九巴新線214開辦消息

S3BL100 發表於 2016-8-9 23:27
都係果句，你聽左錄音先，一係你又走去屈錄音係老作、捏造

見到有同自己相反意見，就要攻擊對方人格，覺 ...

1. 唔同意合併走線唔等同唔同意優化, 更加同自私無關, 從一開始我都表明唔介意 23/23M 落觀塘前再入順天一次, 等同以前宿舍入伙,
26/27/29M改經宿舍問卷調查, 我都係 vote yes, 不嬲各四順區都係自己人, 方便人方便自己

2. 錄音已經聽咗好多次, 唔駛再三幅屁回帶叫我再聽

3. 蔡議員意見

    拉直路線 -
    觀工加站 -
    分段 -
    站位 -
    結論: 優化未夠完善, 請運輸署再考慮下走線或其他方案

其實同我反對原因一致: 站位對居民唔方便

等同如果運輸署話23M唔再經宿舍, 新利街走
路線直接咗
宿舍冇站
結論: 未夠完善, 運輸署你返去再諗過啦
咁唔係反對, 唔通係贊成?
(利申: 我唔係住宿舍)

4. 就當大家理解唔同, 要搵最佳最肯定嘅答案, 就一定係問番當事人蔡議員,
email回覆: (我知內容有錯別字, 不過我都直接 copy出來)

妳好！謝謝妳的意見！
這次是九巴第二次提出合併方案。尤於這次九巴提出了一些新建議，作為本區議員，聽取民意是我的工作，並有責任向居民交待及諮詢大家意見！
在聽取居民聲音後，我亦巳向運輸署表達反對合併的意見，故不明為何網上聲稱本人支持合併的說法！
謝謝妳的意見，如有任何查詢，懇請再次聯繫。
蔡澤鴻敬啟

當蔡議員已經直截了當地表明當日係投反對, 咁即係有人理解錯, 一時錯都唔緊要, 係人都會聽錯睇錯, 錯咪認咪改囉, 有幾難
但連被贊成嘅蔡議員都直接指出反對, 點解死都要屈人贊成? 我真係唔明白

5. 其實新 26A 站更近我, 而且日日都係去商貿區, 所以我多數只上23唔上23M, 合併對我仲有著數
但係站位唔同, 唔止順利, 係順利順安同宿舍站位都係, 好多人都話好唔方便, 去得聯合, 和樂, 好多
都係唔識用ETA老人家, 合併冇所謂, 但咁嘅站位, 真係玩佢地!

6. 你話順天26M落觀塘唔合理, 23/23M/26M 三條線同站真‧選擇, 一邊亦可去安頌坐 23/23M直走+104
另一邊寧波第二更多選擇, OK 係你理想入面係唔合理, 咁單選 23M or 26A就好合理?
曾經 26M 班次係唔差, 彩雲順天選擇放棄, 九巴用心去慢性剎死, 要其他幾個小區埋單又好合理? 再講一次,
由以前討論優化到依家, 我一直都絕對唔介意 23/23M 落觀塘前再入順天一次, 如果有意見改26M去安達臣,
亦唔反對要送資源畀安達臣, 所以話我怕少咗資源完全唔成立

7. 由一開始, 我只係表達我意見, 冇去攻擊任何人, 係邊個持相反意見就話我自私, 係邊個話我唔理其他持分者,
係邊個攻擊對方人格在先? 邊個話人係牛鬼蛇神?

一方面都幾欣賞你對路線既理想, 但另一方面係唔係可以實行, 對居民需求係唔係真了解? 唔知係太自負定
理想主義, 好似高高在上, 自以為比任何人甚至居民自己更了解居民需要, 現實真係未必如你所想

