(多圖) 神鷹銀禧終極閉幕禮 (I): DA90 人力車 懷舊大賺之旅

中巴90年起正式買雙層冷馬, 轉眼25年後, 就係新巴最後一架有頂鷹 DA90最後一日行走......
架車退前數日長駐東九龍, 退前一日回到南區, 十二點前回黃廠補油.....

Part 1: DA90 @ 人力車觀光線?
架車做觀光線消息係我在晚上十二點在家收到, 當時 DA90 做完970返廠,
收到消息果陣我都未知架車做通宵........
http://www.hkitalk.net/HKiTalk2/ ... 1&extra=#pid3413035

聽到這消息真係好驚訝, 因為架車從未做過H1; 同埋以外觀, 其他同類好佢好多.....
但換角度睇, 以特別線做尾日線在外國其實不是奇事 (E.G Routemaster last day)
新巴今次真係好識賺錢, 將尾日二手車放去中長途線行, 最後路線全程
位位 $66, 賺到笑....

在FB睇到下繁 DA90 被拉出廠, 車頭有紫色底的 "加班車" 字樣,
就知消息係堅; 因為這字樣係人力車獨有......

放工後, 知道DA90 做104, 因在前一晚坐左, 就直接去中環醫肚, 再行去天星碼頭.....

行到去, DA90 泊在中環碼頭後面 STANDBY, 到夠鐘 車長轉H1牌, 並且駛到燈位前,
讓周圍的行家影梯位, 之後開門上客, 架車成為巴迷送別專車
不久, 架車入天星, 並且泊在正規車VA52前面, 我影完架車梯位同埋行家排隊就上車
隨車還有兩位職員看守, 恍似在除夕人力車倒數這般, 不過今次係為神鷹倒數載客生涯

到2034, 架DA90 終於開車......

現先貼上架車上客的一刻, 車內的清況, 同埋行完全程後的純車頭相,
下段講車河的情況.....

DA90 開車, 架車沒有人力車的介紹景點服務, 但有電視播放
不過全部的巴迷上車志不在電視, 志在去見證鷹在專利生涯的終極一刻......

入紅隧出九龍車多繁忙, 令唔少在紅隧口等影相的巴迷都擁有架車珍貴的一刻.....
到廣東道去尖咀, 另一批巴迷都影佢門位同埋上車享受回程...

最後一次過紅隧, 架車如鷹的短跑, 之後再入利舞台, 跑馬地 出 灣仔.....

金鐘之後上紅棉路大斜, 架車好明顯要谷, 司機都按下2波按掣上,
慢慢地上完斜, 返落斜再返回天星.....

回到天星, 全部巴迷都落車, 有十分鐘最後留念時間....
在上一段貼的內部相, 可以睇到下層巴迷臨落車的依依不捨, 都係機不離手.....
車內車外都聚集了大量不同年紀的巴迷, 趕緊為 DA90 做最後留影
(車上有60多位巴迷, 加埋出面影的行家, 都有過百位巴迷去見證這歷史一刻)....

我就先影車頭, 再影多D "標準"相,
到女職員最後一次檢查架車, 確保 DA90 沒有客在車上

檢查完畢, 禮成! 車長之後再上車, 為DA90熄燈, 並且按下新巴 LOGO 電牌
代表 DA90 要踏上歸途, 回到黃竹坑廠退役.........

DA90 新出牌不久就一路以東區車身份做南區線38, 縱使架車在鷹中是虧的一架,
但在新巴是排在最尾退的一架, 同埋在18年都離不開南區,
總有些不捨和情意結, 沒有神鷹在薄扶林道, 總是缺了些什麼似的........

有兩位站友都詳盡地記錄架車回廠路線同埋上天台的一刻
如下面兩位站友貼圖顯示, , 架車亦進入洗車機做最後一次淨身,
淨完身就被貼上封車證, 拉上廠頂退役.....

(1) 回廠全記錄 (By volvo_chan)
http://wwww.hkitalk.net/HKiTalk2 ... tra=page%3D1&page=1

(2) 有埋架車入廠等上天台一刻 (By w061327a)
http://wwww.hkitalk.net/HKiTalk2 ... tra=page%3D1&page=1

神鷹 銀禧送別 - 專利篇就寫到此, 多謝收睇....
預告 - 大巴士的開頂鷹都在去年同月的前後被停牌,
佢地最終去向如何? 請留意 B6 版......