(兩年前回憶) 歐一神鷹 DA75 的起點終站 - 在鴨島的終極之旅

中巴的歐一鷹中, 有三架 (DA74-76) 帶有 加德士全廣,
當中兩架 DA74 / 75 係柴廠車, 分別行走780 8 號;
DA76 就長時間服務南區 504......

有日上中華巴士紀念館 fb, 有人貼左架車帶著老廉全廣 做 590 的 相,
並提到架車係取代 LA24; 做8號果陣, 每朝到灣仔碼頭後,
要私去鴨島 - 海怡做一單特快版 590 去中環, 再返回灣仔做 8 號.....

即係, DA75的載客生涯, 都可算是離不開鴨島, 雖然佢係東區車....
原來, 佢同 DA76 在一朝早, 都有機會相遇 (FF中).....

亦可以話 DA75 同 DA76 在歐一鷹當中, 服務南區的時間也比 970 的其他H牌同類更長,
因為 970的鷹, 未開線前, 都係在唔同過海線, 到970 開線先至入南區.....

到新巴接手, 初期照舊做8號, 但 8 號轉舊車後, 就不時都入南區, 行走 38,
或是 970, 亦都隨著架車大裝修, 就入黃廠除下廣告, 噴上新巴色,長駐南區....

再不久更換電牌, 入面電牌控制器的裝法, 得佢 同 DA76 獨有 (見本篇尾三相)......

Part 1 - 鴨島線留影
現在先貼架車做91 同94 的相:
頭兩張係多年前 (約 2011年) 在中環影, 其他都在尾兩日影.  

架車在年廿九做94我有幸在返工時坐到影到
之後待在黃廠侯命, 當晚收到料話架車做最後一次洗車補油後,
被拉去過海, 做到半夜收工, 並直接泊黃竹坑邨, 不用回廠....

到最後一日, 我都在返工等到佢做91,  同時由於返半日,
就在放工醫肚後再遊....
下篇亦會分享架車表現.....

由於當日是年三十, 公司早放, 我就可以在放工醫肚後坐佢兼去不同攝點
為 DA75 做 最後留影, 有車長話架車比空運龍重軑一點,
是我首次聽到的特別評價, 因為我總覺得空運龍都係重軑一族......

再講架車表現, 架車的力水因著長年服務, 已有少許力不從心,
反而之前較無力的 同類, 如 DA70 / DA73, 可能用左已退車的零件,
尾日表現反而比以前好番不少.......

說回 DA75, 除左在中途站影, 在兩邊總站它更同 第一代人力車,
中巴尾期同是長行柴斜的 VA52 合照 (見上篇)......

到鴨脷洲邨亦剛好與 當時最新 Cityflyer 同埋 歐二鷹 DA83
合照, 好有新舊交替之感....
架車由早到晚都有唔少行家留影, 直到黃昏,

架車由之前做 DA77 最後一程的車長接更,
私牌去中環, 亦沒想到這是最後一次出中環,
之後我坐車去上環追, 最後都趕得切........

回到總站, 架車打出 暫停服務 字樣,
我同友人趁架車泊車果陣, 就影多數張佢泊車的情況,
之後架車就休息, 車長就去晚餐, 我同友伴都一齊醫肚.....
醫肚後, 就有位車長接更, 故事會如何發展?? 留意下篇終章.....

本來最後接更果位車長要把車子私去中環, 我同友人都坐 590 落去等,
但不知何故, 車子被拉去海怡, 亦係在途中先知, 未知是否有特別原因....

最後得知架車原來被拉去海怡做一單 595, 然後收車泊回鴨脷洲邨站後的位,
即係食左最後的白果!!~~~佢做 595 的相, 就借另一位巴迷在一月尾
影佢做595的相去分享 (當日佢由590 轉線的) .....

在分享開始都說過架車在中巴時代每朝都去海怡, 在海怡做載客終站都係完美,
只係佢唔再做返590, 係有點可惜, 不過架車時侯已到, 沒法子了....

在鴨脷洲邨站後, 沒有車長去接車, 再行上前架車係顯示 "中環碼頭 91",
我地就再為佢做最後留影, 亦都影佢 close up, 見到佢新出廣告殘留字樣
(可惜我好似影唔到:p), 我地就好似梯位廣告的企鵝一樣, 只可去等.....

不久就見到有後期鷹做 95, 就上車一遊.....

臨到十點多, 有位後生車長上前同我地講, DA75會在午夜前被拉走,
(另外都講到如果佢做完95都無人拉走就會佢渣返廠).....
最終, 都晚上十一點前, 有位中年車長上車, 著車頭燈, 啟動引擎,
把 DA75 駛回車廠退役, 我地就趁架車離開果陣, 為佢最後留影,
之後就依依不捨地回家了, 而 DA75 就泊在黃廠二樓.....

不多久, DA75同埋 DA76 都被拉到東區創富廠停放處理......
對 DA75 來說, 這算是完美的起點終站嗎???

長文分享到此終結, Thank you for reading!~~

唔知樓主有無LA嘅相片同回憶呢? 可否介紹埋LA?