依家返工好似為見人

近月在公司發展感情?

3個月前, 我打左上面一篇文, 話自己係一間百貨公司跟一位女同事兼同學開始熟絡.

依家我同佢的關係, 依然為同事兼同學, 但關係比3個月前密切得多. 近2個月每次係休息
時間見面都有傾有講, 最少都有15-20分鐘. 雙方都由最初的被為變得大為主動, 話題
都多左好多. 佢有次同我講自己平時係比較靜, 少出聲的; 另外有一次, 我同佢一齊工
作一個鐘頭, 係工作期間仲無意中掂到佢隻手, 感覺到凍冰冰的. 事後我同佢講: ‘同你
一齊做野真係開心’, 佢都好坦白講話係.
雖然佢早已名花有主, 但我冇因為呢個原因而有任何避忌, 有時係公司仲同佢行得好埋.
但我一定清楚自己做緊甚麼, 雖然自己對佢有好感, 有意思, 但我只會維持現有的同事
兼同學雙重關係, 因為我自知連自己都未顧得掂.

係公司當我地兩個都有返工的日子, 有時還會一起共事. 唔知道係咪每隔一星期的星期六
先見到對方, 心情因而感到異常地好, 就算自己當日心情差, 都會係佢面前扮作好的. 就係
因為疏於見面的原因, 2個月前開始我已經覺得自己逄星期六返工係為左同佢見面, 雖然
自己都覺得有點本末倒置, 但因為心靈上可以得到安慰, 所以工作上先可以加倍落力. 好多
時候我星期六仲會提早1個鐘返到公司開工, 甚至早2個鐘返去同佢一齊係公司食lunch 都
試過. 否則其他日子, 我返工只係為左賺錢, 為盡自己本份而已. 另外心情會較差, 情緒會
較為波動, 工作上遇到不如意, 有時仲會向其他同事宣洩, 但就唔會發脾氣.

講真, 我覺得同佢一齊工作真係好合拍, 但我只會係工事先會諗住或掛住人地. 我從來都未
試過約佢出街, 因為我地都係大商場返工嘛, 早已覺得行街唔係樂趣. 加上人家自言今年因
為學業繁忙, 考試同assignment繁多的關係, 要減少返工時間了, 佢仲邊有多餘時間呢. 要約
佢出街或同同學食飯都係等佢考完試先考慮吧.

今日返工break 的時候, 佢同我講, 如果下年大學經常都好忙, 連抽時間返工都不大可能的時候,
佢會考慮辭職. 若果真係成事, 我心諗固然有少許唔開心, 甚至會對我造成一定打擊, 到時無哂
心機返工都唔定. 但事實大家當然要以學業為重行頭啦, 始終返工只係兼職, 我會尊重佢的決定.

今晚放工的時候, 佢仲同我講覺得好頭痛, 返到屋企要訓覺了, 星期日仲要返6個鐘.
佢星期六返左11個鐘, 對於一個弱質纖纖的女仔黎講, 佢可以支持得住已經叫做厲害.
相反自己今日返7個鐘完全唔覺得辛苦, 可能佢的出現所產生的心理作用吧, 同佢就一
定做得開心兼唔覺辛苦. 如果唔係我已經係放工時剩番半條人命, 帶著疲乏的身軀回家了.

係佢上個月生日時的聚餐, 我見過佢的男朋友, 先知道佢男朋友係跟佢同一個 course同一班的.
不過自己可以幸運地跟佢成為同事已屬難得, 而自己要求都好簡單, 只要見到佢, 我已經覺得
心滿意足.

自己又一次的分享, 多言了.
究竟我的處事方式有冇問題呢?

[ 本帖最後由 winston 於 2006-5-21 11:14 編輯 ]

既然你知道那女孩已有男友，我認為你可以找另一個目標，無謂因繼續想起她而影響工作表現。祝君好運！

HAHA~兩睇啦..
如果知道自己想點既...

有時返工返到去見到佢又開開心心...
咁都係一個唔錯既選擇黎...
開開心心過一日...
總好過無無聊聊咁過一日...

睇你自己想點樣做...

如果你真係想維持現狀的，
咁就請為自己劃下一條界線，
唔好俾自己對佢有感覺。

但係如果你對同佢的關係持開放的態度的，
咁你亦都可以選擇做一些事令你同佢的關係更深，
但係到底係去到咩地步呢?

就留返你自己諗清楚先...

