[鐵路設施] 葵芳地鐵站 E 出口啟用在即

葵芳地鐵站連接 新都會廣場天橋 的 E 出口經已落成，有關設施基本上已準備就緒。

車站方面已宣布 E 出口將在下周三，即 5 月 24 日 1600 啟用。

出口啟用後，進出一號月台及新都會廣場天橋，都會比以前方便無比。

至於由新都會廣場前往二號月台乘搭中環方向列車的乘客，新出口的啟用可說沒有幫助，
因為無論經由地面 D 出口或是新的 E 出口，所需的步行時間（以一般步速而言）其實一樣，
乘客不妨在親自試用過後再按自己起好自由選擇吧！

不過可以預見的情況，就是 E 出口的人流方向，在日間的大部份時份相信都會以離站人流為主。

P.S.
由於車站 E 出口的月台水平較天橋高，故該通道會設有六級樓梯，在新出口啟用後，
如輪椅乘客欲單靠個人力量，不經他人幫助下前往天橋，看來依然要經升降機前往地面 C 出口，
沿天橋斜道前往。

雖然地鐵的形象較九鐵優勝,
但我覺得九鐵的設施好多都比地鐵靚...
好似新建成的東鐵尖東站 / 西鐵 / 馬鐵 咁,
佢地 d 出入口都比新建成的地鐵出入口靚...

九鐵以服務乘客為主、地鐵則以回報股東為依歸，有好有壞，兩者不可相提並論。

係lo, 地鐵站咁多鋪頭, 窿窿la la都有間...
火車站就大把空間...連廣告都係齋d, 來來去去都係pan記...

話說回頭, 個出口都係想食住新都會剛剛翻新完, 吸番d客入商場je

原帖由 TL 於 2006-5-27 17:00 發表

講開地鐵站舖頭, 一個月前荔枝角站A出口原本放增值機同售票機既位置
竟然布I被全部移到入閘機同行人通道之間,
幾可肯定以後繁時用A出口好難行到入閘機.

另外有一則傳聞.
據小弟分別居於昇悅居同泓景 ...

一早講左會有出口去四小龍，但實際去邊個就唔記得.......

原帖由 denniskeung 於 2006-5-21 03:02 發表
雖然地鐵的形象較九鐵優勝,
但我覺得九鐵的設施好多都比地鐵靚...
好似新建成的東鐵尖東站 / 西鐵 / 馬鐵 咁,
佢地 d 出入口都比新建成的地鐵出入口靚...

但九鐵修理爛野的速度奇慢，設施點好都無用。

原帖由 TL 於 2006-5-27 17:00 發表

講開地鐵站舖頭, 一個月前荔枝角站A出口原本放增值機同售票機既位置
竟然布I被全部移到入閘機同行人通道之間,
幾可肯定以後繁時用A出口好難行到入閘機.

呢樣野同時發生0係青衣站, 搞到增值機同售票機竟然分開...

原帖由 sunnykam 於 2006-5-27 19:17 發表


呢樣野同時發生0係青衣站, 搞到增值機同售票機竟然分開...

地鐵站都變晒做商場
遲早西鐡美孚轉線通道都會開舖