新巴最後神鷹 DA90 暑期閉幕特約: 穿梭東九港島東 116

在去年8月最後一個周五, 原裝神鷹 DA92 返廠退役後,
DA90 如常做91去中環,  但去到碼頭卻被套走做三柴 (111)....
之後係咁做過海線 同埋重返港島東區, 行得最多係東九龍線 慈雲山 116 同埋106

在周六, 架車在西九廠開始被拉去青衣, 接載上班族過港島區,
再服務太古城上班優閒族, 奔馳於東廊;
隨後一連數日都先後不停穿梭東九龍, 亦服務港島東區居民

我為左坐 DA90, 在紅隧口等左唔少時間, 點知架車係不載客
入紅隧返港島, 起初以為架車私港島東, 但後來坐車, 見到佢出紅隧上橋....
再過堅拿道天橋等, 遇到另一位愛鷹的站友.....再後來上 FB
有人影到架車原來由慈雲山私番黃廠 (!!!!!!!)
(慈中 離黃廠比蘇屋更遠, 如此返廠實在始料不到!!!)

到星期日, 架車再戰116, 返教會後, 剛好有朋友報料, 時間有岩岩好,
就去鰂魚涌去坐全程, 終於如願以償坐上, 同朋友一齊享受這流水之旅....

架車由特別車長渣, 由朝渣到晚. 架車一路都好順咁行, 如鷹一樣的,
行這流水過海線都勝任愉快, 轉眼就到慈雲山, 再影多數張就坐車離開.....

到晚上, 架車去向如何? 請睇埋下篇.....

到晚上, 我同一班朋友一起到紅隧口再等 DA90回港島區,
亦係該車最後一次做116......

起初以為架車會返廠, 誰知後尾有行家問司機有無下條線做,
車長好快咁話: 106 .... 即係要上山下海........
我心想, 架 DA90 得唔得架 (唔計佢炒車, 架車一向都不是上品)....
所以無坐佢做106.......
返家上網, 原來架車更通宵做 N8P / N8

做完 N8P / N8之後再做106, 我都聲控我另一老友坐佢, 當日就前中巴車長渣,做到晚上9點多收車

直到去年開學日的早上, 佢早繁做106P / 106後收車......
大家有無在去年暑假尾去送別新巴神鷹呢, 一齊分享吧!