大富豪 臨退北上穿越城隧獅隧: 278X & 270A

記得大白豪退到得番最後4強果陣, 沙田廠有架 HH4914 (3AV336) 在八月中
被送去大埔上水做後備, 遊走流水線, 埔公線同埋吐露港公路出九龍....
在八月尾日架車更被派去做278X S 車.

當晚放工我去如心諗住坐佢, 點知架車到如心去其他坑....
後尾得知佢會去尖咀做一單270A 回上水收工, 就影完相
坐西鐵去尖東, 最終快佢5分鐘到, 就在佢入站泊車時影番張.....
(之後換的上水牌, 係手寫牌, 離遠點睇? 好在塊手寫牌背面都係270A
途經的地方, 搭開就熟路.....)

其實HH4914 新出果時係大西北的大富豪, 同另一架 HH4757
都係新出後一齊掛276P 同埋 968, 再長駐沙田馬鞍山沙田區,
出入九龍東西部 (46X, 85C, 89) ...

4914 更曾被派往要上長斜的81, 上落大埔道, 亦因此被 TUNE 以增加部車
上斜力度, 改善表現; 再不久就再回到東九, 服務第一城濱景 的 82X多年.....

回正題, 4914 當晚係最後一次在上水出現, 八月尾日更穿過城隧獅隧,
亦係最後一次出尖咀西九一帶....
知道架車做270A 梗開心, 亦都暫時放下在港島區最愛的神鷹, 專心坐佢....

現先貼上架車在如心同尖東麼地道入總站, 同埋等開的相.....
下篇分享HH4914 的車河.....

記載HH4914車程前, 亦都送上再早一點退的大白豪
HE3353 特見270A 的相.....(我影3353之後都上左車出九龍, 加速夠但極速低)

講返4914, 架車1955尖東開車, 一路都有客上,
架車好好去, 但係架車冷氣好唔夠.....
影左張內籠相, 唔知邊個手多, 寫 82X 在椅背 (看上面內部相)
(鬼唔知架車以前長行82X......)

司機停站果陣叫D客如果唔急就等下架,
最終架車到九龍塘就坐滿, 亦企左數個...

轉眼就上映月台, 架車都好夠力上大斜,
亦係最後一次上斜行獅隧, 一氣呵成的上完....

出獅隧, 就向吐公進發...
車長盡力地發揮架車, 務求盡快把客送到粉嶺上水,
架車在坐滿有企之下行公路在表現理想,
司機同搭客都無因冷氣問題太大怨言....

返到上水, 車長就拆牌收工, 結束 HH4914在上水的服務....
當晚亦係270A 最後一次用大富豪行走.....
(開學日佢被拉回大埔做74X, 但據網上消息, 架車早上壞左車,
就提早埋單......)
謝點閱, 歡迎跟相同分享......