黃柱龍 AD236 (GM9421) 在大埔區的最後流水任務 (28 Aug 2013)

去年8月28日係新巴鷹 DA92 終極尾日.  三年前同日我遠征大埔,
為的是送別大埔上水區的一架黃柱龍 (同祖宗的) AD236 (GM9421)

架車新出係沙田廠, 好快去九龍灣廠, 並上健牌全廣做東隧線6年,
城隧73X 全冷時入上水廠做全冷, 亦係唯一行全日的黃柱龍....
期間亦到做過屯門元朗替車, 有日見佢做968.....

回正題, 架車其實水箱聲好大, 同埋公路都力水麻麻, 極速低
(比水廠 GJ牌差)......幸好之後都先後掛流水線, 掛 275, 273A,
叫做去合用的地方.....

轉眼到最後的倒數. 架車在最後5日 (8月24-28日) 都被安排行走71A,
穿梭埔鐵至富亨, 尾日做 S1更 (近十一點收車).....

頭數日顯示路線都正常咁放. 但到尾日, 車頭線號牌被放在擋風玻璃
(塊牌較大, 放不入去......)

當日我做完事, 就保鐵入大埔, 見到 GM9421 剛出站, 就決定在埔鐵站等一會,
再等佢到站, 就影相上車, 為架車去倒數.......
下篇再續......

上左車, 車長都純熟地把車子起動, 一路都很爽.
有一兩單仲要不停站直去總站.....

去富亨, 就先影梯位相, 再醫肚.
醫完肚再享受架車最後之數程....

臨到尾一兩單, 在富亨聽到站頭車長吹水,
話架車當晚劏, 仲大讚白板 (包括 GM9421)
好去好收, 關門快, 金車踩極唔去......(呢個事實來)

好了, 到十點半多點, 架車再上客返埔鐵,
我都上車完成這送別.
雖然係唔同車長, 但架車都一樣的爽.

轉眼回到埔鐵, 落客後左 U-TURN之後 再停在
LAY-OFF 地方.
今次無熄車, 車長跟著再上車拆牌,
拆完牌就駛走, 返大埔廠, 結束架車操勞的一生....