本帖最後由 ctb7k-pc6795 於 2016-12-25 18:53 編輯
今次回憶的主角 空運龍 DA94, 雖然同空運豪一樣無上過全車身廣告, 但色彩可以保持到13年都唔似老車.
分享牛河前, 想簡介下DA94 行新巴的線...... 佢新出係空運貨站員工車, 外觀內部都類近城巴規格. 賣新巴後先行西區過海線.
曾有站友分享佢在未改座位前行過一次81, 在峄華邨轉180度彎勁唔夠軑, 曾經行過109 (第一部係DA95); 更特, 係行走經第二街的4號線(!!!!), 果度轉彎好難轉, 但都比佢破禁, 不過, 只次一次......有朋友曾經影到.....
佢係空運龍中最後換新巴內籠, 在2001年5月中入黃廠裝修, 出返來一段時間裝上電子路線牌
佢在2006年巴士大集會成為展覽車 七年後佢再次在巴士大集會 (3月10日)做展覽車, 不過今次係就快退休; 前一日特別過創富廠, 行110 後預留參加大集會,
佢在2007年3月12日曾行2X, 估唔到六年後(尾日)因著車務調動而行走2X (鴨仔特快) 行到尾......
在2012年, 佢車頭車牌被換做最新合乎運輸署標準的幼字體, 成為空運龍唯一的一部.
在2013年尾日之前, 有位巴迷好友復活節大婚, 就約我拿紅彈, 而我就話3月13日係 DA94 尾日, 就派帖之時順便送別....
Last DAY: 鴨仔特快 尾日當晚, 我放工坐車落中環, 亦都睇特見網, 見到有人報佢行590 (前一晚就真, 收車收中環)
而我就憑上次DA96 的經驗, 推測佢應該係做2號, 真係有證據... http://www.hkitalk.net/HKiTalk2/forum.php?mod=viewthread&tid=609442&extra=page%3D1&page=155
不過到當晚, 有傳佢被拉去筲箕灣特快線 2X, 而之後就坐車去灣仔告士打道碰運氣, (因為三條線都在灣仔見到), 途中電話響起, 一路傾一路等, 終於見到DA94 在灣仔碼頭的天橋上面, 佢真係行 2X!!! 我朋友就在維園興發街等 (因為佢遲收).....
其實該晚好塞車, 前後車都好難先上到天橋. 好在2X 當時用車清一色的特別, 有特別的車都易認...... 影左數張相後上車, 車頭已被年輕巴迷佔用, 我只好坐對頭位, 留位俾好友坐.......
上東區走廊, 車長好進取, 在平路上踩盡部車, 聽人講架車以前力水麻麻, 但當晚在東區走廊表現一流, 水箱聲好細... 友人就話佢行2x 好過收嘉亭灣, 收筲箕灣好快出到大街.....
其實, 2x 係新巴在接手後開辦的特快線之一, 亦係熱門的新車首航線, 今次因車務而令DA94打破慣例, 成為第一部在2x 埋單的巴士.... (隨後行該線的尾日車已是標準的低地台車 E.G 改開頂前的1216, 10XX)
返灣仔碼頭回程, 一路的跑 實在係正到不得了~~~ 再到灣碼影多數張....影完就食野......
諗深一層, DA94 行的路線號碼也間接道出 DA94 在新出果陣的車號, NO.2 加左X 字除左代表架車做特快, 亦代表架車係步向最後之旅踏上歸途.......
講左咁多, 睇下相啦!
打頭陣係 DA94 未退前數年泊在灣碼休息的相, 之後係架車尾日做2X 兩邊站頭相. 無獨有偶, 梯位廣告都係搵工網站 (DA95 最後梯位廣告同DA94 一樣)
後記: 自從2013年3月13日送別 DA94 後, 隨後兩年的3月13日 都係送別丹尼士車系 第二年係 Dart AA48 (GS9019), 舊年就送別同祖宗, 11米鷹 DA82....
歡迎分享 (特別係當晚 2X的情況), 或跟相~
| 