leeallen 發表於 2016-8-9 19:38
哈哈, 今次真係好玩,

假新聞錯左最多咪以後唔用，假新聞區議員可以告有關媒體誹謗如果我轉貼蘋果動新聞，事後比人發現係假，係都係鬧蘋果，而唔係鬧我先啦吧？


不過咁，你當我無中生有又好，點都好

假設四順係反對多過贊成，或者全部反對 贊成0:3反對

但民建聯為配合政府施政，7票贊成扭轉局面，變成 贊成7:3反對，重組開綠燈


你會點？會轉軑嗎？

我好記得前文你話 只有觀塘區議會，而無四順區議會

將民建聯插手他區事務既事合理化

無非都係想得到你想要既結果，反對重組

我就將件事倒返轉，睇你仲會唔會咁口爽，同一口吻話 只有觀塘區議會，而無四順區議會

我相信，到時你咪又話，民建聯不代表我意見，但如果事實真的如此，你點算？我用返你口講個一套邏輯，贏你一仗，你即刻企係度無聲出，要潛水既人都唔會係我

我想你搞清楚一樣野，我唔反對四順區議員表達意見，我只係覺得四順事四順解決，唔關事既區議員，唔應該插手

四順反對多過贊成，點會唔尊重？我又唔係住四順

我只係覺得有唔關事既地區，插手人地區事務，睇唔過眼而出聲

就算四順真係反對多過贊成，民建聯嗌反對，都係插手他區事務，不過只係火上加油，去年同一重組，民建聯去左邊？

四順贊成重組，我咪贊成，四順反對，我咪反對，民建聯無論嗌贊成定反對，無視！

kay 發表於 2016-8-10 07:44
假新聞錯左最多咪以後唔用，假新聞區議員可以告有關媒體誹謗如果我轉貼蘋果動新聞，事後比人發現係假，係 ...

1. 尊重你敢改正, 亦冇意圖要人潛水, 只係要攪清事實真相, 我有鬧你嗎?  應該冇呀?

2. 假設問題未發生, 只可答你我都唔知我到時會有咩對策

我相信區議員自有其他辦法將民意呈上運輸署,
始終最後決定權係運輸署度, 呢度係香港, 唔係大陸, 有討論空間

如果改變唔到, 大概要接受結果, 因為係個框架內任何議員都真係有權咁做,
佢要插手他區事務, 都冇法, 要阻止佢更唔合法

等於佢地浪費撥款做噴水池, 真係吹佢唔漲

3. 咁真係冇四順區議會, 係事實就講事實, 你話我寸, 亦可, 就算係同我做生意十幾年熟客,
事實係佢出錯, 要屈錯在我方, 一樣擺晒證據出來冇面畀照插, 但如果事實係我方錯, 即賠
冇藉口冇潛水

但另一原因自己公司家庭都忙, 老花打長篇大論又好辛苦, 事實我都唔係篇篇覆, 之前原本
討論合併張帖我都冇時間精神放棄去覆, "冇四順區議會"又打得快又易明

4. 我唔會因議員屬咩政黨影響我對佢睇法, 選區議員同立法局亦各自有唔同考量, 政黨只係當
中之一
事實上, 符議員自動當選, 就算有得選而勝出者唔係我心水, 做得我地區區議員, 有關事務唔
搵佢搵邊個做? 理得咩政黨! 理得佢唔係我選!

等於你係公司其中股東但個CEO唔係你心水人選, 你唔會因此玩死自己間公司

選舉精神唔係咁咩? 選舉係想搵個人出來認頭做野, 唔係為選舉打餐死

leeallen 發表於 2016-8-10 01:34
1. 唔同意合併走線唔等同唔同意優化, 更加同自私無關, 從一開始我都表明唔介意 23/23M 落觀塘前再入順天一 ...

