在石排灣過海線埋單的兩代神鷹: DA55 / 61

來往西九龍經西環, 多利道, 田灣去石排灣的971雖然不算好旺場,
但因為早收,有時都會派尾日車行.....

第一次就用富豪VA16 埋單, 但係收石掛灣再拉番東區 (好大機會係東區出車),
第二次起埋單的都係新巴 二手冷碼台柱 - 冷鷹
本文的兩架鷹新出都係東區車, 先後在佢地最後一程都做971

同埋 兩架車 DA55 / 61 臨退前引擎試過出煙, 但依然表現都中上, 實屬難得....

Part 1 - DA55 (29 JUN 2011)
DA55 就係新出掛牌23, 到新巴都留有 CANON IXUS 全廣, 第一次驗車前上層沒有整走中巴熱線!
直到驗車後先由新巴貼代.....不單止, 司機位中巴"緊急門掣" 中英印字, 同埋 97年10月R 都完全保留....
一路到2000年去柴廠裝修內部同埋落廣告噴上新巴色先消失...

2011年6月尾, 我半日DAY-OFF, 放工即時上圖書館睇 DA55 動向, 知佢做971, 就立即坐18P 過西環睇兩邊,
並通知我朋友開車時間...
不久, 架車終於到, 我就影張梯位, 再過馬路上車 去石排灣....架車原來拆左電視, 但留有 Roadshow 字樣....
返到石排灣, 再影門位同車頭相...

架車沒有顯示兩邊目的地, 也無在擋風玻璃上放目的地顯示, 相信熟客就會識上車....
由於當晚我要開會, 同埋第二日旅行, 我最終在南昌站落車;
我朋友就坐佢尾單返石排灣, 大約九點半回廠退役......

三年後, 再次有同類在971 走, 今次到 DA61, 亦係最後一次....下篇再講.....

DA61 新出俾東九龍線 116 -> 106, 亦估計首航線是106, 期間上左 三星影音 全廣....
直到過新巴 除下全廣先入南區周圍走......

在首批歐一 DA 中, 佢雖然長行上斜線, 但到尾上長命斜都無腳軟
只係退前一個月行 42 在香隧車尾出煙, 不過好快整番, 出番來就係行
尾日線 971......

講番正題, 架車在中巴籠或新巴籠果陣, 表現都係如一,
退前兩個月返家坐佢做 970x, 在西隧跑得爽, 上斜都順.....按下面睇佢做970系的相
http://wwww.hkitalk.net/HKiTalk2 ... d=973442&extra=

到佢終極尾日, 本來係 8月23日到期, 但當日星期六, 而早一晚埋單....
果晚有三單巴士大事, 有 87A 同埋 AS LAST DAY,
仲有巨無霸首航....好多巴迷都去哂........

呢架車就係好平靜地走, 亦有行家在日頭影佢, 尾單得我同另一朋友一起....
架車, 尾二日據聞做 94 -> 78 -> 112 泊西九廠, 尾日被安排做971 返南區
當日我有朋友去左九龍捕佢, 晚上坐巨無霸首航果陣
朋友打來 告知 DA61 位置, 另外就在八仔機下面攝 A4 寫左D字,
佢講果陣好似架車有D古怪,
我就估架車應該都.....總之坐左先......

坐完巨無霸即刻趕落華富, 用火車 + 171 + 48, 務求坐到佢最後數站

在華富一帶上車, 謎底解開, 架車真係做最後一程, A4 寫
上行寫 DA61, 中間大大隻字寫 "不要入油"...

據聞係司機在2150 開車前攝八仔機按掣下面, 即係架車返廠就封車,
示意其他司機不要拿 DA61 出街, 同埋不用補油
落完斜, 入完田灣, 架車最後一次上石排灣, 上完斜就代表佢
載客生涯的終結.....

到石排灣, 架車已經按下私牌, 我就影多數張相
車就熄燈, 直返黃廠.
留意司機位推拉  換黑框.....

第二日上黃廠附近, 架車車牌位油哂白, 即係不出車了....
之後我都在空檔影佢遺照, 公司名油左, 電牌亦都拆下了.......
DA61 就成了做971埋單的最後二手車, 之後埋單做971的車
都係佢後代, 低地台的 Dart / Trident~~~

謝點閱....

估計批20XX Dart仔都好大機會最後一日都係行呢條線

william970216 發表於 2016-9-11 17:03
估計批20XX Dart仔都好大機會最後一日都係行呢條線

其實係有 Dart 尾日做, 不過唔多...

而 長陣最後一架 2022 最後一程不是971, 係 27....