.....
係全隊中巴歐一二鷹長期行得最遠的一架.....

據聞佢做680果陣行觀繞好出色, 東奔沙田 跑公路表現不遜於九巴的老虎,
亦估計比同線開龍更出色, 同時都上三星電子全廣達一年多.....

到98年10月在黃廠上新巴色後, 就離開680周圍走...
到1999-2000 先至常做 970線, 年尾同 DA78 一齊入黃廠改裝內籠......

咁記得, 係因為我在2000年尾返教會, (重陽果段時間), 有次坐到 DA62,
但見到目的地牌不是大小楷, 係用舊一點的英文大楷, 內部都未裝修.....

該批歐一二鷹果陣得番 DA62 78 未裝修, 上架車, 因佢之前長跑680,
佢行公路(平路)表現比上斜好.......

不久, DA62 78 一起入黃廠改裝內籠, 完成為前中巴歐一二鷹的改裝,
當時 DA62 係轉左新巴牌布, 攪4號牌,
果陣 新巴利蘭 有頭三架: LA20, 24, 25 都開始入黃廠裝修,
係 DA62/78 裝修之後的事.....

改裝後, DA62 下層車頭印紫色的編號印在司機位後面, 在歐一二鷹獨一無二,
同 OLYMPIAN (LA/VA) 看齊, 之前 DA1-5 同埋 DA8
都一樣的印在司機位後... (請看第三四張相)

之後 DA62 出番來行, 之後車窗之間的白位在驗車時噴番黑,
再不久轉埋電牌, 長行南區, 不停西跑 (穿梭西隧),
久不久都會坐到佢做970X....

970X
多年前的一個晚上, 我有幸坐中 DA62 做970X 當晚的尾班,
當時架車執過來,上斜表現改善左. 行車表現雖無布牌一樣的速度,
但我永不會忘記架車落西隧果刻的快感,
同埋車長都努力地操架車, 令到晚歸客盡早返到家中.....

現先貼一張 DA62 行970X, 在置富上斜的相.......
同埋某日影的尾部, 在瑪麗 (做緊970-都在鷹車頭影, 都好特別)

另有兩張係尾日影: 放工就去黃廠, 見到 da62 的車尾,
係等緊尋日渣da79 尾日的車長接更....

下段就分享佢終極的車程.....

尾日 - 序 :
來到 DA62 最後一日....
當天返工坐車, 見到 DA62 在香港仔行人天橋底站, 做970X 去蘇屋,
對照返對上一個星期 DA78 尾日的時間, 係完全一樣,
就相信佢在下繁都會做970.....
(* 後期鷹都行過呢更, 架車做970系之前都有機會做78在華貴私香港仔做)

當日我請左下午假, 放工就去黃廠, 見到 da62 的車尾, 影相後就回家小休....

架車一如之前做 DA78 / 79 尾單的車長前一日所料,
DA62 最後一程 - 970 尾兩單都係俾佢接.....
架車先在黃昏做旺角的特班, 再返數碼港做多單....

果日旺角好塞車, 架車都比預定時間都遲返. 架車返到後, 我就影佢門位....之後,
尾期鷹 DA88 都到站, 就同兩架車合照, 半年後DA88 都踏上歸途....

後來, 車長被指示把車子拉到山道 (現香港大學站) 起載....
我同朋友就用自己方法追, 最終都上到, 更估唔到呢單返蘇屋係
DA62 載客生涯的終極一單.....

到水街, 架車都坐滿, 車長渣得好定,
衝入西隧的一刻係我永遠不會忘記.....
唯一對車長不好的地方, 係架車臨退前, 軑盤行到高速果張不停地震......

轉眼到蘇屋, 到總站前我都趁機影內籠相, 闊座椅係來自 DA68.....

返到總站, 司機把電牌轉去數碼港, 諗住做最後一單,
不過站長又叫佢不用再做, 亦因紅隧塞車, 就叫佢行番西隧私返廠,
結束 新城有頂G牌的專利載客生涯....

今次的相的次序係由下至上睇, 請留意....再次多謝點閱.....