如果你真係想開始的，
咁就請不要閃縮，
除非你自覺有力可以吸引對方主動來。

原帖由 dongfeng 於 2006-5-21 12:44 發表
既然你知道那女孩已有男友，我認為你可以找另一個目標，無謂因繼續想起她而影響工作表現。祝君好運！

因為全公司只有兩男一女為香港人, 除左佢之外, 我懷疑自己對公司的英國女仔興趣不大.
我雖然2個月前開始亦同佢部門的另外一個英國女仔, 亦係同事兼同學關係唔錯. 但
覺得英國女仔並不能夠給我好像香港女仔, 即係我心儀的女同事般, 有同樣的feel,
感覺差好遠甘, 問題在於自己始終喜歡同聲同氣的對象.

雖然大學有其他女同學曾經介紹過幾位香港或中國女仔俾我識. 但對於我黎講,
暫時我只對這位女同事兼同學有興趣.

[ 本帖最後由 winston 於 2006-5-21 19:48 編輯 ]

原帖由 307 於 2006-5-21 16:57 發表
睇你自己想點樣做...

如果你真係想維持現狀的，
咁就請為自己劃下一條界線，
唔好俾自己對佢有感覺。

但係如果你對同佢的關係持開放的態度的，
咁你亦都可以選擇做一些事令你同佢的關係更深，
但係到底係去到咩地步呢?

就留返你自己諗清楚先...

如果你真係想開始的，
咁就請不要閃縮，
除非你自覺有力可以吸引對方主動來。

講真, 我係對佢有感覺, 但就同佢無可能更進一步, 我自知配唔起佢.
因為對方同佢男朋友都係同科同班的醫科高材生, 但自己讀商管,
就覺得並非讀書的材料.

我對佢有感覺, 只係工作上精神的寄託. 就算平日佢唔係度的時候,
工作如意時諗起佢, 有時做野都會好有心機

[ 本帖最後由 winston 於 2006-5-21 20:07 編輯 ]

如果你自問唔想再進一步(係唔想，唔係得唔得)
咁你自己就要為自己同佢的關係來個清晰的定係喇...

原帖由 307 於 2006-5-21 21:21 發表
如果你自問唔想再進一步(係唔想，唔係得唔得)
咁你自己就要為自己同佢的關係來個清晰的定係喇...

我可以答你係唔想. 因為心知一定唔得或者行唔通, 我唔會做D任何對唔住佢的事,
同人掙我諗都無諗過.
維持現時的關係, 我個人認為對雙方都冇壞, 只怪自己一廂情願或者暗戀/單戀對方.

另外閣下所講, 令我諗起一樣野.
諗深一層, 雖然對方細我2年, 但佢的言行同思想比我成熟得多, 做事認真同專業,
相比起自己返工好似唔多認真, 玩玩下的態度, 看來應該要自我檢討一下. 其實我
唔應該鍾意對方, 應該要好好向佢學習先啱. 唔知甘樣係咪叫做欣賞或仰慕呢?

[ 本帖最後由 winston 於 2006-5-21 22:28 編輯 ]

原帖由 KY9143 於 2006-5-21 13:58 發表
HAHA~兩睇啦..
如果知道自己想點既...

有時返工返到去見到佢又開開心心...
咁都係一個唔錯既選擇黎...
開開心心過一日...
總好過無無聊聊咁過一日...

我又有一個問題, 依照307兄的話, 我係咪應該要將工作同私人感情分開呢?
但我自問依家做唔到呢個地步.

原帖由 winston 於 2006-5-21 21:46 發表
我可以答你係唔想. 因為心知一定唔得或者行唔通, 我唔會做D任何對唔住佢的事,
同人掙我諗都無諗過.
維持現時的關係, 我個人認為對雙方都冇壞, 只怪自己一廂情願或者暗戀/單戀對方.

另外閣下所講, 令我諗起一樣野.
諗深一層, 雖然對方細我2年, 但佢的言行同思想比我成熟得多, 做事認真同專業,
相比起自己返工好似唔多認真, 玩玩下的態度, 看來應該要自我檢討一下. 其實我
唔應該鍾意對方, 應該要好好向佢學習先. 唔知甘樣係咪叫做欣賞或仰慕呢?

到底你個心係點樣諗，
只有你自己才清楚。

不過，要提醒的係，
如果你自覺係有感覺但係唔想俾自己去，
但又知道自己無咁好的自制力的話，
咁最好就幫自己做一件可能你唔想做的事，
好等自己真係唔會做出一個令自己後悔的決定。

仲有，感覺係唔可以細分的，
唔可以話我有乜而無乜，
只係有將好多唔同的野加埋...

咁所以呢，
如果你自己都已經開始要掩蓋自己的感覺之時，
最好都係幫自己好好咁去想想，
到底自己有d咩應該做。

[ 本帖最後由 307 於 2006-5-23 10:51 編輯 ]