蔡議員約 10 分鐘處的講話內容：

主席，我想搶先發言…唔好意思，唔緊要。

多謝主席，多謝咁多位。多謝運輸署同事同九巴，就優化四順 23 同 26M 提出左一D新既建議。，包括合併左之後撥出資源開辦 26B 服務。另外亦多謝接納建議，係觀塘道設立新巴士站，俾我地居民出左地鐵後，唔使長途跋涉，走到協和街或者敬業街先搭到車返四順。我諗就住成個建議呢，我地收集到既意見呢，因為我地琴日都係區入面派左單張，我收集到既意見，我都反映下我地睇法。

第一，居民對於只係提供一班 26B，係唔足夠。係咪全日行走，可能要睇資源調撥，但朝早同放工時間，居民都要求有車，希望運輸署可以再考慮。

第二，而家點對點服務好緊要。如果新的行車路線，可以拉直 23 的巴士，其實好多居民都贊成既，因為唔需要兜大圈，由利安道轉順利村道，然後再落觀塘。至於優化路線係點行走呢，我諗我地其實睇返區入面既居民，佢地需要用到 23，主要係返工、轉乘地鐵，或者買餸、去觀塘辦事。一個直接的行程、路線，我地聽到居民係歡迎既。同埋分段收費，都係支持既，約莫都係呢D意見，我地希望運輸署聽到後再睇一睇。同埋路線改左之後，會削減左部份巴士站，例如順利村利業樓對出、順安村後面順利村道安頌樓，居民就等唔到新既 26A。到底係咪一定要咁行，有無一個更好的優化方案，令到改變唔好咁大，令居民有一個方便的乘車安排，呢樣都請運輸署考慮下，多謝。

佢邊忽開宗明義反對？

跟住成班人撲出來反對，約 47 分鐘處佢補充，語氣聽到佢都幾失望：

多謝主席。

有D怪，唔知有無錄音，即係好似我係民建聯，陣間我要填表…

23 26M 合併，舊年討論到而家，舊年我都有大力反對，因為覺得純粹係一個削減資源既做法。然後過去一年裏面，要講句公道說話，我睇到九巴同運輸署的努力，無論大家同事持咩意見都好，公道說話都要講既，佢地真係有聽到居民意見，例如 26B，例如觀塘工業中心出面加個巴士站，呢D都係收到唔同各黨派意見。今日如果大家反對既，雖然我作為當區區議員，咁好抱歉，唯有跟區議會反對意見，過唔到喇。但我諗我都要公道地講，我睇到佢地既努力，起碼係佢地崗位上的努力。第二樣野就係，我亦留返條尾，今次真係做唔到既，我地希望有機會，繼續商討，點樣優化，點樣繼續做。就算唔係合併，兩條線唔通就咁由佢脫班？咁點解決問題？呢樣大家都需要傾既。多謝主席？

相信以一般人既理解，呢D發言內容並唔係反對囉。

我再強調一次，我對於 23 26M 合唔合併無意見，反正我唔係用家，我同意順利邨有合理反對理據，
而我覺得亦唔係無更好的可行方案。我亦唔會針對個別黨派。
不過我係針對成件事本身，我係睇唔過眼點解今次突然間成班友彈出來干預人地小區事務，明眼人一睇就會發覺根本有問題囉。

即係呢，我認為而家個問題唔係 23 26M 應唔應該合併，而係到底中間發生左咩事；其他區議員干預他區事務，程序上容許，但又係咪合理同恰當？

當然今次貴區保住條 23，站在閣下立場，你一定係高興既，無論中間用左咩手段都好。
但事實係今次觀塘區議會入面開左個極壞先例，議員可以無理干預他區事務。
今日可以保住 23 26M 唔合併住，第日一樣可以反對改善四順（或順利邨）巴士服務，到時你就唔好怨人。

今日所見，豐力樓及畢架山花園西行站已換站牌，並無貼紙覆蓋

siusiupeople 發表於 2016-8-9 11:00
唔止, 油塘方向仲唔停天馬苑, 龍翔官中同鑽地添, 想跟將荃玩有限停站.

但去程唔係好算有限度停站 je

擺北站現86A坑

HT408 發表於 2016-8-10 19:19
擺北站現86A坑

而家擺甘泉街部鐵巴可以擺邊?

之前睇站位表寫「甘泉街南總站」, 原來係寫錯.

鐵巴放甘泉街南舊6D總站咪得囉

今日運輸署出了官方通告

開辦九巴第214號線 (油塘公共運輸交匯處 - 長沙灣(甘泉街))
http://www.td.gov.hk/tc/traffic_notices/index_id_46639.html