六年前初六布牌鷹告別牛河: DA51 / 47 (2011-02-08)

其實呢兩部布牌冷鷹 本身不太好力, 只屬一般,

只係佢地都在2011年的初六埋單, 就寫下本文作記.

佢地一路都只上過一次全車身廣告....係咪一個記錄?

兩車在98年過新巴後首次髹上新巴色, 也安裝了中門警告聲,

載客限額用了紫色貼紙, 加上了司機位安全帶; 2010年換車頭車牌.

十多年了, 由中學睇住佢地上山下海....在91號這超級大流水線告別,

真係百般滋味在心頭, 部車慢慢地去行哂成條薄扶林道,

上下午都載滿上學下班一族, 佢地上山下海的時光, 就在當日終結.....

Part 1 : DA51
佢新出係行區內線595, 曾上太子百貨廣告,
不旋踵就調去新界晨早線 305 長征,
並做西隧線905攝車 直到中巴結束.

九月尾噴上新巴色,  在2000年尾行完M21 後入柴灣廠換新巴內籠.
復出後十年間只有橙色地方被重噴, 並重新加上黑框邊.
車尾的車隊編號沒有被移上車頂, 係好難得的.....
貼在樓梯位旁的新巴貼紙係比其他的大,
"周大福..." 的字樣就貼在裙腳下面(有鐵條分開著)

告別牛河91  鴨脷洲 - 中環
當日年初六, 係我年假的最後一日, 知道有兩部鷹 DA47/51 在當日埋單,
下午便走去中環碰運氣. 行到中環街市, 竟然見到佢地 在91 前後腳去緊薄扶林,
我之後坐行隧道的 590 去鴨脷洲捕佢地 (PS DA51在前一日都行91...)

在鴨脷洲等了又等, 終於見到 DA51準備入站 , 入站前影兩張先...
入站後, 影多張車頭, 之後上車....車頭的"1" 字係城巴的款式, 好特別......

在車內影左車頭相, 車頭少數用貼紙貼車隊編號,
佢係該批da 中率先完成內部裝修的.
部車行得定, 緩緩的上薄扶林道, 不算慢, 但不算好去....

最後在李陞小學下車, 再等 DA47 返鴨脷洲.......
下篇再分享 DA47 最後遊歷.....

分享之先, 送張DA47 上層天花標貼相:
估唔到中巴貼紙 "TO STOP THE BUS, Ring bell once"
竟然留在天花版......部車有齊三款貼紙, 橫跨三個年代...

按下看DA51 退後在黃廠的相 (由其他站友影)
http://www.hkitalk.net/HKiTalk2/ ... tra=page%3D1&page=1

分享完 DA51 的最後之旅, 請看下面 DA47 的分享.....

寫 DA47 最後車河前, 想簡介 DA47 的歷史....

Part 2-  DA47

DA47 新出係頭五部300首批掛牌之一, 一年後行走 590(特快班次)/301/105,

五年來帶著黃加白的中國人壽保險廣告.

有朋友指, 原本DA47 係被編去行93A的, 但司機唔要, 要左另一款車 LA11

於是佢成為590 少數常用的鷹.

見過相, 佢最遠去過沙田馬場行802去東區, 也長期過海......

架車入新巴後一個月落廣告, 髹了新巴色;

在2000年尾大裝修前再髹油, 加黑框邊.

記得在千禧年尾, 佢不但在柴灣完成內部裝修, 全車更重新噴油,

在HKBDB 見過佢無廣告, 白雪雪的相, 留意佢車隊編號都係中巴印字體.

重噴車頭後才再有新巴格式的字體, 保持到現在也不太殘 ......

回到DA47 的送別, 架車前一兩日都在西九龍線 702 出沒,

佢新出時的活躍地.....

估唔到尾日可以拉回南區 (或者拉番中環? 定係佢下午先做?).....

按此觀看 其他站友影的DA47 的精彩相片....
http://www.hkitalk.net/HKiTalk2/ ... 2298&extra=page%3D1

在DA51 落車後等左一個鐘,見到低地台, 心開始急起來:
也怕會遲到，好在....等左4部左右,  DA47 到站....
部車好多人坐, 說不上快.....點都好, 坐左先講....

到香港仔, 影下上層, 仲有下層車側面攪牌,
露了原來的藍色, 加埋車頭印字....

落車時, 天已黑, 影多張車頭相.....
果塊"經: 利東邨"的大膠牌現在都好少用了,
DA47 /51 尾日果陣都有顯示, 構成特別的畫面.....

影多張車頭相就結束今次車河, 依依不捨地坐車離開了.....
(* 之後坐DA43 尾日, 司機話佢拉 DA47 上天台, 按佢服務時間,
應該係晚上 九點三/四左右拉車上鴨脷洲, 再拉DA47 回廠封車)

雖然兩架布牌鷹不是我最愛, 但卻好掛住果陣的送別時光.....
謝點閱,....