粱天琦選唔到會對今次立法會選舉有咩影響？

尋日政府就唔比梁天琦選九月立法會。
事先都未講個張所謂確認書有冇問題，而家人地都已經就佢地個張確認書去表明自己「不主張，不推動港獨」，
之後個選舉主任就不斷以自己主張去認定梁係港獨而否決佢參選。

呢件事見到幾樣野；
1）梁振英政府為左唔比梁天琦出選，無所不用其極都要去阻止佢選立法會。
2）就算簽左確認書，梁營政府又有何理據去認定人地「推動港獨」？
3）其他本土派一樣可以出選，又點解只係得梁天琦唔得？
4）確認書究竟為何物？既然係確認書又點解唔係每個參選人都要簽？

總括黎講，梁振英政府起呢件事上面又再一次撕裂香港社會，仲要曲線幫緊本土派、泛民、甚至提港獨 o既拉緊票。本來佢唔搞咁多野或者本土派都係拎到一席兩席，而家比佢咁搞幾搞，谷到班年輕人出黎投票，建制派今次真係要自求多福。雖然建制向來都有人起背後幫佢地配票甚至更加離譜 o既都已經唔係新聞，但係今次搞成咁，我都幾有興趣想知泛民、激進泛民同本土到頭黎會拎到幾多票。要記得而家件事先係岩岩開始 ……

根本成件事只係因爲梁天琦今年補選中奪得比預期多票，從而引發出來的。
政府明知打壓梁天琦會引致年輕一輩反彈，年初一事件會再次重演，這樣一來，中共可以更加控制香港，
亦有利二十三條立法。

有無梁天琦，其實對建制派選情無太大影響，因爲鐵票加上種票，同埋現在七國咁亂，
建制派可以漁人得利。因爲係比例代表制，就算多人投本土, 只要無配票，都只會高票落選。

梁振英政府今次敗在太蠢，最終引火自焚 …

如果他存心不想讓本土派的梁天琦參選，又不想有參選人主張港獨的話，
大可以參考港視例子，點列出那些不准參選立法會選舉的港獨政黨。
雖然反對輿論會一發不可收拾，但參考返過往事例，
政府大可以以法律作理由推搪，對手無膊雞之力的反對民意視若無睹，
唯一壞處是變相為泛民及激進泛民拉票，但他們同樣手無膊雞之力。

但今次只係個別針對，又不做戲做全套，搞到而家唔湯唔水，
又有可能發生樓主上述的狀況，真是間接累死自己人。

peterkwan 發表於 2016-8-3 13:53
根本成件事只係因爲梁天琦今年補選中奪得比預期多票，從而引發出來的。
政府明知打壓梁天琦會引致年輕一輩 ...

實話實說，今次泛民如果肯坐低傾選舉策略，
今次真係有幾會會羸得多過建制。

最少有幾樣野今次選舉肯定會觸及：
1）究竟支唔支拎梁振英連任
2）ICAC 單野肯定會繼續追問，加上 UGL 個五千萬根本係必問問題。

就係呢兩點都已經搞到建制頭痛，
可惜泛民自己各懷鬼胎互相盤算，尤其泛民最大個兩個黨成日都想做大佬，
結果搞到名單多。起激進泛民加本土思維抬頭之時，仲有建制起後面虎視耽耽，泛民真係 ……

今次如果泛民輸，輸都係因為自己唔夠團結。
機會比哂佢地，但係又唔去把握，真係冇人可以幫到佢地。

peterkwan 發表於 2016-8-3 13:53
根本成件事只係因爲梁天琦今年補選中奪得比預期多票，從而引發出來的。
政府明知打壓梁天琦會引致年輕一輩 ...

只針對第一段，
如果政府存心透過這次事件，令中共對香港得心應手地控制，
更為令二十三條立法順利過渡，那在年初一的魚蛋革命，
甚或兩年前的雨傘革命，已是最佳時機。

SE7378 發表於 2016-8-3 13:55
梁振英政府今次敗在太蠢，最終引火自焚 …

如果他存心不想讓本土派的梁天琦參選，又不想有參選人主張港獨 ...

係人都睇得出梁振英想連任，襯住立法會九月選就走去搞下班本土派，順面可以比阿爺睇到自己仲有咩存在價值，
到頭黎根本就係自己捉蟲。

鬼唔望九月立法會選唔成，我睇下梁振英仲點樣厚顏無恥去爭取連任。

三名特首，
董建華：衰極都真係肯做野幫下市民，可惜整得八萬五就預正九一一，到後來又 SARS。真係天都唔鐘意佢。到最後廿三條，或者都係西環意旨唔到佢話事。
曾蔭權：始終都係公務員出身。多做多錯，少做少錯呢八個字基本上真係應驗哂起佢身上。至於到後期有人話佢貪污，起我眼中佢只不過係貪小便宜。如果佢都叫貪污咁梁振英一定走唔甩。
梁振英：乜都唔關佢事，講完。潛建、上海仔、五千萬、 ICAC …… 乜都唔關佢事。做特首做到乜都唔關事，咁不如佢唔好做囉。

後話：
某份報紙成日話香港係中南海權鬥之地，而梁係屬江派。起習總現時執政之時，江就指派梁起香港搞三搞四，意圖分化港人與大陸之間 o既關係。宏觀少少去睇下自梁振英上台後，香港民間同大陸 o既關係真係一點都冇好過，反而係不斷下滑。梁振英上台成日都話要整一個香港營出黎，到頭黎香港而家就嚴重撕裂。我又真係睇唔出梁振英為左香港做左 d 乜出黎？反之內鬨不斷，本來深層次矛盾而家就變成上陣。梁振英某程度上就係曲線谷起本土派。仲好意思話人地港獨思潮蔓延，梁振英下台真係大部份問題都可以解決。

SE7378 發表於 2016-8-3 14:15
只針對第一段，
如果政府存心透過這次事件，令中共對香港得心應手地控制，
更為令二十三條立法順利過渡， ...

如果雨傘／魚旦革命之後搞廿三條，
香港只會有更多人反梁振英。

當年一講廿三條，五十萬人行出黎，
梁振英而家肯唔肯拎佢自己個政治生命博先？
條友而家要連任，
如果一野博輸左，佢真係一鋪清袋，佢未必咁蠢 ……

SE7378 發表於 2016-8-3 13:55
梁振英政府今次敗在太蠢，最終引火自焚 …

如果他存心不想讓本土派的梁天琦參選，又不想有參選人主張港獨 ...

根據基本法，根本政府無法律理據阻擋任何人參選。
所以先要用行政手段去達到目的.

peterkwan 發表於 2016-8-3 14:36
根據基本法，根本政府無法律理據阻擋任何人參選。
所以先要用行政手段去達到目的.

咁只可以用一個字形容而家呢個梁營政府：賤