(多圖 12x3 長文) 電牌白富豪 GZ9930 屯公 動感 謝幕之旅 - 59M

兩年前一月四日, 電牌白門白富豪 GZ9930 夠十八年, 來到最後服務的日子.
由於前一晚被換入去往來屯碼荃灣的59M線, 當日就被安排行走該線的一更班次,
朝十晚九, 連一個鍾午飯時間.......

如果係長期影特的行家, 都會見過果日做9930尾日的車長.....
如果係平日, 又或者另一架電牌白豪 HA6667 無因壞車早退,
兩架電牌白豪尾日好有可能在晚上會入迪士尼當特別車咁做,
而未必做正規線 (總之FF下好....).

回正題,  架車在2015年1月頭兩日還在元朗做區內線, 2號晚做完54, 以為會提早封車,
但之後一日突然有人報佢被拉出廠做當晚59M頭車,
我就在晚上遠征, 不過當晚食白果......
幸好有在場戰友聽到消息話架車第二日會再做......

果然, 在朝早, WHATAPPS 有人報佢做59M, 不過變成 S11,
在假期係朝十晚九的一更車, 由一位特別車長操刀.....
當日在站頭更傳出架車會在當晚收工封車的消息,  
之後我再通報俾另一朋友, 而佢之後亦都問到架車下午到晚上的開車時間;
網上都有消息話佢當晚不須入油....
(*遊完佢去同另一行家食飯, 佢都話架車唔駛入油)....

我就返完教會後, 過葵芳醫肚, 再過屯門碼頭坐飯後更份到晚上尾單,
現在先貼上由佢飯後屯碼開去荃灣站的頭一轉的相 (都好多行家追).....
同時我都同左同線的 Neoplan 掛牌一起合照......

下兩篇再分享架車表現.....

其實, GZ9930 尾日係星期日, 加埋架車條陣都到大限,
自然做番正規的早收更份就最好.  事實上, 自公路禁令取消後,
9930 都不曾過海, 估計都係因為佢掛67m 果陣已經成日過海柯打 960a
但更相信此舉應該同大陣的事有關吧!

現在講下GZ9930 尾日表現:

當日下午四點起頭兩三轉, 車長每次上斜時鎖二波谷架車, 令車子可以更有力上斜加速.
當時架車係坐滿, 以一架都大限的車計加速力都算唔錯, 亦令車子可以順利如期到達荃灣站,
令各行家都有愉快車程.

架車門位同車尾廣告間接道出佢最後生涯的活躍地方,
是在元朗天水圍做替車, 有時行欖隧出市區.

到最後一日, 因為要留電子牌零件, 架車退都要在屯門處理,
佢就好幸運, 退前最後一程就返回屯門, 不過同架車廣告不太配合,
但這已是不重要了, 退前有得搭先最重要.

到兩邊總站, 我都趁機影多張去留念:
在屯門碼頭, 我影佢入站前後對照, 門位加埋佢上客前後的情景;
在荃灣站我集中影梯位, 也在尾單果陣行上數步樓梯影架車側面,
務求影到佢最美一刻.........

轉眼到最後一轉, 架車在荃鐵泊在後面,
亦意外得到在荃灣站唯一的車頭門位相
(有d 金字塔, 請諒)....

下篇就講佢終極一單同埋退後情況.......

臨到終極一單的開車時間, 車長就開車, 把車子駛入站內,
我趁佢慢入果陣影佢扭入站的美態, 之後影佢門位加尾,
同埋佢同金富豪掛牌的合照. 影完不久就開始上客,
上客前影架車最後載客留念, 再上車見證最後一單.
(中間亦加插佢行其他線的內籠相)

到最後一單, 車子也一樣的順, 不過到極速都同樣有
左右震的問題. 而入屯公轉車站前, 遇到金磚男人一哥做263,
不過架車都老, 過不到佢頭, 加埋 男人一哥一向表現ok,
敗於 男人一哥手上是無話可說的....

離開屯公轉車站後, 我都拿手機出來錄影佢最後一次行屯公的英姿,
段片好清楚影到佢左右震的的聱響, 不過都到最後一單, 就享受埋佢吧!
https://www.facebook.com/edclh20 ... 188/?type=3&theater

出屯門公路, 亦代表9930 步向終結, 最後一次入屯門碼頭後,
車頭電牌隨即顯示 "暫停服務" 牌, 車長熄車小休時, 亦都收起路線圖,
同埋登出價錢牌. 不欠再開車頭大燈開車, 出站前都影埋佢,
可惜門位炒左相,但都好開心可以見證最後的一刻..

數日後, 我再按網上消息去屯門南廠影9930 遺照, 見到車尾好似不能平放咁....
而佢泊左一星期後被處理....

9930最後一程亦都以屯公接駁線做謝幕,
並返回出生地, 亦為屯門公路 G牌白板時代劃上完美句號......

如要重溫它行走屯公生涯, 按下:
http://www.hkitalk.net/HKiTalk2/ ... 1&extra=#pid3478061

長文分享完畢, 多謝點閱!~~~

好多車長都投訴白豪臨退個陣水箱都好嘈同埋成日比車頭熱風吹番上黎

低地台AD 發表於 2017-1-4 23:55
好多車長都投訴白豪臨退個陣水箱都好嘈同埋成日比車頭熱風吹番上黎

水箱聲嘈同車頭熱風問題非富豪獨有吧!~~~

兩架電牌白富豪 GZ9930 HA6667 水箱聲唔算太響.....

Click 埋段片聽下水箱聲係咪好響 (GZ9930 @ 59m - 屯轉後 至富健花園)
https://www.facebook.com/edclh20 ... 188/?type=3&theater