點解會冇太古坊紅隧全日特快?

brianso198 發表於 2016-9-3 01:01
而家110堆特最好搵既時間其實大約得半粒鐘(畀盡八個字)既時間,
所以似乎朝早都唔係好大必要開112X係真... ...

110服務範圍細，只覆蓋到尖沙咀，不能夠同118覆蓋曬深油旺比較,紅隧口條龍已經話俾人接近食曬以前118去電氣道的人

hadboy5 發表於 2016-9-3 08:17
110服務範圍細，只覆蓋到尖沙咀，不能夠同118覆蓋曬深油旺比較,紅隧口條龍已經話俾人接近食曬以前118去電 ...

倒返轉講,
紅隧>北角最大舊客其實係朝早,
拎呢條110去做呢個位我覺得無錯...

反而112X朝早格硬拆線既話爆煲係真,
因為112本身朝早班次唔係密車,
而朝早條路又唔係塞到接受唔到既時候,
似乎無咩需要朝早走去拆112...

S3BL100 發表於 2016-9-2 22:21
102 清風街走人係唔可能發生，維園同景隆街/皇室堡都係客倉

同埋途經繁忙路段，唔係新發展區，又唔係 ...

維園都仲可以靠時間差不多既112...景隆街就真係煩...
但要入景隆街, 咁102點改都唔會快~
如果以你既睇法, 你都只係證明左我地兩個都一樣不合理、不能成立，唔理乘客流向

S3BL100 發表於 2016-9-2 22:59
乘客既係唔會 care 巴士公司既營運問題，但係巴士公司亦唔會實行一個唔合乎佢地底線既方案

不斷去提一個 ...

你咪繼續妣面計數LOR, 地圖派天才~我對你呢隻牛彈左咁耐琴你都係唔明時,大家都係牛JE...
最重要係...你唔同我地, 你講得出呢D野其實側面證明緊你現在唔係客~
所以你紙面計數真係靚GA, 純數據我BUY你GA...但你始終都唔明, 客人坐車係比錢要車坐, 唔係比錢睇你計完數少左車/服務~

就你碩尾站果點...景隆街係最可以忽視的一站~

我唔介意你繼續為巴士公司發聲GA...講咁耐都係各自表述, 而我不停咁好似當日118咁比你屈緊之MA~
你咪繼續一箱情願感性地去發表好似理性但唔MAKE SENSE既數字LOR~

S3BL100 發表於 2016-9-2 23:16
112X 就算要做埋上繁都唔係問題

至少九巴仲有條 118，當日改快後的確無咁左一班上繁北角客，

你呢個唔係數學事實, 係數學上先假設而家已經載得晒而分餅~
但真正既現實係, 而家102+112係唔夠載LA~ 認清事實未呀?
肯去搭車未呀?? 搵到標準未先??

brianso198 發表於 2016-9-3 00:27
112X朝早極其量只可以做單邊,
因為112朝早九新都極度疏車...

所以咪講左唔夠車做唔拆得LOR...係有人唔理現實所以硬係唔明JE~

brianso198 發表於 2016-9-3 00:23
其實D小區會被覺得減班就會走,
特別愛秩序灣呢D尾站客係會有好明顯既感覺...

"有時快左無錯可以吸引到乘客,
但落到地如果要說服呢班人接受我覺得現階段有相當難度..."

呢度我好同意, 因為係事實...
而最大既問題係, 一有咁樣既改動就會令客覺得又想減原本既服務, 而比條疏車既快線~
仲要快左既時間等車已經等左去...即係無Q用~

stevechau 發表於 2016-9-3 12:38
你呢個唔係數學事實, 係數學上先假設而家已經載得晒而分餅~
但真正既現實係, 而家102+112係唔夠載LA~ 認 ...

你搬緊龍門

之前係講緊頂閘，而家就講緊唔夠載

繁忙時間當然唔好期望紅隧口第一班車上到，但運載力係咪少過需要搭呢幾條線過海既人數？
清客速度係咪慢過人龍增長速度？

下繁堅拿道橋底個站，又係咪長期有大量乘客積聚，長期要等第二三四班車先上到？
事實係，112 下繁實際班次密到傻，當然唔少班次頂閘係真，但只要開得快少少，或者中途起載同正常班次夾時間夾差左少少，
已經可以仲有唔少企位過海，甚至仲有空位過海

咩係唔夠載？當日為左開 18X 而搞 720，搞到下繁灣碼等成個鐘先上到車，果D就叫唔夠載

如果 102 112 真係好似你講到咁唔夠載，巴士公司晨早就唔拆線都加大量車落去，加到夠載為止，反正「唔夠載」根據現有機制已經可以加班

或者好似當日 720 咁，或者岩岩改完 118 之後的 102 紅隧口南行，連續幾日到一個星期都唔夠載，趕客趕到夠載為止…

根本拆完後，用返現有車數，102 變 102+102X，112 變 112+112X，每個時段都可以開多至少兩班車，即係運載力仲多左，
如果而家夠載的話，到時點會唔夠載？

而且，拆完後，用現有車數，可以開更多班次，增加運載力，亦有條件唔會令短線班次減太多。
呢個係純粹用算術得出來的結果，呢點亦同客量無關，唔會因為而家客多或者客少而推翻呢點

同埋講真，如果 brianso198 兄講既情況屬實，反正紅隧口朝早返北角炮台山乘客，110 都食得七七八八，
我又唔介意 112 只係上繁打後先拆喎，反正主要都係為左北角炮台山居民快少少返屋企

依照你的理論，頂閘就係唔夠載的話，咁當日 68X 唔應該拆條 268X 出來，
十幾年前 70X 唔應該拆 277X 出來，269C 唔應該拆開 268C 出來，仲有 297 都唔應該拆一條唔做九龍灣的上繁特別線1 297P 出來

stevechau 發表於 2016-9-3 12:37
你咪繼續妣面計數LOR, 地圖派天才~我對你呢隻牛彈左咁耐琴你都係唔明時,大家都係牛JE...
最重要係...你唔 ...

客人唔會知道甚至唔會明白巴士公司運作上的實際情況同考慮，但唔代表呢D問題唔存在唔需要考慮

你就覺得因為客人唔會知呢D問題，所以呢D問題就唔存在，唔使理，仲話人為巴士公司發聲。
我問你點樣解決果幾點最低要求同局限，問你打算點樣說服巴士公司執行你心目中的方案，定係一廂情願覺得佢地一定會照做，但你完全無答過。
呢種鴕鳥心態，最後咩都唔會做到、爭取到。此 post 已完

（不過再加多句，實際上又唔見得你好以客為本，否則就唔會出左唔做景隆街生意/叫人避風塘行返入銅鑼灣既建議）

stevechau 發表於 2016-9-2 19:03
個人覺得捱到去南港島線通車, 成個港島區都應該多左資源搞野...問題係唔知TD比唔比搞~
...

我睇TD咁偏幫柴小巴士公司, 唔樂觀的

都係只會出番官方/職員標準答案: 請乘102/112