(25/7) 12米白板 (巨龍) 最終章 - 大白龍 3AD170 (HU8420)

由統治者衍生出來的三軸版 巨龍12米版,終於在3日前走到最後一刻....

當日我剛好要返工, 就決定午餐後去坐, 因為佢一點沙田開.....
上車之後都有些放緊暑假的行家去坐. 架車冷氣同之前退的同類比係略為不足,

不過架車係最後12米白板, 亦係同款最後一架, 點都忍下啦.....
遊來回一轉後, 在沙田站影佢入坑, 記錄佢最後時刻

我有朋友都上車, 就再坐返回程, 臨入月華街前落車影相...

下篇貼佢晚上終極尾單相......

我在家休息後再出發, 沿途同其他行家互通消息
去觀鐵途中, 得知架車過大老山之後打爆左, 就心有些怯,
多年前九巴70尾日係打爆兩架車, 心想今次會否上唔到車.....

到觀鐵總站, 大量巴迷已經聚集一齊, 唔少更在站頭排定隊上車
架車因塞車遲左來, 好在最終會在 1930 開尾班....

不久, 大白龍終於到, 入站前影番張門位....
條龍都好長, 我影多兩三張相之後即刻排隊,
好在都上到車......

到開車, 架車上下都被巴迷 (特別係讀緊書果班) 佔據打爆, 好似坐到車好興奮咁,
就好似70尾日打爆出尾班九龍熱狗咁, 可憐中途等的搭客要在站頭忍受焗熱天氣.....

架車近乎不停站, 係到彩虹, 有位出名90後巴迷落左車,
架車之後全速入大老山隧道, 到愉翠苑先有人同行家再上車...

轉眼到終結一刻, 架車入到沙田站果陣, 成車行家大多在落車前後
都大力拍掌兩次 (以示對大白龍致敬???)

落車前, 好多人都爭住為佢做最後留影, 我影下入面好似爆滿的情景...
下車後 司機立即上樓上拆牌....
站長都趕人落車....

架車吉左之後, 司機閂門, 並響鞍, 示意影車朋友讓開,
大白龍就沿263坑出站回廠退役.....

就這樣, 12米白板服務生涯就此完結.

Goodbye and Thank you, 12m Dennis Dragon!